Ekesode 28:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Wewe neubikile bantu bonso badi ne mitshima ya lungenyi, bantu banakûsha ne lungenyi tente, bua bobo batelele Alona bilulu bia kumujidila, bua yeye ankuatshile mudimu wa buakuidi.

MUKANDA WA MYIDI MUKULU

³ Bilamba abi, babitele anu kudi bantu bandi meme Maweja-Nangila mupeshe tshipedi tshia butedi. Arone ikale uvuala bilamba abi, padibu bamujidila ne padiye ungenzela mudimu wa butuangaji.

Ekesode 28:3 ပူးပေါင်းရင်းမြစ်များ

1 Bakalenga 7:14

Yeye wakadi muana wa mukashi wa mu lufuila wa mu tshisamba tshia Nafatale, ne tatu wandi wakadi Muena Tulo, mutudi wa tshiamu tshia mitaku; wakadi nsenda wa lungenyi lule lua kuenza mudimu wa tshiamu tshia mitaku. Yeye wakalua kudi mukelenge Solomo, wakamuenzela mudimu wandi wonso.

Ekesode 35:10

Muntu yonso udi ne lungenyi lule alue biandi bua kuenza bi ntu bionso biakunuambila Yehowa

Ekesode 35:25

Bakashi bonso bakadi ne lungenyi lule bakakuma bilulu ne bianza biabo, bakalua ne bilulu biakakumabo ne bia bleu ne bikunzubile ne bikunze-kunzû ne bia lin muimpe.

Ekesode 35:30

Mose wakambila Bena Isalele ne, Yehowa wakamana kuhikula Besalele, muana mulume wa Uli, muana mulume wa Hû wa mu tshisamba tshia Yuda,

Ekesode 35:31

wakamûsha tente ne Nyuma wa Nzambi ne lungenyi lule lua kuenza nʼalu midimu yonso,

Ekesode 35:35

Yeye wakabûsha mitshima tente ne lungenyi bua kuenza nʼalu midima yonso ya bantu badi basonga bintu ne badi bakuma bilulu bia bleu ne bikunzubile ne bikunze-kunzû ne bia lin, ne ya bantu bonso badi balongolola midimu ya lungenyi.

Ekesode 36:1

Besalele ne Oholiaba nebenze mudimu wa mu tshitendelelu, ne bantu bonso badi ne lungenyi mu mitshima yabo tente nebenze mudimu eu bu muakuamba Yehowa, bobo bakadi Yehowa uhesha lungenyi ne meji bua kumanyabo mua kuenza midimu yonso ya mu tshitendelelu.

Ekesode 36:2

Mose Wakabikila Besalele ne Oholiaba ne muntu yonso wakadi ne mutshima mûsha tente ne lungenyi kudi Yehowa, ne muntu yonso wakadi ne mutshima bua kulua kuenza mudimu.

Nsumuinu 2:6

Bualu bua Yehowa udi uha bantu meji; mukana muandi mudi muhatuka lungenyi ne dijingulula dia mianda.

Yeshaya 11:2

Nyuma wa Yehowa neashikame hamʼbidi handi, nyuma wa meji ne wa kujingulula kua malu, nyuma udi umukuatshisha ne meji ne bukole, nyuma wa kumanya Yehowa ne wa kumunemeka.

Efeze 1:17

bua Nzambi wa Mukelenge wetu Yesu Kilisto, Tatu wa butumbi, anuhe nyuma wa meshi ne wa dibuluila mu dimumanya dienu;

Dielulula 34:9

Yoshua, muana wa Nuna, wakadi ne lungenyi munda muandi tente bualu bua Mose wakamutentekasha bianza biandi; ne Bena Isalele bakunvua di diandi, bakenza bu muakambila Yehowa Mose.

Yakobe 1:17

Kuha kuonso kuimpe ne diha dionso diakane tshishiki bidi bifuma mu diulu, bahueka hanshi bilua kudi Tatu wa munya, kudi kakui ne dikudimuka anyi mundidimbi wa tshintu tshidi tshinyunguluka.