Ebrewu 5:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ nasha yeye muikale Muana, wakayila ditumikila ku malu akakengeye nʼau.

MUKANDA WA MYIDI MUKULU

⁸ Nansha muvuaye Muana wa Mvidi Mukulu, uvua mulonge butumike mu makenga onsu avuaye nawu.

Ebrewu 5:8 ပူးပေါင်းရင်းမြစ်များ

Yeshaya 53:5

Kadi bakamutaha mputa bua mibi yetu, bakamukuma bua malu mabi etu; dikenga didi divuisha ditalala dietu diakadi hamʼbidi handi, ne tuakukoleshibua ku mibundabunda yandi.

Matayi 3:15

Kadi Yesu wakamuandamuna ne, Tuenze bietu musangu eu, bualu bua mbimpe tukumbashe buakane buonso nunku. Yone wakitabusha.

Yowanane 10:18

Kakuena mukuabo udi ûnyenga, ndi nditekelau hanshi nkayanyi. Ndi ne bukole bua kuteka hanshi, ndi ne bukole bua kûangata kabidi. Nakuangata mukenshi eu kudi Tatu wanyi.

Yowanane 15:10

Binuatumikila mikenshi yanyi, nenushale mu dinanga dianyi, bu munakutumikila mikenshi ya Tatu wanyi, ne mundi nshala mu dinanga diandi.

Yowanane 4:34

Yesu wakabambila ne, Bidia bianyi bidi kuenza bu mudi wakuntuma musue ne kushikisha mudimu wandi.

Yowanane 6:38

Tshiakufika mu diulu bua kuenza bu mundi musue, anu bu mudi wakuntuma musue.

Filipe 2:8

Ne hakamuenekeye mu tshifuanyikishi tshia muntu, yeye wakadihuekesha, wakalua mutumikidi tô ne ku lufu, ku lufu mene lua ha mutshi mutshiamakane.

Ebrewu 1:2

kunshikidilu kua matuku â wakatuambila bietu dî kudi Muana wakatekeye muhianyi wa bintu bionso, wakafukeye nʼandi buloba kabidi.

Ebrewu 1:5

Bualu bua Nzambi wakambila mukuabo kai wa banjelo bandi ne, Wewe udi Muana wanyi, Lelu eu nakukulela? Ne kabidi: Nengikale Tatu kudiye, Ne yeye neikale Muana kundi?

Ebrewu 1:8

Kadi bua Muana yeye adi wamba ne, Nzambi, nkuasa webe wa bukelenge udiku tô bikondo ne bikondo, Ne dikombo dia buakane ndikombo dia bukelenge buebe.

Ebrewu 3:6

kadi Kilisto wakadi wa kueyemenyibua bu Muana ku mutu kua nsubu wa Nzambi; tuetu tudi nsubu wandi, bitualamata ku dikima dietu ne ku kutumbila kua ditekemena dietu bikole tô ne kunshikidilu.