Efeze 2:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Tuetu kabidi tuakikala munkatshi muabo diambedi, tuakalonda nkuka ya mibidi yetu, tuakalonda malu akadi mibidi yetu ne meshi etu bisue, bakaledibua bena lukuna bu mudi bakuabo.

MUKANDA WA MYIDI MUKULU

³ Bonsu buetu tuvua benze anu bu bobu. Tuvua tulonda amu majinga etu mabi. Tuvua tukumbaja amu bivua mubidi wetu, ne meji etu, bijinga. Nanku tuvua amu ne bua kupeta dinyoka kudi Mvidi Mukulu, bu bantu bakuabu bonsu.

Efeze 2:3 ပူးပေါင်းရင်းမြစ်များ

Genese 5:3

Adama wakikala ne muoyo bidimu lukama ne makumi asatu, wakalela muana mulume ne tshifuanyikishi tshiandi, mufuanangane nʼandi, wakamuidika dina ne, Sheta.

Genese 6:5

Yehowa wakamona ne, Mibi ya bantu idi idiundadiunda munkatshi mua ba ha buloba ne meji adibo bela mu mitshima yabo adi mabi matuku onso.

Genese 8:21

Yehowa wakanunkila dihembu dimpe: Yehowa wakamba mu mutshima wandi ne, Tshiena ngela buloba mulau kabidi bualu bua bantu badi ne meji mabi mu mitshima yabo hatshidibo bitende tô ne hakulumpabo, tshiena njimisha bifukibua bionso bidi ne muoyo kabidi bu munakenza diambedi.

Yobe 14:4

Udi mua kuhatula tshintu tshia kane ku tshintu tshidi katshiyi tshiakane nganyi? Kakuena muntu.

Yobe 25:4

Nunku muntu wa ha buloba udi mua kubingishibua ku mesu kua Nzambi munyi? Udi muledibue kudi mukashi udi mua kuikala ne mutshima mutoke munyi?

Misambu 51:5

Mona, nakaledibua mu dihambuka, ne mu bubi mamu wanyi wakangimita munda muandi.

Yeshaya 53:6

Buonso buetu tuakubambuka bu mikoko, tuakukudimuka bua kuya muntu wandi nshila muntu wandi nshila; Yehowa wakuteka dihila dia bubi bua buonso buetu hamʼbidi handi.

Marke 4:19

kadi meshi a malu a ha buloba ne mashimi a biuma ne lukuka lua malu makuabo bidi bibuela munda, bidi binyengela dî, kadiena dimanye mua kuvuidisha maminu makuabo.

Yowanane 1:13

bakadi kabai baledibue kudi mashi, anyi kudi disua dia mubidi, anyi kudi disungula dia muntu, kadi bakaledibua kudi Nzambi.

Yowanane 8:44

Nuenu nudi bana ba diabolo, tatu wenu, nudi basue kuenza bu mudi nkuka ya tatu wenu. Ku tshibangidilu yeye wakadi mushihianganyi, katu wimana mu bualu bulelela, bua yeye kena ne bualu bulelela munda muandi. Hambeye dî dia mashimi, udi wamba malu andi mene; bua yeye udi muena mashimi, ne udi tatu wau.

Bienzedi 14:16

mu bikondo bia ku nyima yeye wakitabusha bua bisamba bionso bia bende biende mu nshila yakadi mitshima yabo misue.

Rome 1:24

Ke Nzambi kabidi wakabafila ku bukoya kudi nkuka ya mitshima yabo, bua kunyanganganabo mibidi yabo ne malu a bundu munkatshi muabo;

Rome 11:30

Bu munuakadi ne buhidia kudi Nzambi mu bikondo biakashala ku nyima, kadi mpindiu nnakuheta luse ku buhidia buabo;

Rome 13:14

Kadi nudiluatshishe ne Mukelenge Yesu Kilisto; kanulongoluedi mibidi malu bua kumana nkuka yai.

Rome 2:14

Bualu bua henza bisamba bia bende bidi kabi ne mikenshi bilele bidi mikenshi nuambe, bobo, kabai ne mikenshi, badi badielela mikenshi.

Rome 5:10

Bualu bua, biwikala balengesha ne Nzambi ku lufu lua Muana wandi, hatuakadi bena lukuna nʼandi, nunku netutambe kusungidibua ku muoyo wandi hatuakamana kulengesha nʼandi.

Rome 5:9

Ke bualu budi butambe nunku ne, Hantshidi tubingishibua mpindiu ku mashi andi, netusungidibue ku tshishi tshia Nzambi kudiye.

Rome 6:12

Nunku kanuitabushi bua bubi bukokeshe mu mibidi yenu ifuafua, bua nuenu nutumikile nkuka yai.

Rome 7:18

Ndi mumanye ne, Munda muanyi, mu mubidi wanyi mene, kamuena muikale bualu buimpe; bualu bua disua dia kuenza bimpe didi kundi, kudi bakole bua mua kuenza nʼabu bimpe kabuenaku.

Rome 9:22

Bikala Nzambi, hakasueye kulesha bantu tshishi tshiandi, ne kubamanyisha bukole buandi, wakatukisha ne lutulu lunene bifuadi bitekela tshishi tshiandi bilongolodibua bua dibutuka,

1 Korente 4:7

Udi ukutahulula kudi bakuabo nganyi? Udi ne tshintu kai tshiudi kui muangate kudi mukuabo? Biwikala mutshiangate kadi mukuabo, munyi mûdi uditumbisha bu mûdi kui mutshiangate?

2 Korente 7:1

Bana betu, bualu bua tuetu tudi ne milayi ei, tudilengeshe ku manyanu onso a mubidi ne a nyuma, tukumbashe tshijila tshietu mu ditshina dia Nzambi.

Ngalate 3:22

Mukanda wa Nzambi wakinshidila malu onso munshi mua bubi, bua kuha bantu badi bitabusha mulayi ku ditabusha dia mu Yesu Kilisto.

Efeze 2:2

anuakendamu diambedi bu mudi tshikondo tshia buloba ebu, bu mudi mukelenge wa bukokeshi bua mu luhehele, wa nyuma udi wenzesha katataka munkatshi mua bana ba buhidia.

Efeze 4:22

numushe bienu muntu au wa kale, bu muakadi tshikadilu tshienu tshia diambedi, udi unyangukanyanguka bua nkuka idi imudinga.

Kolose 1:21

Ne nuenu, bakadi diambedimbedi ba bende ne bena lukuna nʼandi mu meshi enu bua bienzedi bienu bibi,

1 Tesalonike 4:13

Bana betu, katuena basue nuenu nuhange kumanya bualu bua badi balala tulu mu lufu, bua nuenu kanunyingalashi mitshima yenu, bu mudi bakuabo benza badi kabai ne ditekemena.

1 Tesalonike 5:6

Nunku katuladi tulu bu mudi bakuabo benza; kadi tutabale, tuikale ne meshi mahole.

1 Timote 6:9

Kadi bobo badi basue kuikala babanshi badi bahona mu kutetshibua kua munda ne mu buteyi ne mu nkuka ya bungi Idi mihote ne idi ibanyanga, bu yoyo mene idi inyisha bantu mu dibashihesha ne mu dibutuka.

Tite 3:3

Bualu bua tuetu tuakadi bahote diambedi, tuakadi ne buhidia, tuakadi badingishibua, tuakadi tulonda nkuka ne masanka bia mishindu ya bungi; tuakadi tuikala ne lukinu ne mukau; tuakadi tukinyibua, tuakadi tukinangana.

1 Petro 1:14

Nuikale bana batumikidi, kanudifuanyikishi bu munuakadi mu nkuka yenu ya diambedi, mu buhote buenu;

2 Petro 2:14

badi ne mesu mûle tente ne masandi, ne adi kâi mamanye mua kulekela malu mabi; badi balekesha badi ne mitshima mitekete; badi ne mitshima yabo mibidila mu lukuka; badi bana badi ne mulau.

2 Petro 2:18

Bualu bua hadibo bakula mei manene a diambu, ku bienzedi biabo bia masandi, badi balobesha bakuabo mu nkuka ya mubidi, mbobo badi bamba kuhanduka kudi badi balonda dihambuka;

1 Yone 2:16

Bualu bua malu onso a ha buloba, lukuka lua mubidi, ne lukuka lua mesu, ne kudisua kua muoyo, kena mafume kudi Tatu, kadi adi mafume ku buloba.

1 Yone 2:8

Ndi nufundila mukenshi muhia-muhia kabidi, budi bualu bulelela munda muandi ne munda muenu; bualu bua butuku butshiatshia, ne munya mulelela wakumana kutema.