Ezela 8:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Au mmena a bakadi ku mitu ya nsubu ya batatu babo, eku nkulondolola kua bakafuma nʼanyi ku Babulona, mu bukokeshi bua mukelenge Atashasete:

MUKANDA WA MYIDI MUKULU

¹ Bilondeshile mikanda idi ne mena a bankambua, ke mena a bamfumu ba meku bandi meme Ezra mufume nabu ku Babilone, mufike nabu mu Yerushalayime mu matuku a bukalenga bua mukalenga munene Artashasta.

Ezela 8:1 ပူးပေါင်းရင်းမြစ်များ

Ezela 7:7

Bena Isalele bakuabo ne bakuidi ne Bena Lewi ne bimbi ba misambu ne batuadi ba bintu ne Bena Netinima bakaya nʼandi ku Yelushalema mu tshidimu tshia muanda mutekete tshia bukokeshi bua mukelenge Atashasete.

Ezela 7:13

Meme ndi ngela mukenji ne, Bena Isalele bonso ne bakuidi babo ne Bena Lewi badi mu bukelenge buanyi badi basue mu mitshima yabo bua kuya ku Yelushalema, baye nʼebe.

Ezela 2:62

Bobo bakakeba mena abo mu mukanda wa kulondolola kua bankambua, kadi kabakâsangana; nunku bakadi bu bantu banyanguke, bakabumusha mu buakuidi.

Ezela 1:5

Hashishe bakajuka kudi ba ku mutu kua biota bia batatu ba mu Bena Yuda ne bia batatu ba mu Bena Benyamina, ne bakuidi ne Bena Lewi, buonso buabo mene bakadi ne mitshima mitabulushibue kudi Nzambi, bua kuyabo bua kulongolola nsubu wa Yehowa udi mu Yelushalema.

2 Kulondolola 26:12

Bungi bua bantu bakadi ku mutu kua nsubu ya batatuʼabo, bena nvita ba bukitu, buakadi binunu bibidi ne nkama isambombo.

1 Kulondolola 26:32

Bana babo, bena bukitu bakadi binunu bibidi ne nkama muanda mutekete, bakadi ku mutu kua nsubu ya batatuʼabo, bakasungudibua kudi Davidi bua kuikalabo balongolodi ba Bena Lubena ne Bena Gada ne ba tshituha tshia tshisamba tshia Bena Manashe mu malu onso a Nzambi ne a mukelenge kabidi.

1 Kulondolola 24:31

Bobo bakela nshobo bu muakenza bana babo bana ba Alona ku mpala kua Davidi mukelenge, ne Sadoka ne Ahimeleke, ne ku mpala kua bakadi ku mutu kua nsubu ya batatuʼabo ya bakuidi ne ya Bena Lewi, nsubu ya batatuʼabo bakadi tuhita tô ne ku nsubu ya bakunyi babo.

1 Kulondolola 9:34

Bobo bakadi ku mutu kua nsubu ya batatu babo ba Bena Lewi mu bikondo biabo bionso, bantu banene; bakadi bashikama mu Yelushalema.

1 Kulondolola 9:1

Nunku Bena Isalele bakadi babadibua ku kulondolola kuabo; ne monai, badi bafundibue mu mukandu wa bakelenge ba Isalele; bakaya ne Bena Yuda mu buhika ku Babulona bualu bua ditomboka diabo.

1 Kulondolola 4:33

ne misoko yabo yonso yakadi ha buihi ne bimenga biobimue tô ne ku Bâla. Ei yakadi miaba yabo yakashikamabo, ne bobo bakafunda kulondolola kuabo.

Ezela 7:28

nguakanvuisha diakalengele ku mesu kua mukelenge ne bena lungenyi bandi ne ku mesu kua bantu banene bonso ba mukelenge. Nakakoleshibua bualu bua tshianza tshia Yehowa, Nzambi wanyi, tshiakadi kundi; nakasangisha bantu banene ba mu Isalele bua kuyabo nʼanyi.

Ezela 8:2

wa bana balume ba Pinehasa, Gêshoma; wa bana ba Itamâ, Danyele; wa bana ba Davidi, Hatusha;

Ezela 2:2

hakahia ne Zelubabela bakadi Yeshua, Nehemiya, Selaya, Lêlaya, Môdekai, Bileshana, Misepâ, Bigewai, Lehuma ne Bâna. Bungi bua bantu ba mu Bena Isalele bakadi:

Ezela 2:3

Bana ba Palosha, binunu bibidi ne lukama ne makumi muanda mutekete ne babidi.

Ezela 7:6

Ezela eu mene wakafuma mu Babulona; wakadi mufundi muakane wa mikenji ya Mose yakafila Yehowa, Nzambi wa Bena Isalele; mukelenge wakamunvuila mu malu onso akamuebesheye bualu bua tshianza tshia Yehowa, Nzambi wandi, tshiakadi kudiye.