Filipe 3:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Tshiashadidi mpindiu, bana betu, nusanke mu Mukelenge. Kunufundila malu momumue kakuena kuntonda, kadi kudi kunukuatshisha nuenu.

MUKANDA WA MYIDI MUKULU

¹ Nanku bana hetu, nusanke bua panudi badisange ne Mfumu. Kabiena bintonda bua kunufundila amu malu a momumue. Bualu malu awu adi anulengelela.

Filipe 3:1 ပူးပေါင်းရင်းမြစ်များ

1 Kulondolola 15:28

Nunku Bena Isalele bonso bakalua ne mushete wa tshihungidi tshia mei a Yehowa bela mbila ne tshiona tshikole tshia nshiba ne mpungi ne tshia biamu bia kukumakasha, bakadi bimba nzenze ne bisanji ne dî dikole.

1 Kulondolola 16:10

Nutumbile mu dina diandi dia tshijila; mitshima ya badi bakeba Yehowa isanke.

1 Kulondolola 29:22

bakadia, bakanua ku mpala kua Yehowa dituku adi ne disanka dinene. Bakahingishila Solomo, muana wa Davidi, mu bukelenge tshiakabidi, bakamuela manyi ha mutu bua kuikaleye mukokeshi, ne ha mutu ha Sadoka bua kuikaleye muakuidi.

Nehemya 8:10

Hashishe yeye wakabambila ne, Yai bienu kuenu, nudie bintu bia manyi, mume bintu bidi bishemakane, nutumine bantu badi hatuhu bintu bia kudia; bualu bua edi ndituku dia tshijila kudi Mukelenge wetu; kanunyingalashi mitshima yenu, bualu bua disanka dia Yehowa mbukole buenu.

Yobe 22:26

Mu diba adi neusanke mu Wa Bukole Buonso, neubishe mpala webe kudi Nzambi.

Misambu 149:2

Isalele ikale ne disanka mu Mufuki wandi, bana ba Siona bikale ne disanka mu Mukelenge wabo!

Misambu 32:11

Nuikale ne disanka mu Yehowa, nusanke bikole, nuenu bantu bakane; elai mbila bua disanka dienu, buonso buenu badi bakane mu mitshima yenu!

Misambu 33:1

Nuenu bantu bakane, nusanke mu Yehowa. Kutumbisha Nzambi kudi kuakanangana ne bantu bakane.

Misambu 37:4

Wikale ne disanka diebe mu Yehowa, ne yeye neakuhe milombu idi mutshima webe ulomba.

Misambu 42:4

Ndi nvuluka malu â handi mpumuna muoyo munda muanyi: bu munakaya ne tshisumbu tshia bantu, bu munakabalombola benda mu mulongo bua kuyabo ku nsuhu wa Nzambi, bela biabo mbila ya disanka ne bimba misambu ya kumutumbisha nʼai. Bakadi tshisumbu tshinene tshia bantu bavuluka biabo dituku dia tshijila.

Misambu 5:11

Nunku bonso badi banyemena kudi basanke, bele mbila ya disanka tshiendelele; ne wewe neubalame; bonso badi bananga dina diebe bikale ne disanka kûdi.

Misambu 97:1

Yehowa udi ukokesha; buloha busanke; maloba mavule a ku muelelu wa mai manene ikale ne disanka.

Yeshaya 41:16

Neuyibehuishe, ne luhehele neluyihehule, ne nvunde neayimuangalashe; ne wewe neusanke mu Yehowa, neutumbile mu Wa Tshijila wa Isalele.

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Yeshaya 65:14

tangilai, bantu banyi nebimbe misambu bua disanka dia mu mitshima yabo, kadi nuenu nenudie bua kanyinganyinga ka mu mitshima yenu, nenuase muadi bua mitshima yenu yakuhandika.

Yowele 2:23

Nuenu bana ba balume ba mu Siona, sankai bienu, ikalai ne disanka mu Yehowa Nzambi wenu; bualu bua yeye udi untokeshila nvula mbedi, udi untokeshila nvula ya bungi, nvula mbedi ne nvula mishishe, bu muakenzeye diambedi.

Sefanya 3:14

Imba biebe, wewe muana mukashi wa Siona; Bena Isalele, elai mbila; ikale ne disanka, sankaku bikole ne mutshima webe wonso, wewe muana mukashi wa mu Yelushalema!

Sefanya 3:17

Yehowa Nzambi webe udi munkatshi muenu, muena bukitu bukole udi ukusungila. Yeye neasanke bua bualu buebe ne disanka dinene, neakusangashe mu dinanga diandi, neasanke bua bualu buebe ne kuimba kua misambu.

Zekâya 10:7

Bena Efelayima nehikale bu bena bukitu; mitshima yabo neyisanke bu mudibo banue nvinyo. Bana babo nebamone muanda eu, nebasanke; mitshima yabo neyikale ne disanka mu Yehowa.

Matayi 5:12

Nusanke, nuikale ne disanka dingi, bualu bua difutu dienu didi mu diulu ndinene; bakakengesha baprofete nunku bakadi ku mpala kuenu.

Luke 1:47

Mutshima wanyi wakutamba kusanka mu Nzambi, Musungidi wanyi.

Rome 5:11

Kemuanda eu nkayau, kadi tudi tutumbila kabidi mu Nzambi bua Mukelenge wetu Yesu Kilisto, kutudi bahete dilengesha kudiye mpindiu.

2 Korente 13:11

Tshiashadidi mpindiu, bana betu muoyo wenʼau. Nulengeshibue tshishiki, nusambibue, nuikale ne meshi amue, nuikalangane talala; ne Nzambi wa dinanga ne ditalala neikale nʼenu.

Efeze 6:10

Ku ndekelu, nudikoleshe mu Mukelenge ne mu bukole buandi bunene.

Dielulula 12:18

kadi nubidie ku mpala kua Yehowa, Nzambi wenu, mu muaba udi Yehowa, Nzambi wenu, musungule, ne wewe ne muana webe mulume ne muana webe mukashi ne muhika webe mulume ne muhika webe mukashi, ne Muena Lewi udi ku mbelu kuenu: nuikale ne disanka ku mpala kua Yehowa, Nzambi wenu, mu malu onso anudi nuenza ne bianza bienu.

Dielulula 16:11

Nenusanke ku mesu kua Yehowa, Nzambi wenu, ne wewe ne muana webe mulume ne muana webe mukashi ne muntu webe mulume ne muntu webe mukashi ne Muena Lewi udi mu musoko webe ne muenyi ne bana ba nshiya ne bakashi ba mu lufuila badi munkatshi muenu, mu muaba udi Yehowa, Nzambi wenu, Usungula bua kujadikamu dina diandi.

Filipe 3:3

Bualu bua tuetu tudi batengula badi batendelela ku Nyuma wa Nzambi ne badi batumbila mu Kilisto Yesu, ne badi kabai ne dieyemena dia malu a mubidi,

Filipe 4:4

Nusanke mu Mukelenge misangu yonso, nengambe tshiakabidi ne, Nusanke.

Filipe 4:8

Bana betu, tshiashadidi mpindiu, ne, Malu onso adi malelela, ne malu onso adi a buneme, ne malu onso adi makane, ne malu onso adi a butoke bua mutshima, ne malu onso adi malengele a dinanga, ne malu onso adi ne lumu luimpe; bikalaku buimpe ne bikalaku butumbi, nuelangane meshi a malu â.

1 Tesalonike 4:1

Nunku bana betu, tshiashadidi mpindiu, tudi tunulomba ne tudi tunusengelela mu Mukelenge Yesu ne, Bu munuakangata diyisha kutudi dinulesha bu munudi ne bua kuenda ne bua kusankisha Nzambi, mbu munudi nuenda kabidi,—bua nuenu mitambe kukumbanakumbana ma malu â.

1 Tesalonike 5:16

Nusanke misangu yonso;

Yakobe 1:2

Bana betu, nububale bu disanka dionso hanuahona mu mateta a mishindu ya bungi;

1 Petro 3:8

Di dia kundekelu ne, Nuikale buonso buenu ne mutshima umue, nusambangane, nunangangane bu bana babo ba mu Kilisto, nuikale ne mitshima ya luse ne mitshima mihuekela;

1 Petro 4:13

kadi bualu bua nudi babanyanganyi ba makenga a Kilisto, nusanke; bua nuenu nusanke kabidi ne disanka dinene ku dibuluibua dia butumbi buandi.

2 Petro 3:1

Bananga, eu mukanda muibidi katataka undi nufundila; mu bubidi buai udi ntabulusha mitshima yenu miakane bua kunufuisha

1 Samuele 2:1

Hana wakatendelela, wakamba ne, Mutshima wanyi udi utumbishibua mu Yehowa; lusengu luanyi ludi lubandishibua mu Yehowa. Mukana muanyi mudi mudiundishibua kudi bakadi nʼanyi lukuna: bualu bua meme ndi nsanka mu luhandu luebe.