Dielulula 5:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ (Meme nakimana hankatshi henu ne Yehowa tshikondo atshi, bua kunulesha dî dia Yehowa; nuenu nuakatshina bualu bua kahia, kanuakabanda ku mukuna;) yeye wakamba ne,

MUKANDA WA MYIDI MUKULU

⁵ Musangu awu, meme Moshe mvua muimane pankatshi penu ne Maweja-Nangila, bua kunumanyisha bionsu bivuaye wamba. Kanuvua basue kubanda ku mukuna to, bualu nuvua nutshina kapia aku. Ke Maweja-Nangila kunuambila ne:

Dielulula 5:5 ပူးပေါင်းရင်းမြစ်များ

Genese 18:22

Balume aba bakumuka, bakaya mu nshila wa ku Sodoma, kadi Abalahama wakatshidi muimane ku mpala kua Yehowa.

2 Bakalenga 18:4

Wakumusha bitendelelu biakadi ku mutu kua mikuna, wakashimbula makunshi akatendelelabo, wakatahila Bashela hanshi, wakabutula nyoka wa tshiamu tshia mitaku Wakenza Mose, bualu bua mu matuku au Bena Isalele bakadi boshila nyoka au musenga wa manananshi; wakamubikila ne, Nehushetana.

Misambu 106:23

Nunku yeye wakamba ne, Nembabutule; bualu buakadiye kuenza, kadi Mose, muntu wandi musungula, wakimana hankatshi habo ne Nzambi bua kukudimuneye tshiji tshiandi bua kababutudi.

Ekesode 19:16

Hakalua dituku disatu ne dinda, makubakuba ne miele ya nvula ne difutu difike biakadi ha mukuna, ne di dia mpungi diakatamba bukole, bantu bonso bakadi mu tshitudilu bakazakala.

Ekesode 19:21

Yehowa wakambila Mose ne, Uhueke biebe, udimushe bantu, kabalu ha buihi bua kumona Yehowa, bungi buabo nebafue.

Ekesode 19:25

Nunku Mose wakahueka kudi bantu, wakabamanyisha.

Yirmeya 30:21

Yehowa udi wamba ne, Muenyampala wabo neikale muntu muledibue munkatshi muabo, mukokeshi wabo neafume munkatshi muabo; nemmusemeshe ha buihi nʼanyi ne yeye nealue kundi; bualu bua muntu kai udi ne bukitu bua kusemeneye ha buihi nʼanyi?

Dibadika 16:48

Wakimana biandi hankatshi ha bantu bafue ne bantu bakatshidi ne muoyo, ne disama diakashika.

Ngalate 3:19

Nunku mikenshi Idi bua tshinyi? Mikenshi yakatentekeshibua ha mutu bualu bua malu mabi a bantu, tô ne hakalua kankanunuina ka Abalahama kakalayidilabo mulayi; wakalongolodibua kudi banjelo ku tshianza tshia mutuanganyi wa tshihungidi.

Dielulula 5:27

Semena biebe ha buihi, unvua mei onso adi Yehowa, Nzambi wetu, musue kubambila: utuambile bietu mei onso adi Yehowa, Nzambi wetu, mukuambile; tuetu netulue dî diandi, netudienze.

Ebrewu 9:24

Bualu bua Kilisto kakabuela mu muaba wa tshijila muasa ne bianza, mufuanangane ne muaba mulelela; kadi wakabuela mu diulu muine, bua kumuenekeye mpindiu ku mpala kua Nzambi bua bualu buetu;