Ekesode 5:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Bakamba ne, Nzambi wa Bena Ebelu wakasangakena hetu, witabushe ne tuetu tuye luendu lua matuku asatu mu tshihela bua kushihela. Yehowa Nzambi wetu nyama, bua yeye katukengeshi ne masama anyi muele wa mata.

MUKANDA WA MYIDI MUKULU

³ Moshe ne Arone kuandamuna mukalenga ne: — Mvidi Mukulu wa bena Ebrewu mmutumuenekele. Tudi tukulomba ne: wanyishe bua tuye mu tshipela, tuende luendu lua matuku asatu bua kulambula Maweja-Nangila Mvidi Mukulu wetu milambu. Bualu patudi katuyi tuenza nanku, udi mua kututumina disama dia tshiambu tshikole, nansha kutushipa ku muele wa mvita.

Ekesode 5:3 ပူးပေါင်းရင်းမြစ်များ

2 Bakalenga 17:25

Ku tshibangidilu tshia dishikama diaboku kabakatshina Yehowa; nunku Yehowa wakatuma nyama ya ntambue munkatshi muabo, yakashiha bakuabo babo.

2 Kulondolola 30:8

Kanukoleshi mitshima yenu bu muakenza batatu benu; kadi neuhuekeshe kudi Yehowa, nubuele ku muaba wandi wa tshijila wakajidileye tshiendelele; nukuatshile Yehowa Nzambi wenu mudimu bua tshiji tshiandi tshikole tshiumuke kunudi.

Ezela 7:23

Tshionso tshidi Nzambi wa mu diulu wamba tshienjibue mene mene bua nsubu wa Nzambi wa mu diulu; bua tshiji netshikale ku bukokeshi bua mukelenge ne bana bandi ba balume bua tshinyi?

Ekesode 3:18

Bobo nebunvue dî diebe, wewe ne bakulu ba Bena Isalele nenufile kudi mukelenge wa Ejipitu, nenumuambile ne, Yehowa, Nzambi wa Bena Ebelu, wakusangakena nʼetu Tudi tukutendekena ne, Witabushe bua tuetu kuya luendu lua matuku asatu mu tshihela bua kushihela Yehowa Nzambi wetu nyama.

Ekesode 7:16

Umuambile ne, Yehowa, Nzambi wa Bena Ebelu, wakuntuma kudi ne, Ulekele bantu banyi, baye bua kuntendelela mu tshihela, ku diambedi to ne mpindiu wewe kuena muanze kunvua.

Ekesode 8:1

Yehowa wakambila Mose ne, Ya biebe kudi Palô, umuambile ne, Yehowa udi Wamba ne, Lekela bantu banyi baye kuntendelela.

Ekesode 8:20

Yehowa wakambila Mose ne, Ubike ne dinda dionso, uye kudi Palô hayeye ku mai, umuambile ne, Yehowa udi Wamba ne, Ulekele bantu banyi, baye kuntendelela.

Ekesode 8:27

Netuye luendu lua matuku asatu mu tshihela, netushihele Yehowa Nzambi wetu nyama bu muatuambileye.

Yezekiyele 6:11

Mukelenge Yehowa udi wamba ne, Tua tshikemu, tua museba hanshi, amba ne, Aka! Bualu bua malu mabi onso a bundu a ba mu tshisamba tshia Bena Isalele, bua malu â nebafue ku muele wa nvita, ku tshiole ne ku tshihuhu.

Lewitiki 26:25

Nendue ne muele wa nvita munkatshi muenu bu musombuedi wa tshihungidi tshianyi, ne hanuadisangisha mu misoko yenu, meme nentume masama makole munkatshi muenu, nennufile mu bianza bia bantu badi nʼenu lukuna.

Dielulula 28:21

Yehowa neanutumine masama mabi tô ne hanuajimishibua ha buloba bunudi nuya bua kubuhiana.