Ekesode 7:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mose ne Alona bakaya kudi Palô, bakenza bu muakamba Yehowa: Alona wakela mulangala wandi hanshi ku mesu kua Palô ne bantu bandi, ne mulangala wakakudimuka nyoka.

MUKANDA WA MYIDI MUKULU

¹⁰ Moshe ne Arone kuya kudi mukalenga wa bena Ejipitu, kuenza muvua Maweja-Nangila muambe. Arone kuela dikombu panshi, mukalenga ne bantu batangile. Dikombu kuandamuka nyoka.

Ekesode 7:10 ပူးပေါင်းရင်းမြစ်များ

Misambu 135:9

Yeye wakatuma bimanyinu ne malu a kukema munkatshi muenu, nuenu Bena Ejipitu, biakakengesha Palô ne bena mudimu bandi bonso.

Ekesode 12:28

Bena Isalele bakaya, bakenza nunku, bu muakambila Yehowa Mose ne Alona, mbu muakenzabo.

Ekesode 4:3

Yehowa wakamba ne, Wele hanshi Nunku wakawela hanshi ne wowo wakakudimuka nyoka, Mose wakamunyema.

Ekesode 7:15

Ya biebe kudi Palô ne dinda, hayeye ku mai, wimane kukala kua musulu bua kusangakena nʼandi, uye ne mulangala wakakudimuka nyoka au mu tshianza tshiebe.

Ekesode 7:20

Mose ne Alona bakenza bu muakamba Yehowa, Alona wakabisha mulangala, wakakuma mai akadi mu musulu, ku mesu kua Palô ne ku mesu kua bantu bandi, mai onso akadi mu musulu akakudimuka mashi.

Ekesode 7:6

Mose ne Alona bakenza bu muakamba Yehowa, bakenza nunku.

Ekesode 7:9

Hanuambila Palo ne, Nundeshe bualu bua kukema, hashishe, wewe wambile Alona ne, Angata mulangala webe, uwele hanshi ku mesu kua Palô ne mulangala neukudimuke nyoka.

Amosa 9:3

Nansha biabutamabo ku mutu kua Kâmele, nembakebeku ne nembakuate bua kubumushaku; nansha biasokomabo ku mesu kuanyi mu ndondo wa mai manene, nengele nyoka dî mu muaba wawa bua yeye abasume.

Marke 16:18

nebakuate nyoka ne bianza, bianuabo tshintu tshia lufu, katshiena tshibasamisha; bialengabo badi ne masama bianza, nebasangale.

Luke 10:19

Nakunuha bukole bua kudiata nyoka ne tuminyiminyi, ne bua kuhita bukole buonso bua muena lukuna; tshintu katshiena tshinuenzela bibi.