Filipe 2:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ bua nuenu nulue bantu badi kabai ne bualu ne badi ne mitshima mitoke, bu bana ba Nzambi badi kabai ne tshilema munkatshi mua bena tshikondo tshikonyangala ne tshia tshishiku; banudi numueneka munkatshi muabo du minda ya ha buloba,

MUKANDA WA MYIDI MUKULU

¹⁵ Ke munudi mua kuikala bantu bimpe, ba munda mutoke. Nenusombe panu munkatshi mua bantu babi, bapambuke, bu bana ba Mvidi Mukulu, badibu kabayi mua kudiwula. Nudi ne bua kukenka munkatshi muabu bu mitotu ya mu diulu,

Filipe 2:15 ပူးပေါင်းရင်းမြစ်များ

Misambu 122:5

Bua bakajadikamu nkuasa ya bukelenge bua kukoselahu bilumbu, nkuasa ya bukelenge ya ba mu tshiota tshia Davidi.

Ekesode 34:35

Bena Isalele bakamona mpala wa Mose ne musunyi wa ha mpala ha Mose wakakonka: Mose wakateka tshilulu tshikudika ha mpala handi kabidi tô ne hakayeye kusomba ne Yehowa.

Nsumuinu 4:18

Kadi nshila wa bantu bakane udi bu diba dia kabundubundu, didi ditema ne dikenkakenka tô ne hakumbana diba dia munda munya.

Nsumuinu 8:8

Mei onso a mukana muanyi adi ambibua mu buakane; kakuena dî dia mashimi anyi dikonyangale munkatshi muau.

Yeshaya 60:1

Juka, temena; bua munya webe wakulua, ne butumbi bua Yehowa buakubanda, buakukutemena.

Danyele 6:4

Nunku ba-gouverneur ne miloho bakakeba bualu bua kubanda nʼabu Danyele bua muanda wa mu dikokesha diandi dia bukelenge, kadi kabakamusangana ne bualu anyi dihanga, bualu bua yeye wakamanya mua kueyemenyibua, ne kabakasangana dituhakana anyi dihanga munda muandi.

Matayi 10:16

Monai, ndi nutuma bu mikoko idi munkatshi mua nkashama; nuikale ne budimu bu bua nyoka ne bu nyunyu ya nkutshi idi kayi iluishangana.

Matayi 17:17

Yesu wakandamuna ne, Nuenu ba tshikondo etshi tshia buhidia ne tshitshu, nenshale nʼenu musangu bule munyi? Nentate nʼenu musangu bule munyi? Luai nʼandi kundi.

Matayi 5:45

nunku nenuikale bana ba Tatu wenu udi mu diulu; bualu bua yeye utu wabandishila bantu babi ne bantu bimpe diba, yeye kabidi utu watumina bantu bakane ne bantu babi nvula.

Matayi 5:48

Nunku nuenu nenuikale bakane bu mudi Tatu wenu wa mu diulu muakane.

Luke 1:6

Bubidi buabo bakadi bakane ku mesu kua Nzambi, bakadi balonda mikenshi yonso ya Mukelenge ne mei andi, kabakadi ne bualu.

Luke 6:35

Kadi nuenu suai badi nʼenu lukuna, nubenzele bimpe, nubasombeshe bintu, kanui nubitekemena kabidi; nunku difutu dienu nedikale dinene, nenuikale bana ba Udi Mutambe Bunene wa mu diulu, bualu bua yeye udi wenzela badi kabai bamusakidila ne badi babi malu mimpe.

Yowanane 5:35

Yeye wakadi muinda utema ukenka; nuenu nuakitabusha bua kusanka mu dinkenka diandi musangu.

Bienzedi 2:40

Yeye wakabambila mei makuabo a bungi, wakabadimusha ne, Disungilai kudi ba mu tshikondo etshi tshia tshitshu.

Bienzedi 20:30

bantu nebabike munkatshi muenu mene, bambila bantu malu adi kâi malelela bua kukokabo bayidi ku nyima kuabo.

Rome 16:19

Bua lumu lua ditumikila dienu luakafika kudi bantu bonso. Nunku ndi nsanka bua bualu buenu, kadi ndi musue nuenu nuikale bena meshi ku malu mimpe ne badi ne mitshima mitoke ku malu mabi.

1 Korente 1:8

Yeye kabidi neanujadike tô ne kunshikidilu, bua kanuikadi ne tshia kunubandabo nʼatshi mu dituku dia Mukelenge wetu Yesu Kilisto.

2 Korente 6:17

Nunku umukai munkatshi muabo, nuikale batahuluke, bu mudi Mukelenge wamba; Kanulengi tshintu tshibiha, ne meme nenuitabushe,

Efeze 5:27

bua yeye aditekele ekelesia ku mpala kuandi bu wa butumbi, kai ne ditoba ne mufudi anyi tshintu tshikuabo tshia nunku; kadi bua ekelesia ikale wa tshijila ne kai muhishibue.

Dielulula 32:5

Bantu bakadinyangisha kudiye, kabena bu bana bandi, bakahambuka, malu abo akanyanguka, akalua manyongoboka.

Filipe 1:10

bua nuenu mimanye mua kujadika malu adi makane; ne bua nuenu nuikale ne mitshima mitoke, kanui balenduishi ba bakuabo, tô ne halua dituku dia Kilisto;

Filipe 3:6

mu bualu bua lukunukunu nakadi nkengesha bena ekelesia; ne mu bualu bua buakane bua mu mikenshi, nakalua muntu udi kai ne bualu.

1 Tesalonike 5:23

Nzambi wa ditalala nkayandi anujidile tshishiki; ne nyuma yenu ne misûke yenu ne mibidi yenu ilamibue mu buakane buonso, kanui ne kudiu, mu dilu? dia Mukelenge wetu Yesu Kilisto.

1 Timote 3:10

Badianjile kubateta bobo aba kabidi, hashishe benze mudimu wa balami, bikalabo kabai mua kubandibua.

1 Timote 3:2

Nunku budi mukulu-mutangidi nʼabu mbua kuikala kai ne bilumbu; ikale biandi muena mukashi umue; ikale biandi muena meshi mahola ne buhuekele; amanye mua kulongolola malu andi bimpe; ikale musankididi wa benyi; ikale muakane wa kuyisha bakuabo.

1 Timote 5:14

Nunku ndi musue bansongakashi ba mu lufuila baye ku dibaka, balele bana, bakokeshe ba mu nsubu yabo, kabaheshi muhumbishi kaba ka kubendeye bena ekelesia;

1 Timote 5:20

Bobo badi benza bualu bubi, ubabele ku mesu kua bonso, bila bakuabo badi bashale bikale ne ditshina.

1 Timote 5:7

Ubelele mukenshi bua malu â kabidi, bua kabikadi ne bilumbu.

Tite 1:6

bikalaku muntu udi kai mua kubandibua, udi ne mukashi umue, udi ne bana bandi badi bena ditabusha, badi kabai babandibua bua dinyanguka dia muoyo anyi bua huhidia.

Tite 2:10

kabibi; kadi bikale ne lulamatu luimpe mu malu onso; bua bobo batumbishe diyisha dia Nzambi, Musungidi wetu, mu malu onso.

Tite 2:15

Wewe wambile bantu malu â onso, ubasengelele, ubabele ne bukokeshi buonso. Muntu kakuhetudi.

Ebrewu 7:26

Bua muakuidi munene wa nunku wakadi mutukumbane, wa tshijila, kai ne bubi, kai mubiha, mutahuluke kudi bantu babi, muvuishibue ha mutu ha mulu;

1 Petro 2:12

nuikale ne bienzedi bienu bimpe munkatshi mua bisamba bia bende, bualu bua, mu mianda idibo banusonguela nuenu bu benji ba malu mabi, bobo batumbishe Nzambi mu dituku dialueye, bua midimu yenu mimpe idibo bamona.

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.

2 Petro 3:14

Nunku, bananga, bualu bua nudi nutekemena malu â, nanukilai bua banusangane mu ditalala kanui ne katobe, kanui ne kadiu kudiye.

Didimanyisha 2:5

Nunku, uvuiuke kuwakuhona, ukudimune mutshima webe, ne enza midimu ya kumudilu, anyi nendue kûdi, nengumushe tshitekelu tshiebe tshia muinda mu muaba watshi, biwikala kui ukudimuna mutshima webe.

Didimanyisha 3:9

Mona, ndi nkuha ba mu nsunagoga wa Satana, ba munkatshi mua badi badiamba ne, Tudi Bena Yuda, ne kabena nunku, kadi badi bashima; mona, nembavuishe bua kuluabo ne bua kukukuilabo ku makasa ebe, ne bua kumanyabo ne nakukusua.