Luke 14:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Kadi hawalambishila bantu bidia, ubikile bahele ne bataha ne balema ne bafofo;

MUKANDA WA MYIDI MUKULU

¹³ Kadi pawikala wenza didia dia tshibilu, ubikile bapele, balema, batebuki ne bampofu.

Luke 14:13 ပူးပေါင်းရင်းမြစ်များ

2 Samuele 6:19

Yeye wakabanyina bantu bonso ba mu tshisumba tshia Bena Isalele, ne halume ne bakashi, mitanda ya bidia, minyinyi ne bisumbu bia tumuma tukese tûme. Nunku bantu bakamuangalaka muntu kuandi muntu kuandi.

2 Kulondolola 30:24

Bualu bua Hezikiya, mukelenge wa Yuda, wakaha bantu balume ba ngombe tshinunu ne mikoko binunu muanda mutekete bua kufilabo bu milambu; ne bantu banene bakaha bantu balume ba ngombe tshinunu ne mikoko binunu dikumi; bakuidi ba bungi bakadijidila.

Nehemya 8:10

Hashishe yeye wakabambila ne, Yai bienu kuenu, nudie bintu bia manyi, mume bintu bidi bishemakane, nutumine bantu badi hatuhu bintu bia kudia; bualu bua edi ndituku dia tshijila kudi Mukelenge wetu; kanunyingalashi mitshima yenu, bualu bua disanka dia Yehowa mbukole buenu.

Nehemya 8:12

Nunku bantu bonso bakaya kuabo bua kudiabo ne bua kunuabo ne bua kutuminabo bantu bakadi hatuhu bintu bia kudia ne bua kusankabo, bualu bua bobo bakajingulula mei akabambilabo.

Yobe 29:13

Disankisha dia kudi muntu wakadi wamba kufua diakalua kundi; nakimbisha mutshima wa mukashi wa mu lufuila musambu wa disanka.

Nsumuinu 14:31

Udi ukengesha muhele udi uhenda Mufuki wandi, kadi udi ulesha mukengedi wa bintu luse udi umutumbisha.

Nsumuinu 22:9

Udi ufuila bakuabo luse neavudishibue disanka, bualu bua udi wabanyangana bia kudia biandi ne bahele.

Yeshaya 58:10

biwafila tshidi mutshima webe musue kudi badi ne nzala, biwakutshisha kujinga kua badi ne dikenga, hashishe munya webe neutemene mu mîdima, ne mufitu webe neulue bu munda munya.

Yeshaya 58:7

Eku kakuena kufila kua bia kudia biebe kudi badi ne nzala, ne bua kulua ne bahele badi kabayi ne muaba wa kushikama mu nsubu muebe, anyi? Eku kakuena kuluatshisha kua udi ne butaka tshilulu hawamutangila butaka, ne bua wewe kusokomi kudi muanʼenu wa mashi amue, anyi?

Matayi 15:30

Bisumbu binene bia bantu biakalua kudiye, bakadi ne balema babo ne bafofo ne tumama ne batshibuke ne bakuabo ba bungi, bakabateka ku makasa andi, yeye wakabakolesha;

Matayi 22:10

Bantu bandi bakaya mu misesu, bakasangisha bantu bonso bakamonabo, babi ne bimpe; mu nsubu wa disanka dia dibanji muakadi benyi tente.

Luke 11:41

Nuhe bantu bintu bia luse binudi nʼabi munda; nunku bintu bionso nebitoke ku mesu kuenu.

Luke 14:12

Yesu wakambila wakamubikila bua kudia ne, Hawalambishila bantu bidia bia munda munya anyi bia dilolo, kubikidi balunda bebe anyi bana benu anyi ba tshiota tshienu anyi babanshi badi ha buihi nʼebe; biakubikilabo wewe kabidi, nebakuhingishile bintu biebe.

Luke 14:14

nebakutumbishe, bua bobo kabena ne bia kukuhingishila kabidi; nebakuhingishilebi, halua dibika dia bantu bakane ku lufu.

Luke 14:21

Muntu wakalua, wakambila nfumu wandi malu â. Muena nsubu wakadi ne tshishi, wakambila muntu wandi ne, Ya biebe lubilu mu misesu ya musoko ne mu tushila tukese, ulue ne bahele ne bataha ne bafofo ne balema.

Bienzedi 9:39

Petelo wakabika, wakaya nʼabo. Hakalueye, bakaya nʼandi mu nsubu wa ha mutu. Bakashi bonso ba mu lufuila bakadi bimane ha buihi nʼandi, badila, baleshangana mitelu ne bivualu biakatela Dôka hakadiye nʼabo.

Dielulula 14:29

ne Bena Lewi, bualu bua bobo kabena ne tshituha anyi buhianyi kunudi, ne benyi ne bana ba nshiya ne bakashi ba mu lufuila badi ku mbelu kuenu nebalue, nebadie, nebukute; nunku Yehowa, Nzambi wenu, neanuvudishile disanka mu mudimu wonso unudi nuenza ne bianza bienu.

Dielulula 16:11

Nenusanke ku mesu kua Yehowa, Nzambi wenu, ne wewe ne muana webe mulume ne muana webe mukashi ne muntu webe mulume ne muntu webe mukashi ne Muena Lewi udi mu musoko webe ne muenyi ne bana ba nshiya ne bakashi ba mu lufuila badi munkatshi muenu, mu muaba udi Yehowa, Nzambi wenu, Usungula bua kujadikamu dina diandi.

Dielulula 16:14

nenuikale ne disanka hanuadia bidia ebi, ne muana webe mulume ne muana webe mukashi ne muntu webe mulume ne muntu webe mukashi ne Muena Lewi ne muenyi ne bana ba nshiya ne bakashi ba mu lufuila badi mu misoko yenu.

1 Timote 3:2

Nunku budi mukulu-mutangidi nʼabu mbua kuikala kai ne bilumbu; ikale biandi muena mukashi umue; ikale biandi muena meshi mahola ne buhuekele; amanye mua kulongolola malu andi bimpe; ikale musankididi wa benyi; ikale muakane wa kuyisha bakuabo.

1 Timote 5:10

udi ne lumu luimpe lua bienzedi biandi bimpe, bikaleye mudiundishe bana bandi, bikaleye musangele benyi, bikaleye mume makasa a basanto, bikaleye mukuatshishe bena makenga, bikaleye munanukile kulonda midimu mimpe yonso.

Tite 1:8

Kadi ikale biandi musankididi wa benyi; anange malu mimpe; ikale ne meshi mahole; enzele bantu bonso biakane; ikale muntu wa tshijila; adikande biandi;

Filemone 1:7

Bua nakadi ne disanka dinene ne busambi bua dinanga diebe, bualu ba mitshima ya basanto yakakankauashibua bua bualu buebe, muanʼetm.

Ebrewu 13:2

Kanuhu muoyo bua kulesha benyi luse, bua bualu ebu bakuabo bakasangila banjelo, kabai babamanye.