Dielulula 25:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ hashishe mukashi wa muanʼabo nealue kudiye ku mesu kua bakulu, neambulule tshisabata ku dikasa diandi, neamutuile lute ku mesu; neamuambile ne, Nebenzele mulume nunku udi uhidia kudiundisha nsubu wa muanʼabo mulume.

MUKANDA WA MYIDI MUKULU

⁹ Nanku mukaji neasemene kudi mulume awu, bakulu bonsu batangile, amukopole tshisabata, amufuile mate mu mesu, wamba ne: “Muntu yonsu udi ubenga bua kusangula diku dia muanabu, nebamuenzele anu mushindu ewu.”

Dielulula 25:9 ပူးပေါင်းရင်းမြစ်များ

Yobe 30:10

Badi bandengulula ne dihetu, badi bimana bashilangana nʼanyi kule, kabena badikanda bua kuntuila lute mu mesu.

Yeshaya 20:2

Mu tshikondo atshi Yehowa wakambila Yeshaya, muana wa Amoza, ne, Ya usulule bilulu bikayabala bidi mu tshimono tshiebe, umushe bisabata biebe ku makasa ebe. Yeye Wakenza nunku, wenda butaka ne kayi ne bisabata.

Yeshaya 50:6

Nakafila nyima wanyi kudi batutshi, ne matama anyi kudi batudi ba nsuki ya muedi wanyi; tshiakasokoka mpala wanyi ku bundu ne kudi batuidi ba lute.

Dibadika 12:14

Yehowa wakambila Mose ne, Bikala tatu wandi mumutuile lute ku mesu, yeye wakadi kushala ne bundu matuku muanda mutekete, nansha? Bamuteke ku butshika bua tshitudilu matuku muanda mutekete, ne ku nyima nebamuhingishe kabidi.

Matayi 26:67

Hashishe, bakamutuila mate mu mesu, bakamukuma bisusu, bakuabo bakamukuma mikumu,

Matayi 27:30

Akamutuila lute, akangata mulangala, akamukuma nʼau mu mutu wandi.

Marke 1:7

Yeye wakamba bualu bua Nzambi ne, Udi ulua ku nyima kuanyi udi muntambe meme, tshiena ne buakane bua kuzonzama mua kusulula mionshi ya bisabata biandi.

Marke 10:34

bamuseke, bamutuile mate, bamukume, bamushihe: kadi hahita matuku asatu, yeye neabike kabidi.

Yowanane 1:27

yeye mene ulualua ku nyima kuanyi, tshiena ne buakane bua kusulula mionshi ya bisabata biandi.

Dielulula 25:10

Nebamuidike dina mu Isalele ne, Nsubu wa udi ne tshisabata tshiandi tshisulula.

Dielulula 25:8

Hashishe bakulu ba mu musoko wandi nebamubikile, nebasombe nʼandi; ne himaneye, wamba ne, Tshiena musue kumuangata,

Rute 4:6

Muena tshiota wakamba ne, Tshiena mua kudihikuilatshi, bingenza nunku, nenyange buhianyi buanyi, utshihikule wewe muine, bualu bua tshiena mua kutshihikula.

1 Samuele 2:30

Nunku Yehowa, Nzambi wa Isalele, udi wamba ne, Nakadianjila kuamba ne, Ba mu nsubu webe ne ba mu nsubu wa tatu webe nebende ku mesu kuanyi tshiendelele; kadi katataka Yehowa udi wamba ne, Bualu ebu bumuke kundi, bualu bua badi bantumbisha nembatumbishe, ne badi bampetula, nembalengulule.