Genese 14:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bakahingana, bakalua ku Ene-mishapata (eu udi Kadesha), bakahaula buloba buonso bua Bena Amaleka ne Bena Amole bakadi bashikama mu Hasasona-tamâ.

MUKANDA WA MYIDI MUKULU

⁷ Pashishe kupinganabu kabidi ne mvita mu Ene-Mishepate (mmumue ne Kadeshe). Kunyangabu ditunga dijima ne bintu bionsu bia bena Amaleke too ne bia bena Amore bavua basombe mu Ashashone-Tamare.

Genese 14:7 ပူးပေါင်းရင်းမြစ်များ

2 Kulondolola 20:2

Hashishe bantu bakuabo bakalua, bakambila Yehoshafata ne, Tshisumbu tshia bantu tshinene tshidi tshilua kûdi tshifuma ku Sulia dishiya dia dishiha dia Luehu; monai, tshitshidi ku Hazazona-tamâ (udi Ene-gedi mene).

Genese 20:1

Abalahama wakumuka ku muaba au, wakaya ku Sude, wakashikama hankatshi ha Kadesha ne Shû, wakashikama ku Gelâ.

Genese 16:14

Nunku yeye wakidika mushimi wa mai ne, Bê-laha-loi (kukudimuna kua muaku ne, Mushimi wa Nzambi wa muoyo utu wantangila) udi hankatshi ha Kadesha ne Belede.

Yoshua 15:62

ne Nibeshana ne Tshimenga tshia Luehu, ne Enegedi; bimenga bisambombo ne misoko yabi.

Dielulula 1:46

Nunku nuakashikama mu Kadesha matuku a bungi, nudi bamanye bungi bua matuku anuakashalamu.

Dielulula 1:19

Tuakabika ku Holeba, tuakenda tô mu tshihela atshi tshinene tshibi tshinuakatangila, ku nshila wa ku mikuna ya Bena Amole, bu muakatuambila Yehowa, Nzambi wetu; tuakalua ku Kadeshe-bânea.

Dibadika 24:20

Yeye wakatangila kudi Amaleka, wakabela lusumuinu luandi ne, Amaleka wakadi tshisamba tshia ku mpala munkatshi mua bisamba, kadi kunshikidilu tshisamba tshiandi netshijimme tshiendelele.

Dibadika 20:1

Bena Isalele bonso bakalua mu tshihela tshia Sina mu ngondo wa kumudilu, bakashikama mu Kadesha, Mîyama wakafua, bakamujikamu.

Dibadika 14:45

Hashishe Bena Amaleka bakahueka ne Bena Kanâna bakadi bashikama mu mikuna, bakabahita bukole, bakabihata tô ne ku Homa.

Dibadika 14:43

Bena Amaleka ne Bena Kanâna badi ku mpala kuenu, nunku nenufue ku miele ya nvita, bualu bua nuenu nuakuhidia kulonda Yehowa, nunku Yehowa kena wikala nʼenu.

Dibadika 13:26

Hakafikabo, bakalua kudi Mose ne kudi Alona ne kudi tshisumbu tshionso tshia Bena Isalele mu tshihela tshia Palana ku Kadesha, bakalua kudibo ne kudi tshisumbu tshionso ne dî diabo, bakabalesha mamuma a buloba abu.

Genese 36:16

ne mukelenge Kola ne mukelenge Gatama ne mukelenge Amaleka, aba mbakelenge bakaluhuka kudi Elifasa mu buloba bua Edome, aba mbana ba balume ba Ada.

Genese 36:12

Timena wakadi mue na mudimu wa bakashi wa Elifasa, muana wa Esau, ne yeye wakalelela Elifasa Amaleka, aba mbana ba balume ba Ada, mukashi wa Esau.

Yezekiyele 47:10

Bilembi bia minyinyi ya mu mai nebimane kukala kua musulu, ku Enegedi tô ne ku Ene-gelayima, nebelemu tuhamba tuabo; minyinyi idimu neyikale ya mishindu ya bungi, neyikumbane ya bungi, bu mudi minyinyi ya mu Mai Manene.

Yezekiyele 48:28

Ku luseke lua Gada lua ku sude mukalu ubange ku Tama uye tô ne ku mai a Melebota-kadeshe, ku kasulu ka Ejipitu, tô ne ku Mai Manene.