Ekesode 2:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Wakakonka bana bandi ba bakashi ne, Yeye udi kudi kunyi? Bualu kai nuakushiya mulume ku nyima? Numubikile, alue biandi kudia bidia.

MUKANDA WA MYIDI MUKULU

²⁰ Yetro kuebeja bana bende ba bakaji ne: — Kadi muntu awu wepi? Nuamushiyi bua tshinyi? Mubikilayi bua tudie nende.

Ekesode 2:20 ပူးပေါင်းရင်းမြစ်များ

Genese 18:5

nendue ne bintu bia kudia bikese, nukoleshe mitshima yenu hashishe nudi mua kuhita, bualu bua nuenu nuakulua kudi muntu wenu Bakamuambila ne, Enza biebe bu muwakuamba.

Genese 29:13

Hakunvua Labana lumu lua Yakoba muana wa muan abo mukashi, yeye wakaya lubilu bua kumuakidila, wakamuhukila, wakatuangana nʼandi mishiku, wakalua nʼandi ku nsubu wandi Yeye wakambila Labana malu onso

Genese 31:54

Yakoba wakafua mulambu wa kuosha ba kalua ku mukuna, Wakabikila bantu bandi bua kudiabo bidia, bakadia bidia, bakalala ku mukuna butuku abu

Genese 43:25

Bobo bakalongolola matabisha diambedi Yosefe kayi muanze kulua diba hankatshi, bualu bua bakunvua lumu ne, Netudieku nʼandi bidia.

Yobe 31:32

(Muenyi kakalala mu musesu butuku, kadi nakunzuluila bahitshi ba mu nshila bibi bianyi.)

Yobe 42:11

Hashishe, bana babo ba balume bonso ne bana babo ba bakashi bonso ne bonso bakadi balunda bandi diambedi bakalua kumumona, bakadia nʼandi bia kudia mu nsubu muandi. Bakamulesha luse luabo, bakamusamba bua makenga onso akadi Yehowa mumutumine. Muntu yonso wakamuha tshituha tshimue tshia tshiamu tshia or ne kakanu ka or ka ku munu.

Ekesode 2:19

Bakamba ne, Muena Ejipitu wakatusungila mu tshianza tshia balami, wakatukokela mai kabidi, wakanuisha mikoko.

Ekesode 2:21

Mose wakasua kushikama ne mulume au, ne yeye wakaha Mose Sipola, muanʼandi wa bakashi.

1 Timote 5:10

udi ne lumu luimpe lua bienzedi biandi bimpe, bikaleye mudiundishe bana bandi, bikaleye musangele benyi, bikaleye mume makasa a basanto, bikaleye mukuatshishe bena makenga, bikaleye munanukile kulonda midimu mimpe yonso.

Ebrewu 13:2

Kanuhu muoyo bua kulesha benyi luse, bua bualu ebu bakuabo bakasangila banjelo, kabai babamanye.