Filipe 3:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ ndi ntshinta bua kufika ku ndekelu wa nshila bua kuangata bukenshi bua dibikila dia mulu dia Nzambi mu Kilisto Yesu.

MUKANDA WA MYIDI MUKULU

¹⁴ Nanku ntshidi mu njila, nyema lubilu, bua mpete nsala wa kalumbandi. Nsala awu ke muoyi mupiamupia udi Mvidi Mukulu mutubikidile, bua tuupetele mu diulu kudi Yezu Kristu.

Filipe 3:14 ပူးပေါင်းရင်းမြစ်များ

Luke 16:16

Mikenshi ya Mose ne baprofete biakadiku tô ne hakalua Yone; bakalueye tô ne mpindiu badi bambila bantu lumu luimpe lua bukelenge bua Nzambi, bantu bonso badi babuelamu ku bukole.

Rome 11:29

Bua Nzambi kena ukudimuna mutshima bua maha andi ne dibikila diandi kudi Isalele.

1 Korente 9:24

Kanuena bamanye, anyi, ne, Bantu badi batumbila lubilu mu tshilumbilu badi balumbila bonso, kadi umue wabo udi wangata bukenshi? Lumbilai bienu nunku, bua nuenu nuangate bukenshi.

2 Korente 4:17

Bualu bua dikenga dietu dikese dia tshituha tshihi didi ditamba kutuenzeshela bujitu bua butumbi bua tshiendelele musangu ne musangu;

Filipe 3:3

Bualu bua tuetu tudi batengula badi batendelela ku Nyuma wa Nzambi ne badi batumbila mu Kilisto Yesu, ne badi kabai ne dieyemena dia malu a mubidi,

Kolose 2:18

Muntu kanunyengi bukenshi buenu bualu bua kudihuekesha kuandi kudiye udisunguila, ne kukukuila kuandi kua banjelo, ne dilamata diandi dia mu bikena kumona, mûshibue hatuhu ku meshi andi a mubidi,

1 Tesalonike 2:12

bua nuenu nuende bakanangane ne Nzambi, udi unubikila bua nuenu kubuela mu bukelenge buandi ne mu butumbi buandi.

2 Timote 1:9

wakatusungila, wakatubikila ne dibikila dia tshijila, kembu mudi midimu yetu mimpe, kadi bu mudi disungula diandi mene ne ngasa, wakatuheye mu Kilisto Yesu diambedi bikondo bia tshiendelele kabi bianze kuikalaku.

Ebrewu 3:1

Nunku, bana betu ba tshijila, babanyanganyi ba dibikila dia mu diulu, nuelangane meshi bua Mupostolo ne Muakuidi Munene wa dijukula dia ditabusha dietu, Yesu mene;

Ebrewu 6:1

Nunku, tushîe diyisha dia malu a tshibangidilu a Kilisto ku nyima, tuyai tô ne ku buakane bua tshishiki; katuteki tshiakabidi bishimikidi bia kukudimuna kua mutshima ku midimu mifue, ne bia ditabusha dia kudi Nzambi,

1 Petro 1:13

Nunku nuele bimono bia meshi enu mikaya, nuikale talala, nujadike ditekemena dienu tshishiki mu ngasa udibo balua nʼandi kunudi ku dibuluibua dia Yesu Kilisto.

1 Petro 5:10

Ne Nzambi wa ngasa yonso, wakanubikila mu butumbi buandi bua tshiendelele bua mu Kilisto, hanuamana kukenga musangu muihi, yeye muine neanuakashe tshishiki, neanujadike, neanukoleshe.

2 Petro 1:3

Mbu mudi bukole bua bunzambi buandi, buakatuha bintu bionso bidi bua muoyo ne bua buimpe bua Nzambi, bualu bua kumanya kuetu kua yeye wakambikila bua butumbi buandi buine ne bua buimpe buandi.

Didimanyisha 3:21

Udi uhita bukole nemuhe bua kushikameye nʼanyi mu nkuasa wa butumbi, bu munakatamba bukole ne munakashikama ne Tatu wanyi mu nkuasa wandi wa butumbi.