Ekesode 2:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Hakalela matuku a bungi, mukelenge wa Ejipitu wakafua Bena Isalele bakafua mikemu bualu bua buhika, bakadila, muadi wabo wakafika kudi Nzambi bualu bua buhika buabo.

MUKANDA WA MYIDI MUKULU

²³ Kupita matuku a bungi, mukalenga wa bena Ejipitu kufua. Bena Izrayele ba-tshivua badila muadi, bela mbila, bua dikenga divuabu nadi. Kadi miadi yabu ya mu bupika buabu kufika kudi Mvidi Mukulu.

Ekesode 2:23 ပူးပေါင်းရင်းမြစ်များ

Genese 16:11

Muanjelo wa Yehowa wakamuambila ne, Tangila, wewe udi ne difu, neulele muana mulume, neumuidike dina ne, Yishemaele, bualu bua Yehowa wakunvua dikenga diebe.

Genese 4:10

Yeye wakamukonka ne, Wewe wakuenza tshinyi? Muadi wa mashi a muakunyʼebe udi wela di kundi difume ha buloba.

Nehemya 9:9

Wewe wakatangila dikenga dia bankambua betu mu Ejipitu, wakunvua muadi wabo kukala kua mai a Dishiba Dikunze,

Yobe 35:9

Bualu bua makengesha mavule adi alua kudibo, bakuabo badi badila; badi badila bua kuheta dikuatshisha kudi bakuabo bua kuhanduka mu bianza bia muena tshimbambila.

Misambu 102:1

Unvua kulomba kuanyi, Yehowa; muadi wanyi ufike kûdi.

Misambu 102:2

Kusokoki mesu ebe kundi mu dituku dia dikenga dianyi! Teleja matshu ebe kundi, witabe kundi lubilu dituku dindi nkubikila.

Misambu 12:5

Bualu bua badi bakengesha bahele, bualu bua badi bakengela bintu badi balua mikemu, Yehowa udi Wamba ne, Nembike bianyi; nemmushikike mu muaba wa luhandu udiye ukebakeba.

Misambu 18:6

Mu kanyinganyinga kanyi nakadibikila Yehowa, nakadila kudi Nzambi wanyi. Yeye wakunua dî dianyi hakadiye mu ntempelo wandi, muadi wanyi kudiye wakafika ku matshu andi.

Ekesode 1:14

Bakabakengesha ne mudimu mukole, mudimu wa tushola ne buloba busoha ne midimu yonso ya mu madimi. Bakabenzesha mudimu mukole.

Ekesode 4:19

Yehowa wakambila Mose mu Midiyana ne, Ya biebe, uhingane mu Ejipitu bualu bua bantu bonso bakasua kukushiha bakafua.

Ekesode 6:5

Bualu bukuabo, nakunvua mikemu ya Bena Isalele badi mu butaka kudi Bena Ejipitu, ndi muvuluke tshihungidi tshianyi.

Ekesode 6:9

Mose wakambila Bena Isalele nunku kadi bobo kabakatumikila dî dia Mose bualu bua kanyinganyinga ka mutshima, ne bua dikenga dia buhika.

Ekesode 7:7

Mose wakadi ne bidimu makumi muanda mukulu, ne Alona wakadi ne bidimu makumi muanda mukulu ne bisatu, hakadibo bakula ne Palô.

Yeshaya 19:20

Nedikale bu tshimanyinu ne bu tshimanyishilu kudi Yehowa wa misumba mu buloba bua Ejipitu; bualu bua hadilabo kudi Yehowa bua babakengeshi babo, neabatumine musungidi udi kabidi tshilobo, ne yeye neabasungile.

Yeshaya 5:7

Bualu bua budimi bua tumuma tua nvinyo bua Yehowa wa misumba budi tshisamba tshia Bena Isalele, ne bantu ba mu Yuda badi mitshi yandi idiye munange. Yeye wakatekemena kulumbulula kuakane, kadi monai! Kumatshisha kua mashi kudiku; wakatekemena buakane, kadi monai! Muadi udiku.

Dibadika 20:16

ne hatuakadila kudi Yehowa, yeye wakumpa dî dietu, wakatuma muanjelo wakatuhatula mu Ejipitu, ne tangila, tudi mu Kadesha, musoko udi ku butshika bua buloba buenu mene.

Bienzedi 7:30

Hakakumbana bidimu makumi anai, muanjelo wakamueneka kudiye mu tshihela tshia mukuna wa Sinai mu ludimi lua kahia luakadi mu katshi.

Dielulula 24:15

nubafute difutu diabo buatshia-buatshia diambedi diba kadiyi dianze kubuela; bualu bua bobo badi bahele ne badi bakuma mitshima yabo ku difutu; bobo kabadidi kudi Yehowa bualu buenu, ne bualu ebu kabuikadi bubi kunudi.

Yakobe 5:4

Monai, difutu dia bena mudimu bakanunowela madimi enu, dinutshidi nushala nʼadi ku buibi, didi diela dî dikole; ne muadi wa bahuodi wakubuela mu matshu a Mukelenge wa Misumba Yonso.

Balombodi 4:3

Bena Isalele bakadila kudi Yehowa, bualu bua yeye wakadi ne makalu a biamu nkama tshitema, yeye wakatamba kukengesha Bena Isalele bidimu makumi abidi.

1 Samuele 12:8

Hakaya Yakoba mu Ejipitu, ne bakadila bankambua benu kudi Yehowa, hashishe Yehowa wakatuma Mose ne Alona, bobo bakafuma ne bankambua benu mu Ejipitu, bakabateka mu muaba eu.

1 Samuele 9:16

Makelela ha diba edi mene nenkutumine muntu mufume ku buloba bua Benyamina ne wewe neumuele manyi ha mutu handi bua kuikaleye mukelenge wa bantu banyi Bena Isalele; yeye neasungile bantu banyi mu bianza bia Bena Peleshete; bua nakatangila bantu banyi bualu bua muadi wabo wakufika kundi.