Ekesode 1:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Bualu bua baleleshi bakatshina Nzambi, yeye wakabaha bana.

MUKANDA WA MYIDI MUKULU

²¹ kubapesha bana ba bungi, bualu bavua bamutshina.

Ekesode 1:21 ပူးပေါင်းရင်းမြစ်များ

1 Bakalenga 11:38

Biunvua mei onso andi nkuambila, biwenda mu nshila yanyi bua kuenza malu adi mimpe ku mesu kuanyi, ne hua kutumikila mei anyi ne mikenji yanyi bu muakenza muntu wanyi Davidi, nengikale nʼebe, nenjadike tshiota tshiebe bulelela, bu munakajadika tshiota tshia Davidi; nenkuhe wewe Bena Isalele.

1 Bakalenga 2:24

Nunku bu mudi Yehowa ne muoyo, wakunjadika, wakunshikika mu nkuasa wa bukelenge wa tatu wanyi Davidi, wakungenzela nsubu wanyi bu muakandayeye, bulelela, Adoniya neafue biandi lelu.

Misambu 112:1

Tumbishai Yehowa! Disanka didi kudi muntu udi unemeka Yehowa, udi usanka bikole bua mikenji yandi!

Misambu 127:1

Bikala Yehowa kayi wasa nsubu, badi bamuasa badi bakuata mudimu eu hatuhu. Bikala Yehowa kayi ulama musoko, mutentekedi udi utabala hatuhu.

Misambu 127:3

Monai, bana badi buhianyi bufume kudi Yehowa, bana badi bahatuka munda mua mamu wabo badi difutu diandi.

Misambu 37:3

Eyemena Yehowa ne enza malu mimpe; nunku neushikame mu buloba, neudie bia kudia mu dimueyemena diebe.

Ekesode 1:17

Kadi baleleshi bakatshina Nzambi, kabakenza muakabambila mukelenge wa Ejipitu, kadi bakasungila bana balume.

Nsumuinu 24:3

Badi bibaka nsubu ne meji, dijingulula dia mianda didi dimujadika.

Muambi 8:12

Nansha muntu muenze malu mabi misangu lukama, nansha mushale ne muoyo musangu mule, bulelela, ndi mumanye ne, Badi batshina Nzambi nebahete diakalengele ku mesu kuandi, bua badi bamunemeka;

Yirmeya 35:2

Ya ku nsubu wa Bena Lekaba, uyikile nʼabo, ulue nʼabo mu nsubu mukuabo wa mu nsubu wa Yehowa, ubaheshe maluvu a nvinyo bua kunuabo.

1 Samuele 2:35

Nenditekele muakuidi wa kanemu; yeye neangenzele malu anakasungula mu mutshima wanyi ne mu lungenyi luanyi. Meme nenjadike nsubu wandi: yeye nende ku mesu kua wanyi unakuela manyi ha mutu tshiendelele.

1 Samuele 25:28

Ndi nkusengelela ne, Ulekelele muhika webe mukashi dihanga diandi; Yehowa neajadike ba mu nsubu wa mukelenge wanyi bulelela, bualu bua yeye udi uluila Yehowa nvita; bualu bubi kabuena buikala kudi tô matuku ebe onso.