Dielulula 18:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Biumuka Muena Lewi ku umue wa misoko ya mu Isalele, muakadiye ushikama, bua kubuela ne mutshima wandi wonso mu muaba udi Yehowa Usungula,

MUKANDA WA MYIDI MUKULU

⁶ Pikala muena Levi umuka mu tshimenga tshia bena Izrayele mudiye musombe, bua kuya muaba wikala Maweja-Nangila musungule,

Dielulula 18:6 ပူးပေါင်းရင်းမြစ်များ

Misambu 26:8

Yehowa, ndi nnanga muaba ûdi mushikame mu nsubu muebe, ne muaba udi butumbi buebe bushikame.

Misambu 27:4

Nakulomba Yehowa bualu bumuehele, mbuobu bundi ukebakeba: bua meme kushikama mu nsubu wa Yehowa matuku onso a muoyo wanyi, bua kumona buimpe bua Yehowa, ne bua kuelangana meji a malu a mu ntempelo wandi.

Misambu 84:10

Bualu bua dituku dimue mu biendedi bia mu tshitendelelu tshiebe didi dihita matuku tshinunu a kukuabo buimpe. Nakadi kusungula bua kuimana ku mbelu kua nsubu wa Nzambi wanyi ku mpala kua kushikama mu ntenta ya malu mabi.

Misambu 84:5

Disanka didi kudi bantu badi ne bukole buabo kûdi, badi ne nshila ya ku Siona mifunda mu mitshima yabo!

Dibadika 35:5

Ku butshika bua musoko nenuidikishe ku luseke lua ku esete coudées binunu bibidi, ne ku luseke lua ku Sude coudées binunu bibidi, ne ku luseke lua ku wesete coudées binunu bibidi, ne ku luseke lua ku nôde coudées binunu bibidi Buloba ebu bua ku matshika a misoko nebuikale buhianyi buabo.

Dielulula 12:11

Hashishe nenulue ne bintu binakanuambila ku muaba udi Yehowa, Nzambi wenu, Usungula bua kujadikamu dina diandi; milambu yenu ya kuosha ne nyama yenu mishiha, ne bintu bia dikumi bia bintu bienu, ne bintu bienu bidibo bakuha, ne milambu ya kuditshiha kuenu kunudi nuditshiha nʼaku kudi Yehowa.

Dielulula 12:14

kadi muaba udi Yehowa Usungula munkatshi mua bisamba bienu, nenufileku milambu yenu ya kuosha, nenuenzeku mei onso anakunuambila.

Dielulula 12:5

Kadi muaba udi Yehowa, Nzambi wenu, musungule munkatshi mua bisamba bienu bionso, bua kujadikamu dina diandi: nenukebe muaba kudiye mushikame, nenudisangisheku;

Dielulula 16:2

Nenushihele Yehowa, Nzambi wenu, mulambu wa kuhita kua Yehowa, wa mikoko ne wa ngombe, mu muaba udi Yehowa Usungula bua kujadikamu dina diandi.

Dielulula 18:7

hashishe yeye neanuenzele mudimu mu dina dia Yehowa, Nzambi wandi; bu mudi bana babo, Bena Lewi, batu bimana ku mesu kua Yehowa, benza.

1 Timote 3:1

Dî edi didi mua kueyemenyibua ne, Biasua muntu kuangata mudimu wa mukulu-mutangidi, yeye udi usua mudimu muimpe.

1 Petro 5:2

Nulame tshisumbu tshia mikoko ya Nzambi tshidi munkatshi muenu, nubalame, kanui benzeshibue ku bukole, kadi ne mitshima ya disanka bu mu disua dia Nzambi; kambualu bua kukeba biuma, kadi nuikale ne mutshima mulongolola bimpe;