Ekesode 16:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Bena Isalele bakabambila ne, Biakadi bimpe bua tuetu kufua mu Ejipitu ku tshianza tshia Yehowa hatuakashikama hadi bivuadi bia munyinyi ne hatuakukutshika mafu ne bidia, kadi nuenu nuakuluila nʼetu mu tshihela etshi bualu bua kushiha tshisumbu etshi tshionso ne nzala.

MUKANDA WA MYIDI MUKULU

³ bamba ne: — Maweja-Nangila uvua mua kutubutuila nansha mu Ejipitu, mutuvua tudia minyinyi ngesu tente ne mampa tuukuta, basombele panshi. Kadi nudi batufikisha mu tshipela emu bua kutubutula ne nzala!

Ekesode 16:3 ပူးပေါင်းရင်းမြစ်များ

2 Samuele 18:33

Kanyinganyinga kakole kakakuata mukelenge, yeye wakabanda ku nsubu wakadi ku mutu kua tshibi, wakadila; hakadiye uya, wakamba ne, Muanʼanyi Abashaloma, muanʼanyi, muanʼanyi Abashaloma! Meme nakadi kukufuila, Abashaloma, muanʼanyi, muanʼanyi!

Yobe 3:1

Hashishe, Yobo wakabulula mukana muandi, wakela dituku dia kuledibua kuandi mulau.

Yobe 3:10

Bualu bua kadiakinshila bibi bia difu dia mamu wanyi, kadiakasokoka kanyinganyinga ku mesu kuanyi.

Yobe 3:20

Bualu kai yeye udi uha muntu udi mu dikenga munya, ne udi uha muntu udi ne kanyinganyinga mu mutshima wandi muoyo?

Misambu 107:5

Bakadi ne nzala ne nyota, mitshima yabo yakahanga munda muabo.

Misambu 78:19

E, bakajiana Nzambi; bakakonka ne, Nzambi udi mua kulongolola mesa a bia kudia mu tshihela, anyi?

Misambu 78:25

Buonso buabo bakadia bidia bia bantu bakole; wakabatumina bia kudia bikumbane.

Ekesode 14:11

Bakambila Mose ne, Bualu bua kakuakadi nkita mu Ejipitu, wewe wakulua nʼetu bua tuetu kubala mu tshihela, anyi? Wakutuenzela nunku tshinyi, bua kutuhatula mu Ejipitu?

Ekesode 17:3

Bantu bakadi ne nyota, bakatontolola Mose, bakamba ne, Wakuluila nʼetu ku Ejipitu bua kutushiha ne bana betu ne bimuna bietu ne nyota munyi?

Ekesode 2:23

Hakalela matuku a bungi, mukelenge wa Ejipitu wakafua Bena Isalele bakafua mikemu bualu bua buhika, bakadila, muadi wabo wakafika kudi Nzambi bualu bua buhika buabo.

Ekesode 5:21

bobo bakabambila ne, Yehowa anutangile, anulumbuluishe, bualu bua nuakutuvuisha bu tshintu tshidi tshi tua tshibi ku mesu kua Palô ne ku mesu kua bantu bandi, nuakuteka muele wa nvita mu bianza biabo wa kutushiha nʼau.

Yirmeya 2:6

Kabakakonka ne, Yehowa wakafuma nʼetu mu buloba bua Ejipitu udi hanyi? Nguakatulombola mu tshihela, mu buloba bua lusenga ne bua majimba, mu buloba buakadi nvula kayi muloke ne bua mîdima mikole, mu buloba buakadi muntu kayi muhitshile, ne muakadi muntu kayi mushikame.

Yirmeya 42:14

binuamba ne, Nansha, netuye mu buloba bua Ejipitu mutudi katuyi tumona nvita, katuyi tunvua muadi wa mpungi wa nvita, katuyi ne nzala ya bia kudia, netushikamemu;

Yirmeya 44:17

Kadi bulelela, netuenze mei onso akumana kuhatuka mukana muetu bua kuoshila mukelenge mukashi wa mu diulu musenga wa manananshi ne bua kumuhongoluela milambu ya bia kunua, bu mutuakuenza mu misoko ya Yuda ne misesu ya Yelushalema, ne tuetu ne batatu betu ne banfumu betu ne baminyampala betu. Bua mu tshikondo atshi tuakadi ne bintu bia kudia bikumbane, tuakadi ne diakalengele, katuakamona dikenga.

Muadi 4:9

Diakalengele dia badi bashihibue ku muele wa nvita didi dihita dia badi bashihibue ne nzala buakane; bua badi baleuka, bateketa-teketê, bualu bua kabena ne bintu bia mu madimi.

Dibadika 11:15

Biwasua kutuenzela nunku, ndi nkusengelela ne, Unshihe ku tshianza tshiebe, binasangana luse ku mesu kuebe, bua tshitangidi dikenga dianyi nunku.

Dibadika 11:20

kadi ngondo mujima, tô ne hanuaulukila mu diulu, neunutonde, bualu bua nuenu nuakuhidia Yehowa udi munkatshi muenu, nuakudila ku mpala kuandi ne, Tuakaluhuka mu Ejipitu bualu kai?

Dibadika 14:2

Bena Isalele bonso bakatontolola Mose ne Alona, bakabambila ne, Biakadi bimpe tuafuila mu Ejipitu, anyi tuafuila mu tshihela etshi.

Dibadika 14:3

Bualu kai Yehowa udi ulua nʼetu ku buloba ebu bua kutushihesha ku miele ya nvita? Bakashi betu ne bana betu bakese nebashihibue, bualu budi butamba buimpe bua tuetu tuhingane mu Ejipitu nansha?

Dibadika 16:13

bualu budi bukese bua wewe wakumuka nʼetu mu buloba budi bûle tente ne mabele ne buitshi bua kubishiha mu tshihela, udi musue kudibandisha bu mukelenge wetu kabidi, anyi?

Dibadika 16:41

Kadi hakatshiabu Bena Isalele bonso bakatontolola Mose ne Alona ne, Nuenu nuakushiha bantu ba Yehowa.

Dibadika 21:5

Bantu bakajiana Nzambi ne Mose kabidi ne, Nuakatuluhuila mu Ejipitu bua kutufuisha mu tshihela nunku bua tshinyi? Kakuena bia kudia, kakuena mai, ne bidia ebi bia tshianana biakututonda.

Bienzedi 26:29

Paulo wakamba ne, Nasha ne kalu kakese nasha ne bualu bunene, ndi ndomba Nzambi kambua wewe nkayebe kadi bua bonso badi bunvua mei anyi lelu kabidi, balue bu mundi emu, anu nkanu ei idishadile.

1 Korente 4:8

Nuakumana kukuta, nuakumana kulua babanshi, nuakalua bakokeshi kanui nʼetu. Bulelela, nakadi musue bua nuenu nuikale bakokeshi, bua tuetu tuikale bakokeshi nʼenu.

2 Korente 11:1

Ndi musue bua nuenu mimanye mua kuikala nʼanyi lutulu mu kutshimbakana kukese; kadi bulelela, nudi nuikala nʼanyi lutulu.

Dielulula 28:67

Dinda nenuambe ne, Tudi basue butuku buile. Dilolo nenuambe ne, Tudi basue butuku butshie bualu bua buowa budi bunukuata mu mitshima yenu, ne bua malu anudi batangila ku mesu.

Dielulula 8:3

Yeye wakanuhuekesha, wakanufuisha nzala ne wakanudisha ne mana a mu diulu, anudi kanuyi bamanye, ne akadi batatu benu kabayi bamanye; bua kunumanyisha ne, Muntu kena wikala ne muoyo bualu bua bidia nkayabo kadi utu wikala ne muoyo bualu bua mei onso adi ahatuka mukana mua Yehowa.

Yoshua 7:7

Yoshua wakamba ne, Aka! Mukelenge Yehowa, wewe wakulua ne bantu aba dia munemu dia Yadene bua kutufila mu bianza bia Bena Amole ne bua kutufuisha munyi? Biakadi bimpe bua tuetu kushikama dishiya dia Yadene!