Ebrewu 7:2 - Mukanda wa Nzambi Dihungila Dikulukulu ne Dihungila Dihia-dihia 2003

² Kudiye kabidi, Abalahama wakabanyangana nʼandi tshia dikumi tshia bintu bionso (diambedi muikale mukudimuna dina ne, Mukelenge wa buakane; hashishe kabidi, udi biandi Mukelenge wa Salema, kuamba ne, Mukelenge wa ditalala;

MUKANDA WA MYIDI MUKULU

² Abrahame kumupesha tshia dikumi tshia bintu bionsu bivuaye nabi. Bualu bua kumpala, dina dia Melkisedeke didi diumvuija ne: “Mukalenga wa malu mimpe,” pashishe uvua mukalenga wa Saleme, mbuena kuamba ne: “Mukalenga wa bupole.”

Ebrewu 7:2 ပူးပေါင်းရင်းမြစ်များ

Genese 28:22

ne dibue edi dinakuimanyika nebikale bu nsubu wa Nzambi ne bintu bionso biwampa nempingashe tshia dikumi kudi bulelela.

2 Samuele 23:3

Nzambi wa Isalele wakamba, dibue dia Isalele diakangambila ne, Udi ukokesha bantu ne buimpe, udi ukokesha mu ditshina dia Nzambi,

2 Samuele 8:15

Davidi wakakokesha Bena Isalele bonso; Davidi wakalumbuluila bantu bandi bonso biakane, wakabenzela malu makane.

1 Kulondolola 22:9

Kadi mona, wewe neulele muana wa balume, neikale muena ditalala; nemmuhe ditalala kudi bena lukuna bonso badi bamunyunguluke; bualu bua dina diandi nedikale Solomo; nenvuishe ditalala ne dikisha mu buloba bua Isalele mu matuku andi.

Misambu 72:7

Mu matuku andi bantu bakane nebikale ne diakalengele, ditalala divule nedikaleku tô ne hajimina ngondo tshiendelele.

Lewitiki 27:32

Tshintu tshionso tshia dikumi tshia ngombe anyi tshia mikoko bidibo babala netshikale tshintu tshia tshijila kudi Yehowa.

Mika 5:5

Yeye eu neikale ditalala dietu. Halua Muena Ashû mu buloba buetu, hadiateye mu nsubu ya bakelenge betu, hashishe, nembishe balami ba mikoko muanda mutekete ne bakokeshi muanda mukulu munkatshi mua bantu bua kumuihata.

Dibadika 18:21

Mona, nakuha Bena Lewi tshintu tshia dikumi tshionso tshia mu Isalele bu buhianyi buabo bua mudimu udibo benza mu ntenta wa kusambakena.

Matayi 1:23

Mukashi utshidi kamama neimite difu, nealele muana mulume, Nebamuidike dina ne, Imanuele, kuandamuna kua muaku ne, Nzambi udi nʼetu.

Luke 2:14

Butumbi buikale kudi Nzambi mu diulu, Ditalala dikale hanshi ha buloba munkatshi mua bantu badi basankisha Nzambi.

Rome 3:26

Wakenza nunka bua kulesha buakane buandi mu tshikondo etshi, bua yeye kuikala muakane ne mubingishi wa muntu yonso udi witabusha Yesu.

Ebrewu 7:1

Bualu bua Melekisedeke eu, mukelenge wa Salema, muakuidi wa Nzambi Mutambe Bunene wa mu diulu, wakasangakana ne Abalahama hakadiye uhingana ku kushiha kuandi kua bakelenge, ne wakamusankisha.

Ebrewu 7:3

kai tatu, kai mamu, kai bankambua, kai tshibangidilu tshia matuku anyi nshikidilu wa muoyo, kadi muvuishibue bu Muana wa Nzambi) udi muikale muakuidi tshiendelele.

1 Samuele 8:15

Neanunyenge tshia dikumi tshia maminu enu ne tshia tumuma tuenu tua nvinyo, neatshidie kudi tuhita tuandi ne kudi bahika bandi.

1 Samuele 8:17

Yeye neanunyenge tshia dikumi tshia bimuna bienu; nuenu nenuikale bahika bandi.