Kolose 3:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Nunku nufuishe bituha bia mibidi yenu ya ha buloba: masandi, malu a bukoya, nkuka ya mubidi, disamina dibi dia mutshima, ne dikuma dia mutshima ku bintu didi kutendelela kua mpingu mene;

MUKANDA WA MYIDI MUKULU

⁵ Nanku bengayi malu mabi onsu a pa buloba adi munda muenu: ke buendenda, malu a bundu, lukuka lua mubidi, majinga mabi, ne bukonkotu (bualu bukonkotu budi amu bu kutendelela mvidie).

Kolose 3:5 ပူးပေါင်းရင်းမြစ်များ

Ekesode 37:22

Bihanga ne mahu a tshitekelu biakadi bia tshituha tshia or tshimue, bakatula bintu bionso ne tshiamu tshia or nkayandi.

Matayi 15:19

Bualu bua meshi mabi ne kushiha kua bantu ne masandi ne tshiendenda ne buibi ne mashimi ne kuhenda Nzambi bidi biluhuka mu mutshima;

Rome 1:26

Bua bualu ebu Nzambi wakabafila ku nkuka ya bundu; bualu bua bakashi babo bakashintakasha tshilele tshiabo ku tshilele tshidi katshî tshiabo;

Rome 1:29

Bakadi bûle tente ne malu onso adi kâi makane, ne malu mabi, ne kusaminangana kua mioyo, ne lukinu; bakadi bûle tente ne mukau, kushibangana, kutandangana, lubombo, lukuna; bena minunganu,

Rome 6:13

Kanufidi bituha bia mibidi yenu ku bubi, bu bielelu bia nvita bia malu mabi; hadi nudifile kudi Nzambi bu bantu bakubika ku lufu, nufile bituha bia mibidi yenu kabidi bu bielelu bia nvita bia buakane kudi Nzambi.

Rome 6:6

Tudi bamanye bualu ebu ne, Muoyo wetu mukulukulu wakashihibua nʼandi ku mutshi mutshiamakane, bua mubidi wetu wa bubi kujimishibua; bua tuetu katuikadi mu buhika bua bubi kabidi.

Rome 7:23

kadi ndi mona mukenshi mukuabo mu mubidi wanyi udi uluangana ne mukenshi wa mu meshi anyi, ne udi umbuesha mu buhika bua mukenshi wa bubi udi mu mubidi wanyi.

Rome 7:5

Bualu bua hatuakadi mu malu a mubidi, nkuka ya malu mabi yakadiku bualu bua mikenshi, yakenzesha bituha bia mibidi yetu bua kukuambila mamuma a lufu.

Rome 8:13

Bua binualonda malu a mubidi, nudi ne bualu bua kufua; kadi binuafuisha bienzedi bia mubidi kudi Nyuma, nenuikale ne muoyo.

1 Korente 5:1

Badi bunvua kuonso ne, Masandi adi munkatshi muenu, masandi a bu nunku mene adi kâi munkatshi mua bisamba bia bende, ne, Umue wenu udi ne mukashi wa tatu wandi.

1 Korente 6:11

Bakuabo benu bakadi nunku; kadi nuakuvuibua, nuakajidibua, nuakabingishibua mu dina dia Mukelenge Yesu Kilisto, ne mu Nyuma wa Nzambi wetu.

1 Korente 6:13

Bia kudia bidiku bua difu, ne difu didiku bua bia kudia, kadi Nzambi neavuishe diodio ne biobio bu bintu bia tshianana. Mubidi kawenaku bua masandi, kadi udiku bua Mukelenge; ne Mukelenge udiku bua mubidi.

1 Korente 6:18

Nyemai masandi. Bubi buonso budi muntu wenza kabuena bua mu mubidi, kadi udi wenda masandi udi wenzela mubidi wandi mene bibi.

2 Korente 12:21

bua hanalua kunudi tshiakabidi, Nzambi wanyi kantamunyi ku mpala kuenu, ne mutshima wanyi kunyingaladi bua bantu bangi bakenza malu mabi diambedi ne kabena banze kukudimuna mitshima yabo ku meshi mabi ne tshiendenda tshia malunda mabi ne masandi biakenzabo.

Ngalate 5:24

Badi mu Kilisto Yesu bakamana kushiha mubidi ne milou yau ne nkuka yau ku mutshi mutshiamakane.

Efeze 4:19

Kabena bamanye mua kufua bundu kabidi, bakadifila ku masandi bua kuenzabo malu a bundu onso ne lukuka lukole.

Kolose 2:11

unuakatengudibua munda muandi kabidi ne ditengula didi kadî dienjibua ne bianza mu diumusha dia malu a mubidi wa ha buloba, mu ditengula dia mu Kilisto.

1 Tesalonike 4:3

Bua bualu ebu budi disua dia Nzambi, tshijila tshienu mene, bua nuenu nudikande ku masandi;

1 Tesalonike 4:5

kikadi nʼau mu nkuka ya disamina dibi dia mutshima, bu mudi ba bisamba bia bende benza badi kabai bamanye Nzambi.

1 Timote 6:10

Bualu bua lukuka lua biuma ludi muji wa malu mabi a mishindu yonso; bidi bantu bakuabo badikebela ne bakasesuishibua mu nshila wa ditabusha, bakadisunsula mubidi wonso ne tunyinganyinga tua bungi.

Ebrewu 12:16

ne bua kakuikadi muena masandi anyi muena tshikama bu Esau, wakahana bintu bia buanʼa bute ku katuha ka bia kudia.

Ebrewu 13:4

Dibaka dikale dinemekibua munkatshi mua bantu bonso, bulalu kabunyanguki; Nzambi nealumbuluishe bena masandi bajike ne bena masandi babake.

Ebrewu 13:5

Mioyo yenu kaikadi ne lukuka lua biuma, nuikale ne disanka ne bintu binudi nʼabi, bualu bua Nzambi muine wakuamba ne, Tshiena nkulekela, nasha kakese, tshiena nkushîa tshianana.

Yakobe 4:1

Nvita ne difuilangana bia munkatshi muenu biakulua kudi kunyi? Kabiena bilua ku nkuka idi iluangana mu bituha bia mibidi yenu, anyi?

1 Petro 2:11

Bananga, udi nutendekena bu benyi ne bena luendu ba ha buloba ne, Nuehuke ku nkuka ya mibidi idi iluangana ne mioyo yenu;

Didimanyisha 21:8

Kadi bua badi ne buowa, ne badi kabai ne ditabusha, ne bena tshikama, ne bashihianganyi, ne bena masandi, ne bena muhongo, ne batendeledi ba mpingu, ne bena mashimi bonso, luseke luabo neluikale mu dishiba didi ditema ne kahia ne soufre; didi lufu luibidi.

Didimanyisha 22:15

Ha bule hau hadi mbua, ne bena muhongo, ne bena masandi, ne bashihianganyi, ne batendeledi ba mpingu, ne muntu yonso udi musue ne udi ushima mashimi.