Ekesode 6:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nunku wambile Bena Isalele ne, Ndi Yehowa, ne meme nennuhatule muinshi mua majitu a Bena Ejipitu, nennusungile ku buhika buabo, nennuhikule ne diboko diolola ne dilumbulula dikole.

MUKANDA WA MYIDI MUKULU

⁶ Nanku ambila bena Izrayele mu dina dianyi ne: “Ndi Maweja-Nangila! Nennumushe ku midimu mikole inudi nuenzela bena Ejipitu. Nennupatule ku bupika budibu banukuate. Nengenzeje bena Ejipitu ku bukole, mbanyoke bikole bua kunusungidila.

Ekesode 6:6 ပူးပေါင်းရင်းမြစ်များ

1 Bakalenga 8:42

(bualu bua bobo nebunvue lumu lua dina diebe dinene, ne lua tshianza tshiebe tshikole ne lua diboko diebe dilulame), halueye bua kukutendelela ku nsubu eu,

2 Bakalenga 17:36

Kadi Yehowa wakafuma nʼenu mu buloba bua Ejipitu ne bukole bua bungi ne tshianza tshiandi tshiolola, numutshine yeye, numuinamine, nufile milambu kudiye;

1 Kulondolola 17:21

Tshisamba kai tshikuabo tshia hanshi ha buloba tshidi bu bantu bebe Bena Isalele, tshiakaya Nzambi kudihikula bu bantu bandi mene, bua kubavuisha dina dinene ku malu manene ne a kukema hawakihata bisamba bikuabo ku mpala kua bantu bebe bawakahikula mu Ejipitu?

Nehemya 1:10

Aba mbena mudimu bebe ne bantu bebe bawakahikula ku bukole buebe bunene ne ku tshianza tshiebe tshikole.

Misambu 77:16

Nzambi, mai akakutangila; mai akakutangila, akakuatshika buowa; e, ndondo wa mai wakakanka kabidi.

Misambu 81:11

Kadi bantu banyi kabakunvua dî dianyi; Bena Isalele kabakasua kungitabusha, nansha kakese.

Misambu 81:6

Nakatentumuna diaha diandi ku dituala dia bujitu, bianza biandi biakasululuka ku tshibondo.

Misambu 81:7

Wakungela dî hawakadi mu dikenga, nakakuhidisha; nakitaba kûdi mu tshisokomenu tshianyi tshia mukungulu; nakakuteta ku mai a Meliba.

Ekesode 1:11

Bakabatekela tuhita, bakabakengesha ne mudimu. Bakashala Palô misoko ya kutekelamu bintu biandi, mena ai Pitoma ne Lamesese.

Ekesode 12:41

Hakaleha bidimu nkama mai ne makumi asatu, mu dituku adi mene mene, bisumbu bionso bia bantu ba Yehowa bakaluhuka mu buloba bua Ejipitu.

Ekesode 12:51

Mu dituku adi mene mene Yehowa wakumuka ne Bena Isalele mu Ejipitu ne bisumbu biabo.

Ekesode 13:14

Hanukonka muanʼenu wa balume ne, Bualu ebu ntshinyi? nemmuambile ne, Yehowa wakatuhatula mu buloba bua Ejipitu ne mu nsubu wa lukanu ku bukole bua tshianza tshiandi.

Ekesode 13:16

Bualu ebu nebuikale bu tshimanymu ku tshianza tshiebe ne bu tshmilukidi hankatshi ha mesu ebe bualu bua Yehowa wakabihanda mu Ejipitu ku bukole bua tshianza tshiandi.

Ekesode 13:3

Mose wakambila bantu ne, Vulukai dituku edi dinuakuhatuka mu Ejipitu, mu nsubu wa lukanu, bualu bua Yehowa wakanuhatula mu muaba eu ne bukole bua tshianza tshiandi, kanudi bidia bidi ne luevene.

Ekesode 15:13

Mu luse luebe wewe wakalombela bantu bawakuhikula, wewe wakabenzesha mu bukole buebe to ne ku muaba webe wa tshijila.

Ekesode 16:6

Mose ne Alona bakambila Bena Isalele bonso ne, Dilolo nenumanye ne, Yehowa wakunuluhula mu buloba bua Ejipitu,

Ekesode 18:1

Yetelo, mubuki wa Midiyana, tatu-muenu wa Mose, wakunvua malu onso akenzela Nzambi Mose ne Bena Isalele, bantu bandi, ne muakalua Yehowa ne Bena Isalele mu Ejipitu.

Ekesode 2:11

Mu matuku au, hakakola Mose, yeye wakaya kudi bana babo, wakamona mudimu wabo mukole, wakamona Muena Ejipitu ukuma Muena Ebelu, muanʼabo.

Ekesode 3:17

Nakumana kuamba ne, Nennuhatule mu dikenga dia Ejipitu, nendue nʼenu mu buloba bua Bena Kanana ne bua Bena Hiti ne bua Bena Amole ne bua Bena Pelese ne bua Bena Hiwi ne bua Bena Yebuse, mu buloba budi ne mabele ne buitshi bia bungi.

Ekesode 3:8

Nakulua hanshi bua kubasungila mu bianza bia Bena Ejipitu, ne bua kubaluhula mu buloba abu, ne bua kulua nʼabo mu buloba buimpe ne bunene, mu buloba budi ne mabele ne buitshi bia bungi, mu muaba wa Bena Kanana ne wa Bena Hiti ne wa Bena Amole ne wa Bena Pelese ne wa Bena Hiwi ne wa Bena Yebuse.

Ekesode 32:11

Mose wakatendekena Yehowa, Nzambi wandi, wakamba ne, Yehowa, bualu kai tshiji tshiebe tshidi tshitambe bukole kudi bantu bebe bawakaluhula mu buloba bu Ejipitu ne bukole bunene ne tshianza tshia bukole?

Ekesode 6:2

Nzambi wakambila Mose ne, Meme ndi Yehowa.

Ekesode 6:29

Yehowa wakambila Mose ne, Meme ndi Yehowa, Wambile Palô, mukelenge wa Ejipitu, mei onso anakuambila.

Ekesode 6:8

Meme nendue nʼenu mu buloba bunakalaya Abalahama ne Isaka ne Yakoba, nennuhebu bu buhianyi ndi Yehowa.

Ekesode 7:4

Kadi Palô kena ukunyuila, ne meme nenteke tshianza tshianyi ha Ejipitu, nempatule bantu banyi Bena Isalele mu buloba bua Bena Ejipitu ku dilumbulula dikole.

Ekesode 7:5

Bena Ejipitu nebamanye ne meme ndi Yehowa, hangolola tshianza tshianyi ha Ejipitu ne hanahatula Bena Isalele munkatshi muabo.

Yeshaya 9:12

Bena Sulia ku luseke lua esete, ne Bena Peleshete ku luseke lua wesete bakudia Bena Isalele mukana muabo mubulula. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 9:17

Nunku Mukelenge kena usanka bua bansongalume babo, kena ufuila bana babo ba nshiya ne bakashi babo ba mu lufuila luse. Bualu bua muntu yonso wa munkatshi muabo udi muhidi wa bualu bua Nzambi ne udi muenji wa malu mabi, ne mukana muonso mudi muamba mei mabi. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 9:21

Manashe wakudia Efelayima, ne Efelayima wakudia Manashe, ne bubidi buabo bakubunda Yuda. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yirmeya 21:5

Meme hanyi nenduangane nʼenu ne tshianza tshiolola kunudi ne diboko dianyi dikole, ne tshiji, ne tshifikʼa munda, ne tshiji tshikole.

Yirmeya 27:5

Nakufuka buloba ebu ne bantu ne nyama bidi hanshi ha buloba, ku bukole buanyi ne ku diboko dianyi diolola; ndi mbidia muntu yonso bu mundi musue.

Yirmeya 32:21

Wakaluhula bantu bebe Bena Isalele mu buloba bua Ejipitu ku bimanyinu ne ku malu a kukema, ku tshianza tshikole, ku diboko diolola ne ku ditshinyisha dikole dia bantu.

Yezekiyele 20:33

Mukelenge Yehowa udi wamba ne, Bu mundi ne muoyo, nengikale mukelenge ku mutu kuenu ne tshianza tshikole, ne diboko diolola kunudi, ne tshiji tshianyi tshinukoleshile.

Bienzedi 13:17

Nzambi wa tshisamba etshi tshia Isalele wakasungula bankambua betu, wakabisha bantu hakadibo bashikame mu buloba bua Ejipitu, wakabumushamu ne diboko dikole.

Dielulula 11:2

Numanye bienu lelu, bualu bua tshiena ngakula ne bana benu badi kabayi bamanye, badi kabayi banze kutangila malu akanuyishabo kudi Yehowa, Nzambi wenu. Kabakanji kutangila bunene buandi ne tshianza tshiandi tshia bukole, ne diboko diandi diolola,

Dielulula 15:15

Uvuluke ne wewe wakadi muhika mu buloba bua Ejipitu, ne Yehowa, Nzambi wenu, wakakubikula: ka nunku ndi nkuelela mukenji eu lelu.

Dielulula 26:8

Yehowa wakatuhatula mu Ejipitu ne tshianza tshikole ne diboko diandi diolola ne malu makole ne bimanyinu ne malu a dikema;

Dielulula 4:23

Nudimuke bienu, kanuhu muoyo bua tshihungidi tshia Yehowa, Nzambi wenu, tshiakahungeye nʼenu: kanudisongidi luhingu anyi tshifuanyikishi tshia tshintu tshimue tshiakanuhidisha Yehowa, Nzambi wenu,

Dielulula 4:34

Anyi Nzambi wakamba kuya bua kudisunguila tshisamba munkatshi mua tshisamba tshikuabo, kudi mateta ne kudi bimanyinu ne kudi malu a kukema ne kudi nvita ne ku tshianza tshikole ne diboko diandi diolola ne kudi malu manene adi atshinyisha bantu bu muakanuenzela Yehowa, Nzambi wenu, mu Ejipitu ku mesu kuenu, anyi?

Dielulula 5:15

Uvuluke ne wewe wakadi muhika mu buloba bua Ejipitu, ne Yehowa, Nzambi webe, wakakuhatulamu ne tshianza tshia bukole ne diboko diandi diolola: nunku Yehowa, Nzambi webe, wakalelela mukenji bua wewe uvuluke dituku dia Lumingu.

Dielulula 6:12

hashishe nudimukai, bua kanuhu muoyo bua Yehowa wakanuhatula mu buloba bua Ejipitu ne mu nsubu wa buluka.

Dielulula 7:19

mateta makole anuakatangila ku mesu, ne bimanyinu, ne malu a kukema, ne tshianza tshikole ne diboko diolola wakanuhatula nʼabi Yehowa, Nzambi wenu; ne Yehowa, Nzambi wenu, nênzele bantu bonso banudi nutshina nunku.

Dielulula 7:8

kadi bualu bua Yehowa udi munusue ne bualu bua yeye utu watumikila mulayi wakalayeye batatu benu, Yehowa wakanuhatula ne tshianza tshikole, wakanuhikula mu nsubu wa lukanu, ne mu tshianza tshia Palô, mukelenge wa Ejipitu.

Dielulula 9:29

Bobo batshidi bantu bebe ne buhianyi buebe, bawakahatula ne bukole buebe bunene ne diboko diebe diolola.