Luke 11:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Haluhuka nyuma wa bukoya munda mua muntu, nyuma udi wendakana mu miaba idi kayi mai, ukeba ha kuikisha; biahangeye mua kuhamona, yeye udi wamba munda munda ne, Nempingane mu nsubu wanyi unakuluhuka.

MUKANDA WA MYIDI MUKULU

²⁴ “Diba didi mukishi mubi mumane kupatuka munda mua muntu, udi utambakana miaba miume, ukeba muaba wa kuikisha. Padiwu kauyi upeta muaba, udi wela meji ne: ‘Nempingane mu nzubu umvua mushiye.’

Luke 11:24 ပူးပေါင်းရင်းမြစ်များ

Yobe 1:7

Yehowa wakakonka Satana ne, Udi ufuma kudi kunyi? Satana wakakudimuna Yehowa dî ne, Ndi nfuma ha buloba, nakadi ntambakana, ngendakana eku ne eku.

Yobe 2:2

Yehowa wakakonka Satana ne, Udi ufuma kudi kunyi? Satana wakakudimuna Yehowa dî ne, Ndi nfuma ha buloba, nakadi ntambakana, ngendakana eku ne eku.

Misambu 63:1

Nzambi, wewe udi Nzambi wanyi; ndi nkukeba bikole; muoyo wanyi udi ne nyota bualu buebe; mubidi wanyi udi uhanga mu dikujinga diau, mu buloba bume ne budi bukama, budi kabuyi mai.

Nsumuinu 4:16

Bualu bua kabena balala tulu bikalabo kabayi benze bibi; tulu ludi tumuka kudibo bikalabo kabayi bahoneshe muntu.

Yeshaya 35:7

Lusenga ludi lubalakana neluandamuke dishiha dia mai, ne buloba budi kabuyi ne mai nebuikale ne mishimi ya mai; mu miaba yakalala mibuabua nemuikale muaba wa masele ne malenge.

Yeshaya 44:3

Bualu bua nendongolole mai ha buloba budi kabuyi ne mai, nempatule misulu mu buloba budi bûme; nengitshikishe Nyuma wanyi hamʼbidi ha bana bebe, ne disankisha dianyi hamʼbidi ha tunkanunuma tuebe.

Yeshaya 48:22

Yehowa udi wamba ne, Kakuena ditalala dia bantu babi kuikala nʼadi.

Marke 5:10

Yeye wakatendekena Yesu ne, Kutuihatshi mu luseke elu.

Marke 9:25

Hakamona Yesu bantu ba bungi bunguila lukasa, wakabela nyuma wa bukoya, wakamuambila ne, Wewe nyuma wa kamama ne wa mahaha, ndi nku buluila ne, Umuka munda muandi, kubuedimu kabidi.

Luke 11:25

Halueye, udi usangana nsubu mukomba, mulengesha.

Efeze 2:2

anuakendamu diambedi bu mudi tshikondo tshia buloba ebu, bu mudi mukelenge wa bukokeshi bua mu luhehele, wa nyuma udi wenzesha katataka munkatshi mua bana ba buhidia.

1 Petro 5:8

Nuikale bahote, nutabale; umena lukuna wenu, diabolo mene, udi wendakana bu nyama wa ntambue udi ukungula, ukeba bantu ba kudieye;