Luke 10:28 - Mukanda wa Nzambi Dihungila Dikulukulu ne Dihungila Dihia-dihia 2003

²⁸ Yesu wakamuambila ne, Wewe wakuandamuna banue; enza biebe nunku, newikale ne muoyo.

MUKANDA WA MYIDI MUKULU

²⁸ Ke Yezu kumuambila ne: — Udi muandamune bimpe. Enza nanku, newikale ne muoyi.

Luke 10:28 ပူးပေါင်းရင်းမြစ်များ

Nehemya 9:29

wewe wakabadimusha bua kubahingisha ku mikenji yebe kabidi. Kadi bobo bakadisua, kabakatumikila mikenji yebe, bakashiha mei ebe majalame (biâtumikila muntu, yeye neikale ne muoyo kudiu), bakasaka makaya, bakambula mpala yabo, kabakunvua.

Nsumuinu 19:16

Udi utumikila mukenji udi ulama muoyo wandi; udi uhetula nshila idiye wendela neafue biandi.

Yezekiyele 20:11

Nakabaha mei anyi a kulondabo, nakabamanyisha mikenji yanyi; muntu wayenza neikale ne muoyo bua bualu buai.

Yezekiyele 20:13

Kadi Bena Isalele bakantombokela mu tshihela, kabakalonda mei anyi, bakahidia mikenji yanyi idi ivuisha muntu muoyo hayenzeye, ne bakanyanga matuku anyi a mbingu. Nunku nakahangidisha bua kubakoleshila tshiji tshianyi mu tshihela bua kubabutula.

Yezekiyele 20:21

Kadi bana bakantombokela kabidi; kabakenda mu mei anyi, kabakatumikila mikenji yanyi bua kuyenza, idi ivuisha muntu muoyo hayenzeye; bakanyanga matuku anyi a mbingu. Nunku nakahangidisha bua kubakoleshila tshiji tshianyi, bua Kubamanyina tshiji tshianyi tshikole mu tshihela.

Lewitiki 18:5

Nuenu nutumikile mei anyi ne mikenji yanyi, bienza muntu nunku, neikale ne muoyo. Meme ndi Yehowa.

Matayi 19:17

Yesu wakamuambila ne, Udi unkonkela bua bualu buimpe tshinyi? Umue udiku udi muimpe; kadi biwasua kubuela mu muoyo, enza mikenshi ya Nzambi.

Marke 12:34

Hakamanya Yesu ne, Yeye wakuandamuna dî dia lungenyi, Yesu wakamuambila ne, Wewe udi ha buihi ne bukelenge bua Nzambi. Hakashika bualu ebu, kakuakadi muntu wakadi ne bukitu bua kumukonka bualu.

Luke 7:43

Simona wakamuandamuna ne, Ndi ngela meshi ne, Muena dibanza dinene wakalekeleleye. Yesu wakamuambila ne, Wakujingulula bimpe.

Rome 10:4

Bualu bua Kilisto udi kundekelu kua mikenshi tô ne ku buakane kudi yonso udi witabusha.

Rome 3:19

Tudi bamanye ne, Mei onso adi mikenshi yamba, idi yâmbila badi munshi mua mikenshi, bua kubuikila mukana muonso, ne bua ba ha buloba bonso babueshibue munshi mua dilumbuluisha dia Nzambi.

Rome 7:10

Mukenshi, wakadi ku muoyo, eu nakasangana muikale ku lufu.

Ngalate 3:12

Ne mikenshi kayena ku ditabusha, kadi, Wayenza neikale ne muoyo bua bualu buai.

Dielulula 6:24

Yehowa wakatuela mikenji ei, bua tuetu tutshine Yehowa, Nzambi wetu, bua yeye atuenzele bimpe matuku onso, bua tuetu tuikale ne muoyo utudi nʼau lelu eu.