Dielulula 6:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Nutshine Yehowa, Nzambi wenu, numuenzele yeye nkayandi mudimu, nuditshihe kudi dina diandi.

MUKANDA WA MYIDI MUKULU

¹³ Numunemeke, numutendelele amu yeye nkayende. Nutshipe amu mu dina diende.

Dielulula 6:13 ပူးပေါင်းရင်းမြစ်များ

Genese 24:3

nenkutshihishe kudi Yehowa, Nzambi wa diulu ne wa buloba, ne wewe kuangatshidi muanʼanyi mulume mukashi wa bana bakashi ba Bena Kanâna babidi bashikame nʼabo,

2 Bakalenga 17:36

Kadi Yehowa wakafuma nʼenu mu buloba bua Ejipitu ne bukole bua bungi ne tshianza tshiandi tshiolola, numutshine yeye, numuinamine, nufile milambu kudiye;

Misambu 15:4

Ku mesu andi muntu mubi udi mulenguludibue; kadi udi utumbisha bantu badi banemeka Yehowa. Biaditshiheye ne bualu bubi budi bumukuata, yeye kena wandamuka ku dî diandi.

Misambu 63:11

Kadi mukelenge neusanke mu Nzambi. Muntu yonso udi uditshiha mu dina dia Nzambi neatumbilemu; bualu bua mukana mua badi bamba mei a mashimi nemubuikidibue.

Ekesode 20:7

Kutedi dina dia Yehowa, Nzambi webe, tshitelatela, bua Yehowa kena ubingisha muntu udi utela dina diandi tshitelatela.

Ekesode 23:25

Nuenu nenutendelele Yehowa, Nzambi wenu, yeye neayudishe disanka ku bidia bienu ne ku mai enu, nennumushile disama munkatshi muenu.

Yeshaya 45:23

Nakuditshiha mu dina dianyi nkayanyi, dî diakane diakuhatuka mukana muanyi, kadiena dihingana: Diamba ne, Tshinu tshionso netshintuile hanshi, ludimi luonso neluditshihe,

Yeshaya 48:1

Unvuai bualu ebu, nuenu bana ba Yakoba, badibo babikila ku dina diandi dia Isalele, ne badi bahatuka munda mua Yuda; badi baditshiha ku dina dia Yehowa, badi batela dina dia Nzambi wa Isalele, kadi kabena baditela mu bushuwa anyi mu buakane.

Yeshaya 65:16

Nunku muntu udi udivudishile disanka mu buloba neadivudishile disanka mu Nzambi wa bushuwa, ne muntu udi uditshiha mu buloba neaditshihe mu Nzambi wa bushuwa; bualu bua makenga a diambedi adi akuata tshihua muoyo, ne bualu bua adi masokoka ku mesu kuanyi.

Yirmeya 12:16

Biananukilabo kuyila bienzedi bia bantu banyi, bua kuditshihabo ku dine dianyi ne, Bu mudi Yehowa ne muoyo; bu muakuyishabo bantu banyi mua kuditshiha kudi Bala; nebajadikibue bimpe munkatshi mua bantu banyi.

Yirmeya 4:2

Biwaditshiha ne, Bu mudi Yehowa ne muoyo, uditshihe nunku mu bushuwa, mu kulumbulula kuakane ne mu buakane; mu diba adi bisamba bia bantu nebivuishibue disanka kudiye, nebitumbile mudiye.

Yirmeya 5:2

Nansha biaditshihabo ne, Bu mudi Yehowa ne muoyo, badi baditshiha ne mashimi.

Yirmeya 5:7

Ndi mumanye mua kukubuikidila mihi yebe munyi? Bana bebe bakundekela ne bakaditshiha ku mena a bintu bidi kabiyi nzambi; hanakabadisha tô ne hakukutabo, bakenda masandi, bakadisangisha bisumbu ne bisumbu mu nsubu ya bakashi ba masandi.

Lewitiki 19:12

Kanuditshihi ne mashina ne dina dianyi, kanutedi dina dianyi tshitelatela, meme ndi Yehowa.

Matayi 4:10

Yesu wakamuambila ne, Satana, umuka; bualu bua bakuanda dî ne, Kukuila Mukelenge Nzambi webe, umuenzele yeye nkayandi mudimu.

Matayi 5:33

Kabidi, nuenu nuakunyua dî diakambilabo bantu ba kale ne, Kuditshihi tshianana, wenzele Nzambi mitshihu yebe;

Luke 4:8

Yesu wakamuandamuna ne, Bakafunda dî ne, Kukuila Mukelenge Nzambi webe, umuenzele yeye nkayandi mudimu.

Dielulula 10:12

Katataka, nuenu Bena Isalele, Yehowa, Nzambi wenu, udi musue nuenu nuenze malu kai? Mbua kutshina Yehowa, Nzambi wenu, ne kuenda mu nshila yandi yonso, ne bua kumusua, ne bua kuenzela Yehowa, Nzambi wenu, mudimu ne mitshima yenu yonso ne bukole buenu buonso,

Dielulula 10:20

Nutshine Yehowa, Nzambi wenu, numuenzele mudimu, nulamate kudiye, nuditshihe kudi dina diandi.

Dielulula 13:4

Nuenu nulonde Yehowa, Nzambi wenu, numutshine, nutumikile mikenji yandi, numuenzele yeye nkayandi mudimu, nulamate kudiye.

Dielulula 13:5

Nebashihe muprofete au anyi mulotshi au wa bilota, bualu bua yeye wakamba mei adi anutombuesha kudi Yehowa, Nzambi wenu, wakanu; hatula mu buloba bua Ejipitu, wakanuhikula mu nsubu wa lukanu; udi musue kunusesuisha mu nshila wakanuambila Yehowa, Nzambi wenubua nuenu kuendamu. Nunku nenumushe malu mabi â munkatshi muenu.

Dielulula 5:11

Kutedi dina dia Yehowa, Nzambi webe, tshitelatela, bua Yehowa kena ubingisha muntu udi utela dina diandi tshitelatela.

Dielulula 5:29

O, nakadi kusua bua mutshima eu wikale munda muabo, bua kuntshina ne bua kuenza mikenji yanyi yonso matuku onso, ne bobo bikale ne dikasa dimpe, ne bana babo badi balonda ku nyima tshiendelele!

Dielulula 6:2

bua nuenu nutshine Yehowa, Nzambi wenu, bua kutumikila mei andi onso ne mikenji yandi, binakanuambila, ne wewe ne muanʼebe mulume, ne muana wa muanʼebe mulume, matuku onso a muoyo wenu; bua wewe uvudishe matuku ebe.

Yoshua 2:12

Nunku, ndi nnusengelela ne, Nuditshihe kudi Yehowa bua bualu buanyi bu munakunuenzela bimpe, nuenu kabidi nungenzele meme ne nsubu wa tatu wanyi bimpe, numpe bianyi tshieya tshilelela;

Yoshua 23:7

kanubuelakanyi ne bisamba ebi bidi bishala munkatshi muenu; kanutedi mena a nzambi yabo, kanuditshihi kudiyi, kanuyikuatshidi mudimu, kanuyikukuidi;

Yoshua 24:14

Nunku nutshine Yehowa, numukuatshile mudimu ne muoyo wonso udi kauyi ne lubombo, nûmushe nzambi yakakuatshila bankambua bena mudimu dishiya dia musulu wa Pelata ne mu Ejipitu; nukuatshile Yehowa mudimu.

1 Samuele 20:3

Davidi wakaditshiha ne, Tatu webe udi mumanye ne, Meme nakasangana luse ku mesu kuebe ne yeye udi wamba ne, Yonatana kimanyi bualu ebu, anyi yeye neanyingalashe mutshima wandi; kadi bu mudi Yehowa ne muoyo ne bu mudi mutshima webe ne muoyo anu katuha kihi kadi kashala hankatshi hanyi ne lufu.

1 Samuele 7:3

Samuele wakambila Bena Isalele bonso ne, Binuasua kuhingana kudi Yehowa ne mitshima yenu yonso, nunku numushe nzambi ya bende ne ya Bashela munkatshi muenu, kudimunai mitshima yenu kudi Yehowa, numukuatshile yeye nkayandi mudimu; ne yeye neanusungile mu bianza bia Bena Peleshete.