Luke 1:71 - Mukanda wa Nzambi Dihungila Dikulukulu ne Dihungila Dihia-dihia 2003

⁷¹ Luhandu luakutuhandisheye kudi badi nʼetu lukuna ne mu bianza bia bonso badi batukina.

MUKANDA WA MYIDI MUKULU

⁷¹ Ukavua mulaye bua kutupikula kudi baluishi betu, ne ku bumfumu bua bonsu badi batukina.

Luke 1:71 ပူးပေါင်းရင်းမြစ်များ

2 Bakalenga 17:39

kadi bunudi nʼabu mbua kutshina Yehowa, Nzambi wenu; yeye neanusungile mu bianza bia bantu bonso badi nʼenu lukuna.

Misambu 106:10

Ka wakabasungila mu bianza bia wakabakina, wakababikila mu bukole bua bakadi nʼabo lukuna,

Misambu 106:47

Utusungile, wewe Yehowa Nzambi wetu, utûmushe munkatshi mua bisamba bia ba bende bua kutusangisha hamue, bua tuetu tusakidile dina diebe dia tshijila, ne bua tutumbile mu butumbi buebe.

Yirmeya 23:6

Mu matuku andi ba mu Yuda nebasungidibue, ne ba mu Isalele nebashikame holâ; ne edi ndina didibo bamubikila ne, Yehowa udi buakane buetu.

Yirmeya 32:37

Mona, nembasangishe munkatshi mua maloba onso anakabatuma mu tshiji tshianyi ne mu tshifikʼa munda ne mu tshiji tshianyi tshikole, nendue nʼabo mu muaba eu, nembashikamishemu ne ditalala.

Yezekiyele 28:26

Nebashikamemu kabayi ne bualu kubatatshisha, nebibakemu nsubu, nebakune tumuma tua nvinyo mu madimi, nebashikamemu kabayi ne bualu bubatatshisha, hanalumbuluisha bena mutumba nʼabo badi babanyunguluka ne badi babakengesha; nebamanye ne, Meme ndi Yehowa Nzambi wabo.

Yezekiyele 34:25

Nempunge nʼai tshihungidi tshia ditalala, nengumushe nyama ya luonji mu buloba, bua mikoko ishikame talalâ mu tshihela ne bua ilale tulu muitu.

Yezekiyele 34:28

Kayena ikala kabidi bu tshintu tshia kunyengabo kudi ba mu bisamba bia bantu, ne nyama ya ha buloba kayena iyidia; kadi neyishikame talalâ kayiyi ne ntatu, ne kakuena muntu wayitshinyisha.

Yezekiyele 38:8

Hahita matuku a bungi, nebakubikile bua kuluangana; kunshikidilu kua bidimu ubange kuya bua kuluisha bena buloba bakuhanduka ku kubutuka kua muele wa nvita, tshisamba tshia bantu badibo bahatula munkatshi mua bisamba bia bungi bia bantu; bakabasangisha ha mikuna ya mu Isalele yakadi mibutuke ne dibutuka dia tshiendelele diambedi, kadi idi ne bantu bashikamehu mpindiu bakuhatulabo munkatshi mua bisamba bia bungi bia bantu, buonso buabo bashikamehu kabayi ne bualu budi bubahumbisha.

Luke 1:68

Batumbishe Mukelenge, Nzambi wa Isalele, Bua yeye wakulua kutangila bantu bandi, wakubahidia,

Luke 1:74

Ne, Hanuasungidibua mu bianza bia badi nʼenu lukuna,

Dielulula 33:29

Bena Isalele, nuenu nudi ne disanka, banganyi badi bu nuenu basungidibue kudi Yehowa! Yeye udi bu ngabu wa dikuatshisha dienu; udi bu muele wa nvita unudi nutamba nʼau bakuabo! Bantu badi nʼenu lukuna nebanukokele, nuenu nenudiate mikuna yabo mu makasa enu.

1 Yone 3:8

yeye utu wenza bibi udi wa diabolo; bualu bua diabolo udi muenze bibi ku tshibangidilu. Bua bualu ebu Muana wa Nzambi wakamueneshibua bua kubutuleye midimu ya diabolo.