Ebrewu 1:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Yeye udi wamba bua banjelo ne, Udi ufuisha banjelo bandi mpehele, Ne bakuatshishi bandi ba mudimu ndimi ya kahia.

MUKANDA WA MYIDI MUKULU

⁷ Bua batumibue, Mvidi Mukulu uvua muambe ne: “Mvidi Mukulu udi wenza batumibue bende mueyelu, bena mudimu bende, ndimi ya kapia.”

Ebrewu 1:7 ပူးပေါင်းရင်းမြစ်များ

Genese 3:24

Nunku, yeye wakihata mulume, wakateka bakeluba ku esete kua budimi bua Edene ne muele wa nvita wa kalua wakadi utshinguluka ku nseke yonso, bua kulamabo nshila wa ku mutshi wa muoyo.

1 Bakalenga 22:19

Mikaya wakamba ne, Unvuai dî dia Yehowa: Nakatangila Yehowa mushikame mu nkuasa wandi wa butumbi, ne bisumbu bia bonso badi mu diulu bakadi bimane ha buihi nʼandi ku tshianza tshiandi tshia balume ne ku tshianza tshiandi tshia bakashi.

2 Bakalenga 2:11

Hakatshidibo benda bayikila, monai, dikalu dia kahia ne tubalu tua kahia biakamueneka, biakabahandulula, ne Eliya wakabandishibua mu diulu mu nvunde.

2 Bakalenga 6:17

Elisha wakatendelela Yehowa ne, Ndi nkusengelela ne, Utabashe mesu andi bua yeye amone. Yehowa wakatabasha mesu a nsongalume, wakamona mikuna miule tente ne tubalu ne makalu a kahia binyunguluka Elisha.

Misambu 104:4

Udi uvuisha mpehele bu ba-messager bandi, ne ndimi ya kahia bu bakuatshi bandi ba mudimu.

Yeshaya 6:2

Ha mutu handi hakimana baselafima; muselafima ne muselafima wakadi ne mahuahua asambombo. Wakabuikila mesu andi ne mahuahua abidi, wakabuikila makasa andi ne abidi, ne wakahahala ne abidi makuabo.

Danyele 7:10

Ndimi ya kahia yakahatuka kudiye bu musulu, kahia kakela ndimi ku mpala kuandi. Banjelo binunu ne binunu bakamukuatshila mudimu, banjelo binunu dikumi misangu binunu dikumi bakimana ku mpala kuandi. Bena tshilumbuluidi bakashikama bua kukosa bilumbu, bakabutula mikanda.

Zekâya 6:5

Muanjelo wakangandamuna ne, Ebi bidi makalu adi aya ku mpehele mai ya diulu mimane kudimuenesha ku mpala kua Mukelenge wa buloba bujima.

Ebrewu 1:14

Banjelo bonso kabena nyuma mukuatshishi mitumibue bua kukuatshilabo badi bamba kuhiana luhandu mudimu, anyi?