Kolose 3:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Dî dia Kilisto dikale munda muenu ne bubanshi buadi; mu meshi onso nuyishangane ne nudimushangane ne misambu ya bena kuitabusha ba kale ne ya bena Kilisto ne ya Nyuma; nuimbile Nzambi misambu ne ngasa mu mitshima yenu.

MUKANDA WA MYIDI MUKULU

¹⁶ Muaku wa Kristu wase miji munda muenu muawu muonsu mudiwu. Longeshanganayi, belanganayi, ne meji onsu anudi nawu. Ne muoyi wenu mujima, imbilayi Mvidi Mukulu misambu, mitendu ne tusala, mudi Mueyelu wa Tshijila unusaka, kabidi ne muoyi wa dianyisha.

Kolose 3:16 ပူးပေါင်းရင်းမြစ်များ

1 Bakalenga 3:28

Bena Isalele bonso bakunvua lumu lua kulumbulula kua mukelenge kuakalumbululeye nʼaku, bakatamba kutshina mukelenge, bakajingulula ne, Yeye udi ne lungenyi lua Nzambi munda muandi lua kulumbululeye nʼalu.

1 Kulondolola 25:7

Bungi buabo basangisha ne bana babo bakadi bayishibue bua kuimbilabo Yehowa misambu, bonso bakadi ne tshimbidi tshiakane, bakadi nkama ibidi ne makumi muanda mukulu ne muanda mukulu.

Nehemya 12:46

Bualu bua mu matuku a kale a Davidi ne Asafa bakadi ne bantu banene ku mutu kua bimbi ba misambu ne misambu ya kutumbisha ne kusakidila nʼai Nzambi.

Yobe 23:12

Tshiakulekela kutumikila mukenji wa ku mishiku yandi; nakubuta mei a mukana muandi mu mutshima wanyi.

Misambu 119:11

Nakulama dî diebe mu mutshima wanyi, bua meme tshikuenzedi bibi.

Misambu 119:54

Mikenji yebe mifunda yakuikala misambu yanyi mu nsubu mundi mushikame bu muena luendu.

Misambu 138:1

Ndi nkusakidila ne mutshima wanyi mujima, nenkuindile misambu ya kukutumbisha nʼai ku mpala kua nzambi ya hatuhu.

Misambu 28:7

Yehowa udi bukole buanyi ne ngabu wanyi; mutshima wanyi wakumueyemena, ndi mukuatshishibue. Nunku mutshima wanyi udi utamba kusanka, nemmutumbishe ne musambu wanyi.

Misambu 32:7

Wewe udi tshisokomenu tshianyi; neundame bua tshikadi ne dikenga; neunnyunguluke ne misambu ya luhandu.

Misambu 71:23

Mishiku yanyi neyele mbila ya disanka hanakuimbila misambu ya kukutumbisha nʼai, ne muoyo wanyi uwakuhikula nenkutumbishe muomumue.

Nsumuinu 14:8

Meji a muena budimu adi a kujingulula nshila wandi, kadi buhote bua bahote budi bubahambuisha.

Nsumuinu 18:1

Udi udihandulula kudi banga bantu udi ukeba anu bualu budiye musue, ne udi uhatula mei a tshiji tshikole bua kuhidia meji makane.

Musambu wa Solomo 1:1

Musambu wa mu misambu, udi wa Solomo.

Yeshaya 10:2

bua kusesuisha badi bakengela bintu bua kabikadi ne dikosa dimpe dia bilumbu biabo, ne bua kunyenga kulumbulula kuakane kudi bahele ba munkatshi mua bantu banyi, bua bakashi ba mu lufuila bikale bintu bia kuhaulabo, ne bua kuvuishabo bana ba nshiya bintu bia kunyengabo!

Yeshaya 26:1

Mu dituku adi nebimbe musambu eu mu buloba bua Yuda, bimba ne, Tudi ne musoko mukole; yeye neajadike luhandu bua kuikalalu ngumbu yau ne bibumba biau bikole.

Yeshaya 30:29

Nuenu nenuikale ne musambu bu musambu udibo bimba ku butuku hadiabo bidia bia disanka dia tshijila; nenuikale ne disanka dia mutshima, bu disanka dia muntu udi wenda wela lushiba hayeye ku mukuna wa Yehowa, kudi Dibue dia Isalele mene.

Yeshaya 5:1

Ngimbile wanyi munanga musambu wanyi wa dinanga bua budimi buandi bua tumuma tua nvinyo: Wanyi munanga wakadi ne budimi bua tumuma tua nvinyo ha mutu ha mukuna wakadi ne buloba buimpe.

Yirmeya 15:16

Nakasangana mei ebe, nakâdia; mei ebe akadi kundi bu disanka ne akasankisha mutshima wanyi; bualu bua badi bambikila ku dina diebe, wewe Yehowa, Nzambi wa misumba.

Matayi 26:30

Hakimbabo musambu, bakaluhuka, bakaya ku mukuna wa Oleve.

Luke 2:51

Yeye wakahueka nʼabo, wakaya ku Nazaleta; wakadi utumikila mei abo; baba wandi wakalama malu â onso mu mutshima wandi.

Yowanane 15:7

Binuikala munda muanyi, bikala mei anyi munda muenu, nulombe tshionso tshinuasua, nebanuenzeletshi.

Rome 10:17

Nunku ditabusha didi difuma ku diunvua, ne diunvua didi bua dî dia Kilisto.

Rome 15:14

Ne meme bianyi kabidi, bana betu, ndi ngitabushishibua ne, Nuenu mene nudi bûle tente ne buimpe, bûshibua tente ne lungenyi luonso, nudi bamanye mua kudimushangana.

1 Korente 14:15

Nunku ntshinyi? Nentendelele ne nyuma, nentendelele ne meshi kabidi; nengimbe ne nyuma, nengimbe ne meshi kabidi.

1 Korente 14:26

Nunku ntshinyi, bana betu? Hanuadisangisha, muntu ne muntu udi ne musambu, udi ne diyisha, udi ne bualu buakabuluibua kudiye, udi ne muaku udibo kabai bamanye, udi ne kujingulula kua muaku. Malu onso enjibue bua kunudiundisha.

Efeze 1:17

bua Nzambi wa Mukelenge wetu Yesu Kilisto, Tatu wa butumbi, anuhe nyuma wa meshi ne wa dibuluila mu dimumanya dienu;

Efeze 5:17

Nunku kanuikadi bu bahote, kadi nujingulule mudi disua dia Mukelenge.

Efeze 5:19

Nusombeshangane ne misambu ya bena kuitabusha ba bale ne ya bena Kilisto ne ya Nyuma; nuimbile Mukelenge misambu, numutumbishe ne biombelu bia mitshima yenu.

Efeze 5:26

bua yeye amujidile, mumane kumulengesha ne kuvua kua mai ne dî diandi;

Kolose 1:28

Nyeye utudi tuamba, tudimusha muntu yonso ne tuyisha muntu yonso mu meshi onso, bua tuetu tumanye mua kumuenesha muntu yonso muakane tshishiki mu Kilisto.

Kolose 1:9

Bua muanda eu, tuetu kabidi, katshia ku dituku dituakunvua lumu etu, katuena tulekela kutendelela Nzambi bua bualu buenu, ne kumulomba bua nuenu nûshibue tente ne kumanya kua disua diandi mu meshi onso ne dijingulula bia mu Nyuma;

Kolose 4:6

Mei enu ikale ne ngasa misangu yonso, matue bu lueho, bua nuenu mimanye mua kuandamuna muntu ne muntu dî.

1 Tesalonike 1:8

Bua dî dia Mukelenge diakambibua kunudi diakunvuibua, kenganu mu Makedonia ne mu Akaya, kadi mu miaba yonso ditabusha dinudi nʼadi kudi Nzambi diakamuangalaka; nunku tuetu katuena ne bualu bua kuamba d! kabidi.

1 Tesalonike 4:18

Bua mianda ei nusambangane ne mei â.

2 Tesalonike 3:15

Ne kanumubadi bu muena lukuna, kadi numudimushe bu muanʼenu wa mu Kilisto.

1 Timote 6:17

Udimushe bantu badi babanshi mu tshikondo tshia mpindiu, bua bobo kabadisu, kabateki ditekemena diabo kudi bubanshi budi mua kujimina tshituha tshihi; kadi batekemena Nzambi, udi utuha bintu bionso bivula bua tuetu kusanka nʼabi.

2 Timote 3:15

ku buana buebe wewe wakamanya Mukanda wa Nzambi, udi mumanye mua kukuvuisha muena meshi tô ne ku luhandu luakulua bua ditabusha dia mu Kilisto Yesu.

Tite 3:6

wakatuitshikishila Nyuma Muimpe muvula bua Yesu Kilisto Musungidi wetu;

Yakobe 1:5

Kadi biahanga mukuabo wenu meshi, âlombe kudi Nzambi udi uha bonso ne mutshima mutoke kai ubatobolola; neamuhebue.

Yakobe 3:17

Kadi meshi adi afuma mu diulu diambedi adi mimpe, hashishe adi ditalala, adi buhote, budi bualu butekete bua kuasengelela, adi mûle tente ne luse ne mamuma mimpe, kêna ne mpata, kêna ne lubombo.

Yakobe 5:13

Muntu udi ne dikenga munkatshi muenu, anyi? Alombe biandi Nzambi. Muntu udi ne disanka, anyi? Imbe biandi misambu.

1 Yone 2:14

Batatu, nakunufundila mukanda, bualu bua nudi bamanye Yesu udi wa ku tshibangidilu. Bansongalume, nakanufundila mukanda, bualu bua nudi bakole, ne bualu bua dî dia Nzambi didi dikale munda muenu, ne bualu bua nuakuhita mubi bukole.

1 Yone 2:24

Nuenu bienu, bualu bunuakunvua ku tshibangidilu buikale munda muenu. Bikala bualu bunuakunvua buikala munda muenu, nuenu kabidi nenuikale munda mua Muana, ne munda mua Tatu.

1 Yone 2:27

Ne nuenu bienu, diedibua dia manyi dinuakuangata kudiye didi dikale munda muenu, nunku kanuena ne bualu bua muntu anuyishe; kadi bu mudi diela diandi dia manyi dinuyisha bua malu onso, didi dilelela kabidi ne kadiena mashimi, bu muakanuyishadi, nushale munda muandi.

2 Yone 1:2

bua bualu bua bushua budi buikale munda muetu, nebuikale nʼetu tshiendelele.

Didimanyisha 14:3

ne badi bimba bu musambu muhia-muhia ku mpala kua nkuasa wa butumbi, ne ku mpala kua bifukibue binai bidi ne muoyo ne bakulu; ne kakuakadi muntu wakamanya mua kuyila musambu eu, anu bantu aba tshishikula tshimue ne mbombo inai ne binunu binai, bobo mene bakasumbibua mu ba ha buloba.

Didimanyisha 15:3

Badi bimba musambu wa Mose, muhika wa Nzambi, ne musambu wa Muana wa Mukoko, bamba ne, Mukelenge Nzambi wa Bukole Buonso, midimu yebe idi minene ne ya dikema. Wewe, Mukelenge wa bikondo, nshila yebe idi miakane ne ya bulelela.

Didimanyisha 19:10

Nakahona ku makasa andi bua kumukukuila. Yeye udi ungambila ne, Tangila bua wewe kuenji nunku nasha. Meme udi muhika nʼebe ne wa bana benu ba mu Kilisto badi ne bumanyishi bua Yesu; ukukuile Nzambi; bualu bua bumanyishi bua Yesu budi nyuma wa mei a baprofete.

Didimanyisha 5:9

Badi bimba musambu muhia-muhia, bamba ne, Wewe udi ne buakane bua kuangata mukunda ne bua kulamuna bimanyishilu biau. Bualu bua wewe wakashihibua ne wakasumbila Nzambi ba mu tshisamba tshionso, ne ba mu muaku wonso, ne ba munkatshi mua bantu bonso, ne ba munkatshi mua ditunga dionso, ku mashi ebe.