Filipe 4:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Malu â kabidi anuakayila ne anuakangata ne anuakunvua ne anuakatangila kundi, nuikale nuenze malu â; ne Nzambi wa ditalala neikale nʼenu.

MUKANDA WA MYIDI MUKULU

⁹ Nukumbaje bimvua munulongeshe, binuvua bapete kundi, binuvua bumvue ngamba, binuvua bamone ngenza. Nanku Mvidi Mukulu, mutupi wa bupole, neikale nenu.

Filipe 4:9 ပူးပေါင်းရင်းမြစ်များ

Yeshaya 41:10

Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

Yeshaya 8:10

Elai tshifufu tshienu, kadi netshiandamuke bualu bua hatuhu; ambai dî, kadi kadiena dijalama, bualu bua Nzambi udi nʼetu.

Matayi 1:23

Mukashi utshidi kamama neimite difu, nealele muana mulume, Nebamuidike dina ne, Imanuele, kuandamuna kua muaku ne, Nzambi udi nʼetu.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Matayi 7:21

Bantu batu bambikila ne, Mukelenge, Mukelenge, kabena babuela bonso mu bukelenge bua mu diulu, anu yeye utu wenza bu mudi Tatu wanyi udi mu diulu musue.

Luke 6:46

Ntshinyi tshinudi numbikidila meme ne, Mukelenge, Mukelenge, kanui nuenza bu mundi ngamba?

Luke 8:21

Kadi yeye wakabandamuna ne, Mamuʼanyi ne bana betu badi anu bantu batu batelesha dî dia Nzambi, batu badienza.

Yowanane 13:17

Binuamanya malu â, nenuikale ne disanka binuâenza.

Yowanane 15:14

Nenuikale balunda banyi, binuenza bu mundi nuambila.

Yowanane 2:5

Mamu wandi wakambila bena mudimu ne, Enzai muanuambileye.

Bienzedi 9:6

kadi bika, ubuele mu musoko, nebakuambile bualu bûdi nʼabu mbua kuenza.

Rome 15:33

Nzambi wa ditalala ikale ne buonso buenu. Amen.

Rome 16:20

Nzambi wa ditalala neadiatshishe Satana munshi mua makasa enu tshituha tshihi. Ngasa wa Mukelenge wetu Yesu Kilisto ikale nʼenu.

1 Korente 10:31

Nunku binuadia anyi binuanua, anyi malu onso anudi nuenza, nuenze malu onso bua kutumbisha Nzambi.

1 Korente 14:33

bualu bua Nzambi kena Nzambi wa malu mabuelakane, kadi udi Nzambi wa ditalala. Bu mudi bualu mu ekelesia yonso ya basanto,

1 Korente 4:16

Nunku ndi nusengelela bua kuikala bidikishi banyi.

2 Korente 13:11

Tshiashadidi mpindiu, bana betu muoyo wenʼau. Nulengeshibue tshishiki, nusambibue, nuikale ne meshi amue, nuikalangane talala; ne Nzambi wa dinanga ne ditalala neikale nʼenu.

Dielulula 5:1

Mose wakabikila Bena Isalele bonso, wakabambila ne, Unvuai, Isalele, mei ne mikenji bindi nnuambila mu matshu enu lelu, bua nuenu nubimanye ne nubienze.

Filipe 3:17

Bana betu, nulue bienu bangidikishi banyi hohamue; nutangile bantu badi benda nunku bu munudi nʼetu bu tshidikishilu.

Filipe 4:7

Ne ditalala dia Nzambi didi ditamba dijingulula dionso dia bantu, nedilame mitshima yenu ne meshi enu mu Kilisto Yesu.

1 Tesalonike 1:6

Ne nuenu nuakalua bidikishi betu ne ba Mukelenge; nuakitabusha di mu dikenga dikole hohamue ne disanka dia mu Nyuma Muimpe;

1 Tesalonike 2:14

Bualu bua nuenu, bana betu, nuakalua bidikishi ba bena ekelesia ya Nzambi ya mu Yudaya mu Kilisto Yesu; bualu bua nuenu kabidi nuakakenga makenga muomumue kudi bena tshisamba tshienu, bu muakâkenga ba mu Yudaya kudi Bena Yuda.

1 Tesalonike 5:23

Nzambi wa ditalala nkayandi anujidile tshishiki; ne nyuma yenu ne misûke yenu ne mibidi yenu ilamibue mu buakane buonso, kanui ne kudiu, mu dilu? dia Mukelenge wetu Yesu Kilisto.

2 Tesalonike 3:4

Tudi ne ditekemena mu Mukelenge bua bualu buenu ne, Nudi nuenza, ne nenuenze malu atudi tunuelela mikenshi.

2 Timote 4:22

Mukelenge ikale ne nyuma webe. Ngasa ikale nʼenu.

Yakobe 1:22

Kadi nuikale benji ba di, kanuikadi anu bunvui badi, bua nunku nudi nudidinga.

2 Petro 1:10

Nunku, bana betu, mitambe kunanukila bua kujadika dibikidibua dienu ne disungula dienu; bua binuenza malu â, kanuena nulenduka tshiendelele;

1 Yone 3:22

ne bintu bionso bitudi tumulomba, tudi tshiangata kudiye, bualu bua tudi tulama mikenshi yandi, tudi tuenza malu adi avuisha disanka ku mesu kuandi.