Ekesode 14:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yehowa neanuluile nvita yenu, nenuikale holâ.

MUKANDA WA MYIDI MUKULU

¹⁴ Lekelayi kupampakana, bualu Maweja-Nangila nealuangane mvita eyi pa mutu penu.

Ekesode 14:14 ပူးပေါင်းရင်းမြစ်များ

2 Kulondolola 20:15

Yeye wakamba ne, Unvuai, Bena Yuda bonso ne bonso ba mu Yelushalema, ne wewe mukelenge Yehoshafata, Yehowa udi wamba ne, Kanutshinyi, kanukemi hua tshisumbu etshi tshinene; bualu bua nvita ei kanyenu, nya Nzambi.

2 Kulondolola 20:17

Kanuena ne bua kuluangana nvita ei; nudijadike, nuimane talalâ, numone luhandu lua Yehowa ludi nʼenu, nuenu Bena Yuda ne Bena Yelushalema; kanutshinyi, kanukemi; nuye kudibo hatshiabu; bualu bua Yehowa udi nʼenu.

2 Kulondolola 20:29

Ditshina dia Nzambi diakakuata ba mu bisamba bionso hakunvuabo ne, Yehowa wakaluangana nvita ne bena lukuna ba Bena Isalele.

Nehemya 4:14

Nakatangila ne nakajuka, nakambila bantu banene ne bakokeshi ne bantu bakuabo ne, Kanubatshinyi, nuvuluke Mukelenge wenu munene, mukole, nuluangane bikole bualu bua bana benu ne bana benu ba balume ne bana benu ba bakashi baledibue ne bua bakashi benu ne nsubu yenu.

Nehemya 4:20

nunku mu miaba yonso mudi nunyua muadi wa mpungi, nudisangisheku kutudi; Nzambi wetu neatuluile nvita.

Nehemya 9:11

Wewe wakahandulula mai ku mpala kuabo, nunku bakahita munkatshi mua mai manene ha buloba bume; wakela bakadi babalonda mu bunene bua mai bu mudibo bela dibue mu mai manene.

Misambu 35:1

Yehowa, ufuilakane ne badi bafuilangana nʼanyi; uluishe badi baluangana nʼanyi.

Misambu 50:3

Nzambi wetu udi ulua, kena uhuwa talalâ, kahia kadi ku mpala kuandi kadi kosha bintu, tshihuhu tshitambe bukole tshidi tshimunyunguluka.

Misambu 83:1

Nzambi, kuikadi biebe talalâ; kuhuwu biebe talalâ, Nzambi, kushikama hatuhu!

Ekesode 14:15

Yehowa wakambila Mose ne, Udi udidila kundi tshinyi? Ambila Bena Isalele ne, Baye ku mpala.

Ekesode 14:25

Wakakanga nkata ya makalu, kabakamanya mua kuya bimpe, Bena Ejipitu bakamba ne, Tunyeme bietu ku mesu kua Bena Isalele, bualu bua Yehowa udi ubaluila nvita yabo, udi uluangana ne Bena Ejipitu.

Ekesode 15:3

Yehowa udi muena nvita, Yehowa ndina diandi.

Yeshaya 30:15

Bualu bua Mukelenge Yehowa, wa Tshijila wa Isalele wakamba ne, Hanualukila kundi, hanuaheta dikisha kundi, nenusungidibue; mu buhote bua mutshima ne mu kungeyemena kuenu nemuikale bukole buenu. Nuenu kanuakasua nunku,

Muadi 3:26

Bidi bimpe bua muntu atekemene ne indile biandi luhandu lua Yehowa talalâ.

Dielulula 1:30

Yehowa, Nzambi wenu, udi uya ku mpala kuenu, yeye neanuluile nvita yenu, bu muakenzeye ku mesu kuenu mu Ejipitu,

Dielulula 20:4

bualu bua Yehowa, Nzambi wenu, udi unuluila, bua kuluangana ne badi nʼenu lukuna ne bua kunusungila.

Dielulula 3:22

Kanubatshinyi, bualu bua Yehowa, Nzambi wenu, udi unuluila nvita.

Yoshua 10:10

Yehowa wakabalubakasha ku mpala kua Bena Isalele, wakabashiha ne dishiha dikole ku Gibeona; bakabihata mu nshila wa kubanda ku Bete-holona tô ne ku Azeka ne Makeda.

Yoshua 10:14

Kakuakadi dituku dikuabo bu dituku edi ku mpala kuadi anyi ku nyima kuadi, hakunvua Yehowa dî dia muntu nunku; bualu bua Yehowa wakadila Bena Isalele nvita.

Yoshua 10:42

Bakelenge aba bonso ne buloba buabo buonso Yoshua wakanyenga musangu umue, bualu bua Yehowa, Nzambi wa Isalele, wakadila Bena Isalele nvita.

Yoshua 23:10

Umue wenu neihate tshinunu tshia bantu; bualu bua Yehowa, Nzambi wenu, udi unuluila nvita bu muakanuambileye.

Yoshua 23:3

nuenu nuakatangila malu onso akenzela Yehowa, Nzambi wenu, bisamba ebi bionso bua bualu buenu; bualu bua Yehowa, Nzambi wenu, yeye mene wakanuluila nvita.

Balombodi 5:20

Mitoto ya mu diulu yakaluangana, mitoto ya mu nshila yai yakaluangana ne Sisela.

1 Samuele 4:7

Bena Peleshete bakatshina, bakamba ne, Nzambi wakalua mu tshitudilu. Bakamba ne, Mulau wakutukuata! Kaluakadi ne bualu nunku diambedi.