Luke 10:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Yeye wakakudimuna dî ne, Sua Mukelenge Nzambi webe ne mutshima webe wonso ne muoyo webe wonso ne bukole buebe buonso ne lungenyi luebe luonso; ne sua mukuenu bu mûdi mudisue.

MUKANDA WA MYIDI MUKULU

²⁷ Muntu awu kumuandamuna ne: — “Nanga Maweja-Nangila Mvidi Mukulu webe muebe muonsu, ne muoyi webe mujima, ne bukole buebe buonsu, kabidi ne lungenyi luebe luonsu. Nanga kabidi mukuebe muudi mudinange wewe mene.”

Luke 10:27 ပူးပေါင်းရင်းမြစ်များ

Lewitiki 19:18

Kudisombuedi, kuikadi ne lukuna kudi bana ba bana benu, kadi sua mukuenu bu mûdi mudisue, meme ndi Yehowa.

Matayi 19:19

unemeke tatuʼebe ne mamuʼebe, Sua mukuenu bu mûdi mudisue.

Luke 10:26

Yesu wakamukonka ne, Bakafunda tshinyi mu mikenshi ya Mose? Udi ubala munyi?

Rome 13:9

Bualu bua mikenshi ei ne, Kuendi masandi, kushihi muntu, kuibi, kukumi mutshima kudi bintu bia makuabo, ne bikalaku mukenshi wonso mukuabo, wowo udi musungulula mu dî edi ne, Sua mukuenu bu mûdi mudisue.

Ngalate 5:13

Bualu bua nuenu, bana betu, nuakabikidibua bua budishikaminyi; kadi nudimuke ne budishikaminyi buenu kabulu tshia kusankisha nʼatshi mubidi, kadi bualu bua dinanga dienu nukuatshilangane mudimu.

Dielulula 10:12

Katataka, nuenu Bena Isalele, Yehowa, Nzambi wenu, udi musue nuenu nuenze malu kai? Mbua kutshina Yehowa, Nzambi wenu, ne kuenda mu nshila yandi yonso, ne bua kumusua, ne bua kuenzela Yehowa, Nzambi wenu, mudimu ne mitshima yenu yonso ne bukole buenu buonso,

Dielulula 30:6

Yehowa, Nzambi wenu, neanutengule mu mitshima yenu ne ya bana benu, bua nuenu kunanga Yehowa, Nzambi wenu, ne mitshima yenu yonso ne mioyo yenu yonso, bua nuenu kuikala ne muoyo.

Dielulula 6:4

Unvuai Isalele, Yehowa, Nzambi wetu, udi biandi Yehowa umue;

Dielulula 6:5

sua Yehowa, Nzambi webe, ne mutshima webe wonso, ne muoyo webe wonso, ne bukole buebe buonso.

Ebrewu 8:10

Bualu bua etshi ntshihungidi tshindualua kuhunga ne nsubu wa Isalele, Ku nyima kua matuku â, Mukelenge udi wamba, Nenteke mikenshi yanyi mu meshi abo, Nenyifunde kabidi ha mitshima yabo; Nengikale Nzambi wabo, Ne bobo nebikale bantu banyi.

Yakobe 2:8

Kadi binuenza mukenshi wa butumbi, udi mufunda mu Mukanda wa Nzambi ne, Sua mukuenu bu mûdi mudisue, nudi nuenza bimpe;

1 Yone 3:18

Bana bakese, katunanganganyi ku mei anyi ku ndimi; kadi tunangangane mu bienzedi ne mu bulelela.