Dielulula 7:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Halua Yehowa nʼenu mu buloba bunudi nuya bua kubuhiana, hanuihatshileye bisamba bia bungi ku mpala kuenu, Bena Hiti ne Bena Gîgashi ne Bena Amole ne Bena Kanâna ne Bena Pelizi ne Bena Hiwi ne Bena Yebuse, bisamba muanda mutekete bidi binuhita bunene ne bukole;

MUKANDA WA MYIDI MUKULU

¹ Maweja-Nangila Mvidi Mukulu wenu, neanufikishe mu ditunga dinudi ne bua kukuata. Neanuipatshile bisamba ebi muanda mutekete: bena Iti, bena Ngirgashi, bena Amore, bena Kenaane, bena Perizi, bena Ivi ne bena Yebusa, bidi binupita bungi ne bukole.

Dielulula 7:1 ပူးပေါင်းရင်းမြစ်များ

1 Bakalenga 16:31

Bualu ebu buakadi butekete ku mesu kuandi bua kuendeye mu malu mabi a Yalohama, muana wa Nebata: nunku wakabaka Izebele, muana wa bakashi wa Etebâla, mukelenge wa Bena Sidona, wakakuatshila Bâla mudimu, wakamutendelela.

1 Kulondolola 1:14

ne Bena Yebuse ne Bena Amole ne Bena Gîgashi,

2 Kulondolola 8:7

Bantu bakuabo ba Bena Hiti ne Bena Amole ne Bena Pelese ne Bena Hiwi ne Bena Yebuse bakadi bashala, bakadi kabayi Bena Isalele;

Ezela 9:1

Hakashikishabo malu â, bantu banene bakalua kundi, bamba ne, Bena Isalele ne bakuidi ne Bena Lewi kabena baditahulula kudi bena buloba ebu, badi benza malu a bundu a Bena Kanâna ne a Bena Hiti ne a Bena Pelese ne a Bena Yebuse ne a Bena Amona ne a Bena Moaba ne a Bena Ejipitu ne a Bena Amole.

Nehemya 13:23

Mu matuku au kabidi nakamona ne Bena Yuda bakadi babake bakashi ba Bena Ashedodo ne Bena Amona ne Bena Moaba;

Misambu 78:55

Wakihata bisamba bia bantu ku mpala kuabo; wakababanyina buloba bu buhianyi buabo ku muonshi wa luidi, wakashikamisha bisamba bia Bena Isalele mu nsubu yabo ya ntenta.

Ekesode 15:7

Mu bunene bua buakane buebe, wewe utu wahita bantu bukole badi badilesha ku mesu kuebe, wewe udi ubatumina tshiji tshiebe, tshidi tshibosha bu bilu.

Ekesode 23:28

Nentume tuishi ku mpala kuebe bualu bua kukuihatshila Bena Hiwi ne Bena Kanâna ne Bena Hiti.

Ekesode 23:32

Kuhungi nʼabo tshihungidi anyi ne nzambi yabo.

Ekesode 23:33

Bobo kabena bikala mu buloba buebe bualu bua bobo nebakuenzeshe bua kungenzela malu mabi, biwatendelela nzambi yabo, bualu ebu nebuikale buteyi kûdi.

Ekesode 33:2

Nentume muanjelo ku mpala kuebe, nengihate Bena Kanana ne Bena Amole ne Bena Hiti ne Bena Pelizi ne Bena Hiwi ne Bena Yebuse,

Ekesode 6:8

Meme nendue nʼenu mu buloba bunakalaya Abalahama ne Isaka ne Yakoba, nennuhebu bu buhianyi ndi Yehowa.

Lewitiki 14:34

Hanualua mu buloba bundi musue kunuha bu buhianyi buenu ne hanateka disama dia nsudi mu nsubu wa mu buloba bua buhianyi buenu,

Dibadika 13:29

Bena Amaleka badi ku luseke lua ku Sude, Bena Hiti ne Bena Yebuse ne Bena Amole badi ku luseke lua ku mikuna, Bena Kanâna badi hehi ne mai manene ne kukala kua musulu wa Yadene.

Dibadika 14:31

Kadi bana benu bakese banuakuamba ne, Bobo nebafue ku miele ya nvita, nendue nʼabo, bobo nebamanye buloba bunuakuhidia.

Bienzedi 13:19

Hakabutuleye bisamba muanda mutekete mu buloba bua Kanâna, wakabaha buloba buabo bu buhianyi tô bidimu bu nkama inai ne makumi atanu.

Dielulula 11:29

Hashishe hanuabuela mu buloba budi Yehowa, Nzambi wenu unuha, nenjadike disanka ku mukuna wa Gelizima, ne mulau ku mukuna wa Ebala.

Dielulula 20:1

Hanuaya kuluangana nvita ne bantu badi nʼenu lukuna, ne hamutangila tubalu ne makalu ne bantu badi banuhita bungi, kanubatshinyi bualu bua Yehowa, Nzambi wenu, wakanuhatula mu buloba bua Ejipitu, udi nʼenu.

Dielulula 20:16

Kadi misoko ya bantu aba idi Yehowa, Nzambi wenu, unuhayi bua nuenu kuyihiana, kanusungidi tshintu tshimue tshidi tshieyela muhuya;

Dielulula 31:20

Bualu bua hanakamana kulua nʼabo mu buloba bunakalaya batatuʼabo, budi bûle tente ne mabele ne buitshi, ne hakamanabo kudia, kukuta ne kuvunda, hashishe nebakudimune mitshima yabo bua kutendelela nzambi mikuabo, nebayikuatshile mudimu, nebampetule, nebashihe tshihungidi tshianyi.

Dielulula 31:3

Yehowa, Nzambi wenu, neasabuke ku mpala kuenu; yeye neashihe bisamba abi ku mpala kuenu, nuenu nenubihate; Yoshua neasabuke ku mpala kuenu bu muakamba Yehowa.

Dielulula 4:38

bua kunuihatshila bisamba bidi binuhita bunene ne bukole ku mesu kuenu, ne bua kulua nʼenu mu buloba buabo bu buhianyi, bu mudi bualu ebu lelu.

Dielulula 6:1

Ei mmikenji ne â mmei ne â mmalu wakangambila Yehowa bua kunumanyisha, bua nuenu nubienze mu buloba bunudi nuhiana:

Dielulula 6:10

Hashishe halua Yehowa, Nzambi wenu, nʼenu mu buloba buakalayeye batatu benu, Abalahama ne Isaka ne Yakoba, bua kunuhabu, misoko minene ne miakane mudi kanuyi bibake,

Dielulula 6:19

bua kunuihatshila bantu bonso badi nʼenu lukuna ku mpala kuenu, bu muakamba Yehowa.

Dielulula 6:23

yeye wakatuhatulamu, bualu bua kulua nʼetu ne bua kutuha buloba buakalayeye batatu betu.

Dielulula 9:1

Unvuai, Isalele, nenusabuke Yadene lelu, bualu bua kuihata bisamba bidi binuhita bunene ne bukole, ne misoko minene idi ne mpangu mile idi mihite mulu,

Dielulula 9:3

Numanye bienu lelu ne, Yehowa, Nzambi wenu, udi uya ku mpala kuenu udi bu kahia kadi kabutula bionso; yeye nembashihe, neabahoneshe ku mpala kuenu: nunku nenubihate, nembajimishe lubilu, bu muakanuambila Yehowa.

Dielulula 9:4

Hashikisha Yehowa kubihata, kanuambi mu mitshima yenu ne, Mbualu bua buakane buetu, Yehowa wakaluamu nʼetu bua kuhiana buloba ebu: bualu bua Yehowa udi ubihata ku mpala kuenu bualu bua bubi buabo.

Yoshua 11:3

ne kudi Bena Kanâna ba ku esete ne ba ku wesete ne Bena Amole ne Bena Hiti ne Bena Pelizi ne Bena Yebuse ba ku mikuna ne Bena Hiwi kuinshi kua mukuna wa Hêmona mu buloba bua Misepa.

Yoshua 24:11

Nuakasabuka Yadene, nuakalua ku Yeleko; Bena Yeleko bakaluangana nʼenu ne Bena Amole ne Bena Pelizi ne Bena Kanâna ne Bena Hiti ne Bena Gîgashi ne Bena Hiwi ne Bena Yebuse; nakabafila mu bianza bienu.

Yoshua 3:10

Yoshua wakamba ne, Bua bualu ebu nenumanye ne Nzambi wa muoyo udi munkatshi muenu, ne yeye kena uhanga kunuihatshila Bena Kanâna ne Bena Hiti ne Bena Hiwi ne Bena Pelizi ne Bena Gigashi ne Bena Amole ne Bena Yebuse ku mpala kuenu.