Ebrewu 5:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Muntu kena udiangatshila buneme ebu nkayandi, kadi udi ubuangata hakabikidibueye kudi Nzambi bu muakabikidibua Alona kabidi.

MUKANDA WA MYIDI MUKULU

⁴ Muntu nansha umue kena mua kudipesha lumu lua kuikala mutuangaji munene. Muntu udi mua kuikala mutuangaji amu padi Mvidi Mukulu umubikila ku mudimu awu bu muvuaye muenze ne Arone.

Ebrewu 5:4 ပူးပေါင်းရင်းမြစ်များ

1 Kulondolola 23:13

Bana balume ba Amalama: Alona ne Mose; Alona wakadi mujidibue bua yeye ajidile bintu bia tshijila, yeye ne bana bandi balume tshiendelele, bua kuoshelabo Yehowa musenga wa manananshi, ne bua kumukuatshilabo mudimu ne bua kuvudishilabo bantu disanka mu dina diandi tshiendelele.

2 Kulondolola 26:18

bobo bakakandisha Uziya mukelenge, bakamuambila ne, Uziya, kambualu buebe bua kuoshela Yehowa musenga wa manananshi, kadi mbua bakuidi, bana ba Alona, badi bajidibue bua kuoshela Yehowa manananshi; umuka mu muaba eu wa tshijila, bualu bua wewe wakuenza bibi; bualu ebu kabuena bukuvuisha butumbi kudi Yehowa Nzambi nansha.

Ezela 7:5

muana wa Abishua, muana wa Pinehasa, muana wa Eleazâ, muana wa Alona, muakuidi mutambe bakuabo;

Ekesode 28:1

Ubikile Alona mukuluʼebe kûdi, ne bana bandi balume balue nʼandi ba munkatshi mua Bena Isalele, yeye ankuatshile mudimu wa buakuidi, Alona mene ne Nadaba ne Abihu, Eleazâ ne Itamâ, bana balume ba Alona.

Lewitiki 8:2

Angata Alona ne bana bandi balume badi nʼandi ne bilulu ne manyi adibo bela ha mutu ne mulume wa ngombe wa mulambu wa kubuikila nʼau bubi ne bimpanga bibidi ne tshisaka tshia mampa adi kâyi ne luevene,

Dibadika 16:10

yeye wakanuhatula ne bana benu bonso ba Lewi ha buihi nʼandi, nuenu nudi nudikebela mudimu wa buakuidi kabidi, anyi?

Dibadika 16:35

Kahia bakahatuka kudi Yehowa, kakosha balume nkama ibidi ne makumi atanu bakadi bafila musenga wa manananshi.

Dibadika 16:40

bua kuikalau tshivulukidi kudi Bena Isalele ne kubamanyisha ne, Muntu udi kayi muana wa Alona, kalu ha buihi bua kuosheye musenga wa manananshi ku mpala kua Yehowa, kenji bu Kola ne bantu bandi, bu muakambila Yehowa Mose.

Dibadika 16:5

wakambila Kola ne bakadiye habo ne, Dinda Yehowa neadileshe bantu bandi, ne nganyi udi wa tshijila, neamubikile ku mpala kuandi, neabifile wasunguleye ku mpala kuandi.

Dibadika 16:7

batekemu kahia, batekehu musenga wa manananshi ku mpala kua Yehowa makelela, ne muntu udi musungudibue kudi Yehowa neikale muntu wa tshijila, nuenu bana balume ba Lewi nudi nutamba kudienzela malu.

Dibadika 18:7

Wewe ne bana bebe balume badi nʼebe nenuikale ne mudimu wa buakuidi bua bintu bionso bia tshioshelu ne bintu bidi ku nyima kua tshilulu tshikudika, nuenu nenuenze mudimu eu, nakunuha mudimu wa buakuidi bu mudimu wa kuha kuenu, muenyi udi ulua ha buihi, nebamushihe.

Dibadika 3:3

Au mmena a bana ba balume ba Alona bakuidi bakadi ne manyi mela ha mitu, bakajidilabo bua kuenza mudimu wa buakuidi.

Yowanane 3:27

Yone wakandamuna ne, Muntu kena mumanye mua kudiangatshila tshintu, kabai bamuhetshi tshifume mu diulu.