Kolose 3:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bualu bua muntu udi wenza bualu bubi neangate kabidi bualu bubi buakenzeye bu difutu diandi; ne kakuena kansungunsungu kudi Nzambi.

MUKANDA WA MYIDI MUKULU

²⁵ Kadi muntu udi wenza malu mabi, neapete difutu dia malu mabi avuaye muenze, bualu Mvidi Mukulu udi ulumbuluisha bantu kayi ne kansungasunga.

Kolose 3:25 ပူးပေါင်းရင်းမြစ်များ

2 Samuele 14:14

Bualu bua butudi nʼabu mbua kufua; tudi bu mai akelabo ha buloba, kabena bamanye mua kuasuna kabidi; Nzambi kena unyenga muoyo wa muntu, kadi udi ulongolola bua muntu udibo bihata kikadi bu muntu mubengibue kudiye.

2 Kulondolola 19:7

Nunku ditshina dia Yehowa dikale kunudi; nudimuke bimpe bu munudi nuenza bualu bua kakuena malu mabi kudi Yehowa Nzambi wetu, yeye kena ne kansungusungu, kena witabusha bintu bia mbueshilu kudi muntu.

Yobe 34:19

Neuhishe udi ubenga kunemeka anu bana ba bakelenge, udi kayi ubala babanji ne, Badi ku mpala kua bahele; bualu bua buonso buabo badi mudimu wa ku bianza biandi?

Yobe 37:24

Bua muanda eu bantu badi bamutshina; yeye kena utangila muntu udi udibala ne meji mu mutshima wandi yeye.

Lewitiki 19:15

Kanuenji bibi hanualumbulula tshilumbu, kanunemekedi muntu muhele, kanutumbishi muntu munene, kadi nulumbulule bilumbu bia muena mutumba nʼenu ne buakane mu mutshima.

Matayi 16:27

Muana wa muntu nealue mu butumbi bua Tatu wandi ne banjelo bandi; dituku adi neafute muntu yonso bu muakenzenzeye.

Luke 20:21

Bakamukonka ne, Muyishi, tudi bamanye ne malu audi wamba ne audi uyisha adi mimpe, kuena ne muntu bualu, wewe udi uyisha bantu nshila wa Nzambi bulelela.

Bienzedi 10:34

Petelo wakabulula mukana muandi, wakamba ne, Bulelela, ndi njingulula ne, Nzambi kena ne kansungunsungu,

Rome 2:11

Bualu bua kakuena kansungunsungu.

2 Korente 5:10

Bualu bua butudi nʼabu mbua kumueneshibua buonso buetu ku mpala kua tshilumbuluidi tshia Kilisto, bua muntu ne muntu kuangateye bintu bia mu mubidi wandi bu muakenzenzeye, nasha malu mimpe nasha malu mabi.

Efeze 6:8

Nudi bamanye bienu ne, Bualu buonso buimpe budi muntu ne muntu wenza, buobuo mene mbudiye wangata kabidi kudi Mukelenge, bikaleye muhika anyi mudishikamine.

Efeze 6:9

Ne nuenu banfumu, nubenzele muomumue, nuhidie kubakanyina; mimanye ne, Mukelenge wabo ne wenu kabidi udi mu diulu, ne kakuena kansungunsungu kudiye.

Dielulula 1:17

Kanuikadi ne kansungusungu hanualumbulula bilumbu; nunvue dî dia muntu mukese ne dia muntu munene muomumue; kanutshinyi mpala wa muntu; bualu bua kulumbulula kua bilumbu kudi kua Nzambi: tshilumbu tshidi tshihita bukole, nulue nʼatshi kundi, meme nentshiunvue.

Dielulula 10:17

Bualu bua Yehowa, Nzambi wenu, udi Nzambi wa nzambi mikuabo, udi Mukelenge wa bakelenge, Nzambi munene ne mukole, udibo batshina, yeye katu watangila bantu ne kansungusungu, kena witabusha matutu.

Kolose 4:1

Nuenu banfumu, nuenzele bahika benu malu adi makane ne adi kâi ne kansungunsungu; bualu bua nudi bamanye ne nuenu kabidi nudi ne Mukelenge mu diulu.

1 Tesalonike 4:6

Ndi ngamba bua muntu kasambuki mikalu ne kenzedi muanʼabo wa mu Kilisto bibi mu bualu ebu; bualu bua Mukelenge udi musombuedi mu malu â onso, bu mutuakadianjila kunudimusha kabidi ne mutuakanumanyisha.

2 Tesalonike 1:6

bikalahu buakane bua Nzambi kuhingisha makenga kudi badi banukengesha;

Filemone 1:18

Kadi bikaleye mukuenzele bibi, anyi muikale nʼebe dibanza, udibale bu dianyi;

Ebrewu 2:2

Bua bikala dî diakambibua kudi banjelo diakajadikibua, ne bikala bualu buonso bua dihambuka ne buhidia buonso biakahetela benji babi difutu diakanangane ne bubi,

1 Petro 1:17

Binuamubikila bu Tatu udi ulumbuluisha muntu yonso bu mudi bienzedi biandi kai ne kansungunsungu, nuhitshishe tshikondo tshia buenyi buenu mu ditshina.

Yuda 1:16

Bantu aba badi batontolodi, bajianyi, benda bu mudi nkuka yabo (mishiku yabo idi yakula mei manene a diambu), badi banyisha bantu bua kuangata difutu.