Luke 12:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ kadi muntu yonso wampidia ku mesu kua bantu neahidibue ku mesu kua banjelo ba Nzambi.

MUKANDA WA MYIDI MUKULU

⁹ Kadi muntu yonsu udi unwila kumpala kua bantu, Muana wa muntu neamuvile kabidi kumpala kua batumibue ba Mvidi Mukulu.

Luke 12:9 ပူးပေါင်းရင်းမြစ်များ

Matayi 10:33

Kadi muntu yonso wampidia ku mesu kua bantu, meme nennuhidie kabidi ku mesu kua Tatu wanyi udi mu diulu.

Matayi 25:12

Kadi yeye wakandamuna ne, Bulelela, ndi nuambila ne, Tshiena munumanye.

Matayi 25:31

Halua Muana wa muntu mu butumbi buandi ne banjelo bonso, neashikame mu nkuasa wa butumbi buandi;

Matayi 25:41

Yeye neambile kabidi badi ku tshianza tshia bakashi ne, Umukai kundi, nudi ne mulau, nuye mu kahia ka tshiendelele kadi katemeshela diabolo ne banjelo bandi;

Matayi 7:23

Dituku adi nembambile ne, Tshiakunumanya; umukai kundi, nudi benji ba malu mabi.

Marke 8:38

Muntu yonso udi unfua meme ne mei anyi bundu mu tshikondo etshi tshia masandi ne tshia malu mabi, Muana wa muntu neamufue yeye bundu, halueye ne banjelo ba tshijila mu butumbi bua Tatu wandi.

Luke 15:10

Ndi nuambila ne, Nunku kabidi disanka didi ku mesu kua banjelo ba Nzambi bualu bua muntu umue mubi wakukudimuna mutshima wandi.

Luke 22:57

Yeye wakavila ne, Mukashiana, tshiena mumumanye.

Luke 9:26

Muntu yonso udi unfua meme ne mei anyi bundu, Muana wa muntu neamufue yeye bundu, halueye ne butumbi buandi ne bua Tatu ne bua banjelo ba tshijila.

2 Timote 2:12

Bituikala tuditantamika, netukokeshe nʼandi kabidi; bituamuvila, yeye neatuvile kabidi;

1 Yone 2:23

Muntu yonso udi uvila Muana, yeye kena ne Tatu; kadi muntu udi ujukula Muana udi ne Tatu kabidi.

1 Yone 2:28

Ne katataka, bana bakese, nushale munda muandi, bua, biamueneshibueye, tuetu tuikale ne dikima, ne katuikadi ne bundu ku mesu kuandi mu dilua diandi.

Didimanyisha 3:8

Ndi mumanye midimu yebe (tangila, nakuteka tshibi tshiunzulula ku mpala kuebe, tshidi mukuabo kai mua kutshinshila) ne, Wewe udi ne bukole bukese, ne wakalama dî dianyi, ne kuakahidia dina dianyi.