Dielulula 4:2 - Mukanda wa Nzambi Dihungila Dikulukulu ne Dihungila Dihia-dihia 2003

² Kanusangishi mei ha mutu ha dî dinakanuambila, kanumushi mei ku dî adi; bua nuenu nutumikile mikenji ya Yehowa, Nzambi wenu, Nakanuambila.

MUKANDA WA MYIDI MUKULU

² Kanusakididi bualu bukuabu ku mikenji ya Maweja-Nangila Mvidi Mukulu wenu, indi munulongeshe. Kanumushi bualu nansha bumue. Nuyikumbaje yonsu, bungi buayi.

Dielulula 4:2 ပူးပေါင်းရင်းမြစ်များ

Misambu 78:7

bua bana aba bajadike ditekemena diabo mu Nzambi, bua kabahu bienzedi bia Nzambi muoyo, kadi batumikile mikenji yandi.

Nsumuinu 30:6

Kutentekashi dî ku mei andi, bua yeye kakubedi, kukusanganyi muena mashimi.

Muambi 12:13

Eu nshikidilu wa malu onso; malu onso adi munvuike. Utshine Nzambi, utumikile mikenji yandi; ebu mbualu buonso budi muntu ne bua kuenza.

Yirmeya 26:2

Yehowa udi wamba ne, Imana biebe mu tshiendelu tshia mu nsubu wa Yehowa, wambile ba mu misoko yonso ya mu Yuda badi balua kutendelela mu nsubu wa Yehowa mei onso andi nkuambila; kukosolodi dî dimue nansha.

Matayi 5:18

Bulelela, ndi nuambila ne, Tô ne hajimina diulu ne buloba, kaleta kamue kakese ka mikenshi ya Mose kakena kajimina ne katoba kamue kakese tô ne hashika malu onso akafundabo.

Matayi 5:43

Nuakunyua dî diakambabo ne, Sua mukuenu, ikala ne udi nʼebe lukuna tshishi;

Ngalate 3:15

Bana betu, ndi ngakula bu mudi bantu bakula. Nasha tshihungidi tshikala anu hankatshi ha bantu, hamanabo kutshijadika, kakuena muntu udi utshivuisha tshia hatuhu, anyi udi utentekesha malu makuabo ha mutu hatshi.

Dielulula 1:3

Mu tshidimu tshia makumi anai ne mu ngondo wa dikumi ne umue ne dituku dia kumudilu dia ngondo eu, Mose wakamanyisha Bena Isalele bua malu onso akamuambila Yehowa mu mikenji yakabeleleye;

Dielulula 12:32

Nuenu nutumikile, nuenze mei onso anakunuambila; kanutentekashi dî dikuabo ha mutu ha mei au, kanûmushi dî ku mei au.

Dielulula 13:1

Biabika muprofete anyi mulotshi wa bilota munkatshi muenu, udi unulesha tshimanyinu anyi bualu bua kukema;

Dielulula 33:4

Mose wakalelela mikenji bu buhianyi bua tshisambakena tshia Yakoba.

Dielulula 4:14

Yehowa wakangambilaku tshikondo atshi bua meme nnumanyishe mei ne mikenji, bua nuenu kubienza mu buloba bunudi nubuela bua kubuhiana.

Dielulula 4:40

Nuenu nutumikile mei andi ne mikenji yandi, bu munakunuambila lelu, bua nuenu nuikale ne disanka ne bana benu badi banulonda ku nyima, ne bua nuenu nuvudishangane matuku enu ha buloba budi Yehowa, Nzambi wenu, unuha tshiendelele.

Dielulula 4:5

Monai, nakanuyisha mei ne mikenji, bu muakangambila Yehowa, Nzambi wanyi, bua nuenu kubienza mu buloba bunudi nubuela bua kubuhiana.

Dielulula 5:29

O, nakadi kusua bua mutshima eu wikale munda muabo, bua kuntshina ne bua kuenza mikenji yanyi yonso matuku onso, ne bobo bikale ne dikasa dimpe, ne bana babo badi balonda ku nyima tshiendelele!

Dielulula 5:32

Nuenu nutumikile mei onso adi Yehowa, Nzambi wenu, unuambila; kanusesuki ku tshianza tshia balume anyi ku tshianza tshia bakashi.

Yoshua 1:7

Anji kuikala ne bukole ne mutshima wa dikima: udimuke bua kutumikila mikenji yonso yakakuambila muntu wanyi Mose; kusesuka ku tshianza tshia balume anyi ku tshianza tshia bakashi, nunku newikale ne diakalengele kuonso kuwaya.

Yoshua 8:35

Yoshua kakashiya dî dimue dia mei onso akamba Mose; yeye wakâbadila tshisumbu tshijima tshia Bena Isalele ne bakashi ne bana bakese ne benyi bakadi munkatshi muabo.