Ekesode 40:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Hashishe ditutu diakabuikila ntenta wa kusangakena, ne butumbi bua Yehowa buakûla nsubu tente.

MUKANDA WA MYIDI MUKULU

³⁴ Diba adi divuba divua dibuikila ntenta wa kusambakena. Butumbi bua Maweja-Nangila kuwulabu muaba wa tshijila.

Ekesode 40:34 ပူးပေါင်းရင်းမြစ်များ

2 Samuele 7:6

Bualu bua tshiakashikama mu nsubu ku dituku dinakumuka ne Bena Isalele mu Ejipitu tô ne mpindiu, kadi nakendakana anu mu ntenta ne mu ntenta wa kusambakena.

2 Kulondolola 5:13

hakelabo mpungi kudi bena mpungi ne bimbi ba misambu diatshimue bua kutumbishabo ne bua kusakidilabo Yehowa, ne hakimbabo ne mpungi ne biamu ne biombelu bia kutumbishabo nʼabi Yehowa, bamba ne Yeye udi muimpe, bualu bua luse luandi ludi lujalame tshiendelele, nsubu wakûla tente ne ditutu, nsubu wa Yehowa mene.

2 Kulondolola 7:2

Bakuidi kabakadi mua kubuela mu nsuhu wa Yehowa, bualu bua butumbi bua Yehowa buakûsha nsubu tente.

Misambu 26:8

Yehowa, ndi nnanga muaba ûdi mushikame mu nsubu muebe, ne muaba udi butumbi buebe bushikame.

Ekesode 14:24

Hakatshia butuku, Yehowa wakatangila bisumbu bia Bena Ejipitu mu ditutu diakadi ne dinkenke dia kahia, wakabatshinyisha.

Ekesode 16:10

Hakadi Alona wambila tshisumbu tshionso tshia Bena Isalele nunku, bakatangila ku tshihela, ne monai, butumbi bua Yehowa buakamueneka mu ditutu.

Ekesode 25:8

Bobo bangashile tshitendelelu, bua meme kuikala munkatshi muabo.

Ekesode 29:43

Meme nensangakeneku ne Bena Isalele, ne tshitendelelu netshikale tshiedibue ku butumbi buanyi.

Ekesode 33:9

Hakabuela Mose mu tshitendelelu, difutu diakahueka, diakimana ku mbelu kua Ntenta ne Yehowa wakayikila ne Mose.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yeshaya 6:4

Bishimikidi bia ku mbelu kua nsubu biakakanka bua dî dia wakadi wela lubila, ne nsubu wakûla tente ne muishi wa kahia.

Yezekiyele 10:4

Bualu bua butumbi bua Yehowa buakumuka ku mitu kua bakeluba, buakaya ku mbelu kua nsubu; nsubu wakula tente ne ditutu, ne tshiendelu tshiakula tente ne dinkenke dia butumbi bua Yehowa.

Lewitiki 16:2

Yehowa wakambila Mose ne, Wambile Alona, mukulu webe, ne, Kulu nusangu yonso mu muaba wa tshijila udi ku nyima kua tshilulu tshikudika ku mpala kua tshibuikilu tshia mushete wa Nzambi, kufu biebe, bualu bua meme nemmueneke mu difutu ku mutu kua tshibuikilu tshia mushete wa Nzambi.

Agayi 2:7

Yehowa wa misumba udi wamba ne, Nenzakashe bisamba bionso, ne meme nengûshe nsubu eu ne butumbi tente. Yehowa wa misumba udi wamba dî edi.

Agayi 2:9

Yehowa wa misumba udi wamba ne, Butumbi bua nsubu eu bua matuku alualua nebuhite butumbi buandi bua diambedi bunene; mu muaba eu nempeshe bantu ditalala.

Dibadika 7:89

Hakaya Mose mu ntenta wa kusambakena bua kusomba ne Yehowa, hashishe yeye wakunvua Di diakadi diakula nʼandi ha mutu ha tshibuikidi tshia ha mutu ha mushete wa Nzambi hankatshi ha bakeluba babidi ne yeye wakasomba ne Yehowa.

Rome 9:4

Badi Bena Isalele mene, badi ne buhianyi bua bana, ne butumbi, ne mahungila, ne kuhebua kua mikenshi, ne mitendelelu, ne milayi.

Didimanyisha 15:8

Ne ntempelo wakûshibua tente ne muinshi wa ku butumbi bua Nzambi ne ku bukole buandi; ne nasha umue wakamanya mua kubuela munda mua ntempelo, tô ne hashika makenga muanda mutekete a banjelo muanda mutekete.

Didimanyisha 21:3

Nakinama dî dikole difuma mu nkuasa wa butumbi diamba ne, Tangilai, nsubu wa tshilulu wa Nzambi udi munkatshi mua bantu, ne yeye neikale nʼabo, ne bobo nebikale bantu bandi; ne Nzambi mume neikale nʼabo, neikale Nzambi wabo.