Luke 14:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bialua muntu kundi kai ne tatu wandi lukuna ne baba wandi ne mukashi wandi ne bana bandi ne bana babo balume ne bana babo bakashi, ne muoyo wandi mene kabidi, kena mumanye mua kuikala muyidi wanyi.

MUKANDA WA MYIDI MUKULU

²⁶ — Muntu udi undonda, udi ne bua kunnanga meme bipite tatuende, mamuende, mukajende, bana bende, bana babu ba balume nansha ba bakaji, nansha bipite mene mudiye mudinange. Yeye kayi wenza nanku, kena mua kuikala mulongi wanyi to.

Luke 14:26 ပူးပေါင်းရင်းမြစ်များ

Misambu 139:22

Ndi mbakina ne lukuna lukole lua tshishiki; ndi mbabala bu bena lukuna banyi.

Dibadika 10:30

Yeye wakamba ne, Tshiena nya, nempingane kuetu kudi bana betu.

Matayi 10:37

Muntu udi ne tatu wandi anyi baba wandi dinanga ditambe didiye nʼadi kundi meme kena ukumbana bua kuikaleye muyidi wanyi; muntu udi ne muanʼandi mulume anyi muanʼandi mukashi dinanga ditambe didiye nʼadi kundi meme kena ukumbana bua kuikaleye muyidi wanyi.

Luke 14:20

Mukuabo wakamba ne, Nakubaka mukashi, nunku tshiena mumanye mua kuya.

Luke 14:25

Bantu ba bungi bakadi baya nʼandi, yeye wakatshinguluka, wakabambila ne,

Yowanane 12:25

Wasua muoyo wandi neaujimishe; wikala ne muoyo wandi udiye nʼau ha buloba lukuna neaulame tô ne ku muoyo wa tshiendelele.

Bienzedi 20:24

Kadi tshiena mbala muoyo wanyi bu tshintu tshia mushinga mukole kundi, binamanya mua kushikisha tshidikishilu tshianyi tshia lubilu ne mudimu unakuangata kudi Mukelenge Yesu wa kumanyisha bantu lumu luimpe lua ngasa wa Nzambi.

Rome 9:13

Mbu muakafundabo ne, Nakananga Yakoba, kadi nakakina Esau.

Dielulula 21:15

Bikala mulume ne bakashi babidi, udi musue umue, udi ukina mukuabo, ne bubidi buabo ne mukashi wakadiye musue ne mukuabo wakadiye ukina, hakamulelela bana; ne bikala mukashi wakadiye ukina mumulelele muanʼa bute wandi;

Dielulula 33:9

Wakambila tatu wandi ne mamu wandi ne, Tshiena mumumone; kena mumanye bana babo, kena mumanye bana bandi, bualu bua bobo bakatumikila dî diebe ne tshihungidi tshiebe.

Filipe 3:8

E, bulelela mene, ndi mbala bintu bionso bu tshintu tshijimina bualu bua bulengele butambe bua kumanya kua Kilisto Yesu, Mukelenge wanyi; unakajimishila bintu bionso bua bualu buandi, ne ndi mbibala bu bintu bia kuela ku diala bua meme mpete Kilisto,

Didimanyisha 12:11

Ne bobo bakamuhita bukole bualu bua mashi a Muana wa Mukoko, ne bualu bua dî dia bumanyishi buabo; ne bobo kabakasua mioyo yabo tô ne ku lufu.