Ebrewu 8:2 - Mukanda wa Nzambi Dihungila Dikulukulu ne Dihungila Dihia-dihia 2003

² udi muena mudimu wa muaba mutambe tshijila ne wa tshitendelelu tshilelela tshiakashimikabo kudi Nzambi, katshiakashimikibua kudi muntu.

MUKANDA WA MYIDI MUKULU

² Udi wenza mudimu wa butuangaji muaba wa Tshijila, mbuena kuamba ne: mu ntenta mulelela uvuabu kabayi base kudi bantu, kadi kudi Maweja-Nangila.

Ebrewu 8:2 ပူးပေါင်းရင်းမြစ်များ

Ekesode 25:9

Nutshiase bu bintu binakakulesha ne bu tshidikishilu tshia tshitendelelu ne bu tshidikishilu tshia bintu bia kutekamu.

Ekesode 28:1

Ubikile Alona mukuluʼebe kûdi, ne bana bandi balume balue nʼandi ba munkatshi mua Bena Isalele, yeye ankuatshile mudimu wa buakuidi, Alona mene ne Nadaba ne Abihu, Eleazâ ne Itamâ, bana balume ba Alona.

Ekesode 28:35

Alona nealuate tshikowelu henzeye mudimu, nebunvue tshiona tshia ndibu hayeye mu muaba wa tshijila ku mesu kua Yehowa, ne haluhukeye kabidi, bua yeye kafu nansha.

Ekesode 33:7

Mose wakadi ushimika ntenta ku butshika bua tshitudilu, wakamubikila ne, Ntenta wa kusambakena Muntu yonso wakasua kukeba Yehowa wakaluhuka mu tshitudilu bua kuya ku ntenta wa kusambakena, wakadi ku butshika bua tshitudilu.

Luke 24:44

Wakabambila ne, Â adi mei anyi anakanuambila hanakadi nʼenu, ne, Budibo nʼabu mbua kushikisha malu onso akafundabo bualu buanyi mu mikenshi ya Mose ne mu luseke lua baprofete ne mu misambu.

Rome 15:8

Bualu bua ndi ngamba ne, Kilisto wakavuishibua muena mudimu wa batengula bua bushua bua Nzambi, bua yeye ajadike milayi yakalaya Nzambi bankambua betu,

2 Korente 5:1

Tudi bamanye ne, Bikala nsubu wa ha buloba wa mubidi wetu muhuke, tudi ne nsubu mufume kudi Nzambi, nsubu udi kai muasa ne bianza, udi mu diulu tshiendelele.

Kolose 2:11

unuakatengudibua munda muandi kabidi ne ditengula didi kadî dienjibua ne bianza mu diumusha dia malu a mubidi wa ha buloba, mu ditengula dia mu Kilisto.

Ebrewu 10:11

Muakuidi yonso udi wimana bulelela ku dituku ku dituku wenza mudimu wandi ne ufila ku musangu ku musangu milambu ya muomumue, yoyo mene idi kayi mua kumusha mibi tshiendelele;

Ebrewu 10:21

ne bualu bua tudi ne muakuidi mutambe ku mutu kua nsubu wa Nzambi;

Ebrewu 11:10

bualu bua wakatekemena musoko udi ne bishimikidi, mulongolodi wau ne muibaki wau nNzambi.

Ebrewu 9:1

Tshihungidi tshia kumudilu mene tshiakadi ne mikenshi ya kulonda mu kutendelela kuabo ne tshitendelelu tshiatshi, tshiakadi tshitendelela tshia ha buloba ebu.

Didimanyisha 21:3

Nakinama dî dikole difuma mu nkuasa wa butumbi diamba ne, Tangilai, nsubu wa tshilulu wa Nzambi udi munkatshi mua bantu, ne yeye neikale nʼabo, ne bobo nebikale bantu bandi; ne Nzambi mume neikale nʼabo, neikale Nzambi wabo.