Dielulula 26:2 - Mukanda wa Nzambi Dihungila Dikulukulu ne Dihungila Dihia-dihia 2003

² hashishe nenuangate bintu bionso bidi biboba diambedi mu buloba budi Yehowa, Nzambi wenu, unuha, nubiteke mu tshisaka, nulue nʼabi mu muaba udi Yehowa, Nzambi wenu, usungula, bua kujadikamu dina diandi.

MUKANDA WA MYIDI MUKULU

² muntu yonsu wa kunudi angate tshitupa tshia biakudia bia tshianyi, bidiye mudime mu ditunga adi. Abiele mu tshisaka, atshiteke muaba wikala Maweja-Nangila Mvidi Mukulu wenu musungule bua kumonangana nenu.

Dielulula 26:2 ပူးပေါင်းရင်းမြစ်များ

2 Bakalenga 4:42

Muntu wa ku Bâla-shalisha wakalua kudi muntu wa Nzambi ne bintu biakahuolabo diambedi, mitanda ya bidia bia orge makumi abidi, ne manvua mabishi mu tshibombi tshiandi. Yeye wakamba ne, Uhe bantu aba, badie.

2 Kulondolola 31:5

Hakambeye mukenji eu, Bena Isalele bakafila bintu bia bungi bia bintu biakahuolabo diambedi ne bia nvinyo ne bia manyi ne bia buitshi ne bia bintu bionso biakamena mu madimi abo; bakalua ne tshia dikumi tshia bintu biabo bia bungi.

2 Kulondolola 6:6

kadi katataka nakusungula Yelushalema bua dina dianyi dikalemu; nakusungula Davidi bua kuikaleye ku mutu kua bantu banyi, Bena Isalele.

Nehemya 12:44

Mu dituku adi bakasungula bantu bua kulamabo nsuhu ya bibutshilu ne bua kufilabo milambu ya kukuha ne ya mamuma a diambedi akahuolabo ne ya tshia dikumi, bua kubisangishabo mu madimi a ku mpenge ya misoko, bituha biakasuagulabo bia bakuidi ne Bena Lewi; bualu bua Bena Yuda bakasanka bua bakuidi ne Bena Lewi bakadi bakuata mudimu.

Nehemya 13:31

ne bua milambu ya nkunyi, ku misangu yakasungulabo, bua mamuma a diambedi. Nzambi wanyi, unvuluke bua kungenzela bimpe.

Ekesode 20:24

Nungashile tshishihelu tshia buloba, nufile ha mutu hatshi milambu ya kuosha, ne milambu ya kuvuisha nʼai ditalala, ne mikoko yenu ne ngombe yenu, ku miaba yonso kundi nnuvuluisha dina dianyi, nendue kunudi, nennusankishe.

Ekesode 22:29

Kunengi bua kufila bintu bia kunowa kudi Nzambi, ne nvinyo ûdi ukama. Nufile banʼa bute ba balume kundi.

Ekesode 23:16

nenudie bidia bia disanka hanuahuola bintu bia kumudilu binuakakuna mu madimi, nudie bidia bia disanka kabidi kunshikidilu kua tshidimu hanuashikisha kusangisha bintu bionso bia mu madimi.

Ekesode 23:19

Bintu bia kumudilu binudi nu huola mu madimi, nulue nʼabi mu nsubu wa Yehowa, Nzambi wenu. Kulambi muana wa mukoko ne mabele a mamu wandi.

Ekesode 34:26

Bintu bia kumudilu binudi nuhuola biai nʼabi mu nsubu wa Yehowa, Nzambi wenu. Kanulambi muana wa mukoko ne mabele a mamu wandi.

Yirmeya 2:3

Yehowa wakamba ne, Isalele wakadi wa tshijila kudi Yehowa, bu mamuma akakuama diambedi mu bintu biandi bia kunowa. Bonso bakamudia bakahila; makenga akabakuata.

Yezekiyele 20:40

Mukelenge Yehowa udi wamba ne, Bualu bua ha mukuna wanyi wa tshijila, ha mukuna wa Isalele udi mubande mulu, bonso ba mu tshisamba tshia Bena Isalele, buonso buabo mene, nebankuatshile mudimu mu buloba ebu. Mu muaba wawa nembitabushe, ne mu muaba wawa nennulombe milambu yenu ne mamuma a kumudilu anudi nufila kundi ne bintu bienu bionso bia tshijila.

Yezekiyele 44:30

Bidi bihita buakane munkatshi mua bintu binudi nuhuola diambedi, ne maha a munkatshi mua bintu bionso binudi nufila kudi Nzambi, bikale bintu bia bakuidi. Nuheshe bakuidi bukula buhite buimpe bua mampa anudi milamba, bua disanka dikale mu nsubu muenu.

Yezekiyele 48:14

Kabahanyi tshituha tshiabu, kabashintakashi tshituha tshiabu, kabitabushi bua tshituha tshia buloba tshijidila Yehowa tshibuele mu bianza bia bantu ba bende; bualu bua budi bajidila Yehowa.

Lewitiki 2:12

Nudi mua kulua ne bintu bia kumudilu binudi nuhuola kudi Yehowa, kadi bintu ebi kabiena bu bintu bidi bitua dihembu ha tshioshelu.

Lewitiki 2:14

Biwalua ne mulambu wa bintu bia kumudilu binudi nuhuola kudi Yehowa, nufile bintu bidi mu miehu biosha mu kahia, miehu mihia-mihia idibo ba tua diambedi.

Rome 11:16

Bikala bintu bia kunowa bia kumudilu bia tshijila, bionso nebikale bia tshijila; bikala muji wa tshijila, matamba adi muomumue kabidi.

Rome 16:5

Nuele bena ekelesia ba mu nsubu muabo muoyo. Nuele Epaineto, munanga wanyi, muoyo; yeye udi dimuma dia kumudilu dia mu Asia diakukuamishabo kudi Kilisto.

Rome 8:23

Kambiobio nkayabi bidi bienza nunku, hadi tuetu kabidi badi ne mamuma a kumudilu a Nyuma Muimpe, tuetu bine tudi tufua mikemu munda muetu, hatudi tuindila buhianyi buetu bua bana, mbuhikudibu bua mibidi yetu mene.

1 Korente 15:20

Kadi katataka Kilisto wakumana kubishibua ku bafue, bu mamuma a kukuama diambedi a bantu bakulala tulu mu lufu.

1 Korente 15:23

Kadi muntu ne muntu nebabike mu mulongo wandi: Kilisto, mamuma a kukuama diambedi; ne hashishe, bantu ba Kilisto nebabike halueye.

1 Korente 16:2

Ku dituku dia kumudilu dia Lumingu ne Lumingu, muntu ne muntu wa munkatshi muenu adibutshile bintu, bu muakabiheteye, bua kakuikadi masangisha a bintu hanalua.

Dielulula 16:10

Nenudie bidia bia disanka dia mbingu ei muanda mutekete ku mesu kua Yehowa, Nzambi wenu, ne diha didi mitshima yenu misue kufila mu bianza bienu, bu muakanuvudishila Yehowa, Nzambi wenu, disanka.

Dielulula 18:4

Nenubahe kabidi bintu binudi nuhuola diambedi, ne tshia nvinyo muhia-muhia, ne tshia manyi enu, ne miosa ya mikoko.

Dielulula 26:1

Hanuabuela mu buloba budi Yehowa, Nzambi wenu, unuha bua nuenu kubuhiana, hanuabunyenga ne hanuashikamamu,

Dielulula 26:3

Nulue kudi muakuidi wa mu matuku au, numuambile ne, Ndi nkuambila lelu ku mesu kua Yehowa, Nzambi webe, ne, Nakubuela mu buloba buakaiaya Yehowa batatu betu, bua kutuhabu.

Yakobe 1:18

Bua mu disua diandi yeye wakatufuka ne dî dia bulelela, bua tuetu tuikale mamuma makuabo a kumudilu a bifukibua biandi.

Yoshua 18:1

Bena Isalele bonso bakadisangisha ku Shilo, bakashimikaku ntenta wa kusambakena; buloba buonso buakadi talalâ ku mpala kuabo.

Didimanyisha 14:4

Aba mbantu bakadi kabai banyanguka ne bakashi, bualu bua bobo badi mishikankunde ya tumama. Aba mbantu badi balonda Muana wa Mukoko kuonso kudiye uya. Bobo bakasumbibua munkatshi mua bantu, bua kuikala mamuma a kuhuola diambedi kudi Nzambi ne kudi Muana wa Mukoko.