Kolose 4:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Nuende mu meshi ku mesu kua bantu badi kabai munkatshi mua bena ditabusha; nudisumbile tshikondo hatshiditshiku tshia kuenza bimpe.

MUKANDA WA MYIDI MUKULU

⁵ Badi kabayi bena ditaba, sombayi nabu bimpe. Kanujimiji diba patupu.

Kolose 4:5 ပူးပေါင်းရင်းမြစ်များ

Misambu 90:12

Utuyishe mua kubala matuku etu onso ne dibala edi nunku — bua tuetu kudihetela mutshima udi ne meji.

Danyele 2:8

Mukelenge wakabandamuna dî ne, Ndi mumanye bulelela ne nudi nukeba kulehesha diba bualu bua nudi numona ne dî diakumana kuhatuka mukana muanyi ne,

Matayi 10:16

Monai, ndi nutuma bu mikoko idi munkatshi mua nkashama; nuikale ne budimu bu bua nyoka ne bu nyunyu ya nkutshi idi kayi iluishangana.

Marke 4:11

Yeye wakabambila ne, Badi banuha nuenu malu a bukelenge bua Nzambi adi masokoka, kadi badi bambila bantu ba bende malu onso mu nsumuinu;

Rome 16:19

Bua lumu lua ditumikila dienu luakafika kudi bantu bonso. Nunku ndi nsanka bua bualu buenu, kadi ndi musue nuenu nuikale bena meshi ku malu mimpe ne badi ne mitshima mitoke ku malu mabi.

Kolose 3:16

Dî dia Kilisto dikale munda muenu ne bubanshi buadi; mu meshi onso nuyishangane ne nudimushangane ne misambu ya bena kuitabusha ba kale ne ya bena Kilisto ne ya Nyuma; nuimbile Nzambi misambu ne ngasa mu mitshima yenu.

1 Tesalonike 4:12

nuenze nunku bua nuenu nuende ne bimuenenu biakane ku mesu kua bantu badi kabai bena ditabusha nʼetu; ne bua kanuikadi ne dikengela dia tshintu.

1 Timote 3:7

Bualu bukuabo, budiye nʼabu mbua kuikala ne lumu luimpe kudi badi kabai munkatshi mua bena ditabusha; bua kahonyi biandi mu malu adi avuisha bihendu ne mu buteyi bua diabolo.

Yakobe 1:5

Kadi biahanga mukuabo wenu meshi, âlombe kudi Nzambi udi uha bonso ne mutshima mutoke kai ubatobolola; neamuhebue.

Yakobe 3:13

Muntu kai udi ne meshi ne lungenyi munkatshi muenu? Ku muoyo wandi muimpe aleshe bantu bienzedi biandi mu kalolo kadi ne meshi.

Yakobe 3:17

Kadi meshi adi afuma mu diulu diambedi adi mimpe, hashishe adi ditalala, adi buhote, budi bualu butekete bua kuasengelela, adi mûle tente ne luse ne mamuma mimpe, kêna ne mpata, kêna ne lubombo.

1 Petro 3:1

Muomumue, nuenu bakashi, nukokele babayenu; nunku bikala bakuabo kabai bitabusha dî dia Nzambi, nebahetebue mu bualu bua Nzambi kabai ne dî dia Nzambi, ku bienzedi bia bakashi babo: