Kolose 2:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nunku muntu kanulumbuluishi bualu bua bia kudia, anyi bua bia kunua, anyi bua dituku dia disanka dia bidia, anyi bua dituku diabala ngondo, anyi bua dituku dia Lumingu lua Bayuda;

MUKANDA WA MYIDI MUKULU

¹⁶ Kanuteleji badi banujana, bua binudi nudia nansha nunua, nansha bua bibilu, bua ngondu mupiamupia, nansha bua dituku dia Dikisha.

Kolose 2:16 ပူးပေါင်းရင်းမြစ်များ

2 Bakalenga 4:23

Yeye wakamuebesha ne, Udi musue kuya kudiye lelu bua tshinyi? Edi kandituku dia lumingu ne ngondo kena muanze kubala. Mukashi wakamuambila ne, Bualu nebuikale buakane.

1 Kulondolola 23:31

ne bua kufilabo milambu ya kuosha kudi Yehowa ku matuku a lumingu ne bakabala ngondo ne ku matuku akatuabo bidia bia disanka ku tshikondo tshiau misangu yonso ku mpala kua Yehowa;

2 Kulondolola 31:3

Yeye wakafila luseke lua bintu bia mukelenge lua milambu ya kuosha dinda ne dilolo ne ku dituku dia lumingu ne habala ngondo ne ku matuku a bidia bia disanka, bu muakafundabo mu mikenji ya Yehowa.

Nehemya 10:31

bialua bena buloba kutudi ne bintu biabo anyi blé yabo bua kutubanyishabi dituku dia lumingu, katuena tubiula dituku dia lumingu anyi dituku dikuabo dia tshijila; netujile tshidimu tshia muanda mutekete, netulekelelangane mabanza.

Nehemya 10:33

ne bua kufila bintu bia mampa ne bia mulambu wa bukula ne bia dituku dia lumingu ne bia ngondo mihia-mihia ne bia bidia bia disanka ne bia bintu bia tshijila ne bia milambu ya kubuikidila nʼai Bena Isalele mibi yabo ne bia mudimu wonso wa mu nsubu wa Nzambi wetu.

Nehemya 8:9

Nehemiya gouverneur wakadi ne Ezela muakuidi ne mufundi ne Bena Lewi, bakadi bayisha bantu, bakambila bantu bonso ne, Dituku edi didi dia tshijila kudi Yehowa Nzambi wenu, kanujingi, kanutedi mua dî. Bualu bua bantu bonso bakadi badila hakunvuabo mei a mu mikenji.

Misambu 42:4

Ndi nvuluka malu â handi mpumuna muoyo munda muanyi: bu munakaya ne tshisumbu tshia bantu, bu munakabalombola benda mu mulongo bua kuyabo ku nsuhu wa Nzambi, bela biabo mbila ya disanka ne bimba misambu ya kumutumbisha nʼai. Bakadi tshisumbu tshinene tshia bantu bavuluka biabo dituku dia tshijila.

Misambu 81:3

Nuele mpungi habala ngondo, ne halua ngondo tshibalu, mu dituku dietu dia bidia bia disanka.

Yeshaya 1:13

Kanulu kabidi ne milambu ei ya hatuhu; muishi wa musenga wa manananshi wakuntonda. Disanka dia ngondo muhia-muhia ne dia lumingu ne kubikila kua masangisha, mmalu adi atondesha mutshima wanyi. Ebu mbualu bubi; tshiena mua kutukisha ne lutulu bua malu mabi ne bua disangisha dia tshijila.

Yezekiyele 4:14

Hashishe nakamba ne, Aka, Mukelenge Yehowa! Mona, mutshima wanyi kawena muanze kunyanguka nunku; bualu bua ku bunsongalume buanyi tô ne mpindiu tshiena muanze kudia munyinyi wa nyama mudibi! e anyi wakatuanyabo kudi nyama mukuabo; ne munyinyi munyanguke kawena muanze kubuela mukana muanyi.

Yezekiyele 45:17

Mukokeshi neikale ne bualu bua kufila milambu ya kuosha, milambu ya bia kudia ne milambu ya bia kunua, halua bikondo bia bidia bia disanka, bia ngondo mihia-mihia, matuku onso a Lumingu, ne matuku onso a bidia bia disanka akusunguilabo Bena Isalele. Yeye afile mulambu wa kubuikila nʼau bubi, mulambu wa bia kudia, mulambu wa kuosha, ne milambu ya kuvuisha nʼai ditalala, bua kujimishila nʼai Bena Isalele mibi yabo.

Lewitiki 16:31

Edi ndituku dia lumingu dia dikisha dienu, nujinge mu mitshima yenu, eu mmukenji kunudi tshiendelele.

Amosa 8:5

nuambe ne, Ngondo neafue diba kai bua tumanye mua kuhana manvua? Dituku dia Lumingu nedishike diba kai bua tumanye mua kuhatula blé ya kuhana, tukeheshe tshihiminu tshia épha ne tubandishe mushinga wa blé, tudinge bantu ne tshidikishilu tshia mafi;

Dibadika 10:10

Mu dituku ba disanka dienu, ne mu bikondo binudi nudia bidia bia Yehowa, ne mu tshibangidilu tshia ngondo yenu, nenuele mpungi ku milambu ya kuosha ha kahia, ne ku milambu ya kuvuisha nʼai ditalala, neyikale bu tshivulukidi ku mesu kua Nzambi wenu meme ndi Yehowa, Nzambi wenu.

Matayi 15:11

Tshintu tshidi tshibuela mukana mua muntu katshiena tshimubihisha, tshidi tshiluhuka mukana muandi ntshidi tshimubihisha.

Marke 7:19

Bualu bua katshiena tshiya mu mutshima, tshidi tshiya mu difu, tshidi tshiubibua. Bualu bua wakamba dî edi, yeye wakalengesha bintu bionso bia kudia.

Bienzedi 15:20

kadi tubafundile mukanda bua kutekelabo bintu bidi bibihisha kudi mpingu, ne bua kutekelabo masandi, ne nyama mifiekela mu nshingu ha kuishiha, ne mashi.

Rome 14:10

Abu wewe, udi ulumbuluisha muanʼenu bua tshinyi? Anyi wewe kabidi, udi uhetula muanʼenu bua tshinyi? Bua buonso buetu netuimane ku mpala kua tshilumbuluidi tshia Nzambi.

Ngalate 4:10

Nudi nuj idila matuku ne ngondo ne bikondo ne bidimu.

Kolose 2:20

Binuikala bafue ne Kilisto ku mayisha a kumudilu a ha buloba, ntshinyi tshinudi nuditekela ku nyima kua mikenshi ei bu munutshidi ne mioyo yenu mu buloba: ne,

Ebrewu 13:9

Kanusesuishibu ku mayisha a bungi ne a bende; budi buimpe bua mutshima ujadikibue ku ngasa, kenku bia kudia biakadi kabi bikuatshisha bakadi benda nʼabi.

Ebrewu 9:10

bualu bua bidi anu mikenshi ya ba ha buloba, mu malu a bia kudia ne bia kunua ne bia kuvua kua mishindu ne mishindu, yakatekabo tô ne ku tshikondo tshia kubilongolola.

Yakobe 4:11

Kanusonguelanganyi, bana betu. Muntu udi usonguela muanʼabo wa ma Kilisto, anyi udi ulumbuluisha muanʼabo wa mu Kilisto, yeye udi usonguela mikenshi, udi ulumbuluisha mikenshi, kadi biwalumbuluisha mikenshi, wewe kuena muenji wa mikenshi kadi udi mulumbuluishi wai.

1 Samuele 20:18

Yonatana wakamuambila ne, Ngondo udi ubala makelela, nebamanye ne wewe kuenaku bualu bua nkuasa webe neikale hatuhu.

1 Samuele 20:5

Davidi wakambila Yonatana ne, Mona, makelela ngondo udi ubala, ne bundi nʼabu mbua kudia bidia ku mesa a mukelenge; kadi witabushe bua meme kuya kubulama mu budimi tô ne hahita matuku asatu.