Dielulula 20:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Kadi mitshi mudi bamanye ne kayena ne tumuma, nudi mua kuyikosa; nuase nʼai bibumba bia nvita ku butshika bua musoko wa badi banuluisha to ne hanuabahita bukole.

MUKANDA WA MYIDI MUKULU

²⁰ Kadi mitshi idi kayiyi ikuama bimuma bia kudia, nudi mua kuyishimbula, kuenza nayi miaba ya kuimanyina, bua numone mua kukuata tshimenga atshi bimpe.

Dielulula 20:20 ပူးပေါင်းရင်းမြစ်များ

2 Bakalenga 3:19

Nuenu nenuhaule misoko yonso idi ne ngumbu, ne misoko yonso idi miakane, nenushimbule mitshi yonso idi mimpe, nenujibike mishimi yonso ya mai, nenunyange madimi onso adi mimpe ne mabue kabidi.

2 Kulondolola 26:15

Yeye wakenzesha mashine mu Yelushalema kudi bantu ba lungenyi lule, bua kuteka mu bibumba ne ha mutu ha ngumbu a kuela nʼau mikete ne mabue manene. Dina diandi diakamanyibua kuonso; bualu bua Nzambi wakamukuatshisha bikole, tô ne bakalueye muena bukole bua bungi.

Muambi 9:14

Musoko mukese wakadiku, anu bantu banya-banya bakadimu; mukelenge munene wakalua kuluisha, wakautshintshimika ne wakasa bibumba;

Yeshaya 37:33

Nunku Yehowa udi wamba bualu bua mukelenge wa Ashû ne, Kena ufika ha buihi ne musoko eu, kena welaku mukete, kena ulua ku mpala kuau ne ngabu, kena unguishaku mushiki wa buloba ku musoko eu.

Yirmeya 33:4

Bualu bua Yehowa, Nzambi wa Isalele, udi wamba bua nsubu ya mu musoko eu ne bua nsubu ya bakelenge ba Yuda yakushimbulabo bua kunguisha mishiki bua kudihandula ku miele ya nvita,

Yirmeya 6:6

Bualu bua Yehowa wa misumba wakuamba ne, Tahai mitshi, bumbai mushiki wa buloba bua kubandabu ne kuluisha ba mu Yelushalema! Bualu bua eu udi musoko undi ne bualu hua kukengesha; munda muau mudi anu bakengeshi.

Yezekiyele 17:17

Palô ne tshisumbu tshiandi tshinene tshia masalayi ne tshia bena nvita ba bungi kabena mua kumukuatshisha mu dituku dia nvita, haluabo kukungisha mishiki ya buloba ne kuela mabula manene a kutshintshimika nʼau musoko, bua kushihabo bantu ba bungi.

Dielulula 1:28

Netubuelemu munyi? Bana betu bakatekesha mitshima yetu, bakamba ne, Bantu aba badi batuhita hunene ne bule; misoko yabo idi minene, ne mpangu yai ya mabue idi miye mulu mule; bualu bukuabo, tuakatangilamu bana balume ba Bena Anaka.

Dielulula 20:19

Hanuatshintshimika musoko musangu mule, hanualuangana nʼabo bua kûnyenga, kanushihi mitshi ya tumuma ne tusui; nudi mua kudia tumuma atu, kanushihi mitshi, bualu bua mitshi ei idi bu bantu banudi uluangana nʼabo, anyi?

Dielulula 21:1

Biasanganabo muntu mufue mu buloba budi Yehowa, Nzambi wenu, unuha bua nuenu nubuhiane, kabayi bamanye muntu wakamushiha;