Dielulula 17:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ nunku mutshima wandi kaudibandishi ku mutu kua bana babo, nunku yeye kasesuki mu nshila wa mikenji nansha ku tshianza tshia balume nansha ku tshianza tshia bakashi; nunku nebavudishe matuku a bukelenge buandi, ne a bana bandi mu Isalele.

MUKANDA WA MYIDI MUKULU

²⁰ Bionsu ebi nebimuambuluishe bua kaditambishi, bu mupite bantu bonsu ba mu tshisamba tshiende, kabidi bua kalenguludi mikenji, kadi ayikumbaje yonsu too ne mikese mene. Nanku mukalenga awu ne ndelanganyi yende, nebashale mu bukalenga matuku a bungi, balombola bena Izrayele.

Dielulula 17:20 ပူးပေါင်းရင်းမြစ်များ

2 Samuele 22:23

Bualu bua mikenji yandi yonso mijalame yakadi ku mpala kuanyi; tshiakasesuka ku mikenji yandi mifunda.

1 Bakalenga 11:34

Kadi tshiena nyenga bukelenge buonso mu bianza biandi: nemmuvuishe mukelenge matuku andi onso bualu bua Davidi, muntu wanyi unakasungula, nuakatumikila mikenji yanyi ne mei anyi;

1 Bakalenga 11:36

Nempe muanʼandi tshisamba tshimue, bua Davidi, muntu wanyi ikale ne muinda utema ku mesu kuanyi mu Yelushalema matuku onso, musoko unakasungula bua kutekamu dina dianyi.

1 Bakalenga 15:3

Yeye wakenza malu mabi onso akenza tatu wandi ku mpala kuandi; mutshima wandi kawakadi muakane ku mesu kua Yehowa, Nzambi wandi, bu muakadi mutshima wa Davidi, tatu wandi.

1 Bakalenga 15:5

Bualu bua Davidi wakenza malu mimpe ku mesu kua Yehowa matuku onso a muoyo wandi; yeye kakasesuka mu dî diakamuambileye matuku andi onso anu bualu bua Uliya, Muena Hiti.

1 Bakalenga 2:3

Utumikile mei a Yehowa, Nzambi webe, bua kuenda mu nshila yandi, ne bua kulamata mikenji yandi ne mei andi onso ne mikandu yandi ne mianda yandi yonso bu mudibi bifunda mu mikanda ya Mose, bua wewe wikale ne diakalengele mu malu onso audi wenza, ne mu nshila yonso ludi wenda;

2 Bakalenga 10:30

Yehowa wakambila Yehu ne, Bualu bua wewe wakuenza malu akadi mimpe ku mesu kuanyi, wakuenzela ba mu nsubu wa Ahaba malu anakasungula mu mutshima wanyi, nunku bana bebe ba balume nebashikame mu nkuasa wa bukelenge wa Isalele tô ne ku bikondo binai.

2 Bakalenga 14:10

Bulelela, wewe wakuhita Bena Edome bukole, wakadibandisha mu mutshima webe, wakadisua; Shala biebe kuebe, uditumbishe nkayebe. Udi musue kudibuesha mu malu bua kudikengesha ne bua kuhona, wewe ne Bena Yuda hebe, bua tshinyi?

2 Kulondolola 25:19

Wewe udi wamba ne, Meme nakashiha Bena Edome; udi unanga tshiadi tshiebe bua kufunafuna; anji kushala kuebe. Bualu kai udi udibuesha mu malu a bakuabo bua kudikengesha ne bua kudilenduisha nʼau, wewe ne Bena Yuda?

2 Kulondolola 26:16

Kadi hakalueye muena bukole bua bungi yeye wakadisua mu mutshima wandi, wakenza malu mabi, wakatombokela Yehowa Nzambi wandi; bualu bua yeye wakabuela mu ntempelo wa Yehowa bua kuosheleye Yehowa musenga wa manananshi ku tshioshelu tshia manananshi.

2 Kulondolola 33:12

Hakadiye mu ntatu nunku yeye wakakeba Yehowa Nzambi wandi, wakatamba kudihuekesha ku mesu kua Nzambi wa bankambua bandi.

2 Kulondolola 33:19

Mei akalombeye nʼau Nzambi bakitabusha Nzambi kutendekena kuandi, ne malu mabi onso akenzeye, ne ditomboka diandi, ne bioshelu biakaseye ha mutu ha mikuna, ne mitshi ya Bashela yakakuneye, ne mpingu yakasongeye diambedi yeye kayi muanji kudihuekesha, monai, bidi bifunda mu mukanda wa bamonyi ba malu.

2 Kulondolola 33:23

Yeye kakadihuekesha ku mesu kua Yehowa bu muakenza Manashe tatu wandi hakadihuekesheye; kadi Amona eu wakatamba kuenzenza malu mabi.

2 Kulondolola 34:27

bualu bua mutshima webe wakanyingalala ne bua wewe wakadihuekesha ku mpala kua Nzambi hawakunvua mei andi akambeye bua muaba eu ne bua bantu badi bashikamamu, wakadihuekesha ku mpala kuanyi, wakadihanda bilulu biebe, wakadila ku mpala kuanyi, Yehowa udi Wamba ne, Meme kabidi nakunvua mei ebe.

Misambu 119:102

Tshiakuehuka ku mei ebe majalame, bualu bua wewe muine wakunyisha.

Misambu 132:12

Biatumikila hana bebe tshihungidi tshianyi ne mikenji yanyi bindualua kubayisha, bana babo baledibue nebashikame mu nkuasa webe wa bukelenge tô ne tshiendelele.

Misambu 19:11

Muntu webe udi mudimushibue kabidi kudibi; ne mu kutumikila kuabi mudi bukenji bunene.

Nsumuinu 10:27

Ditshina dia Yehowa didi dilehesha matuku a muoyo, kadi bidimu bia bantu babi nebikeleshibue.

Nsumuinu 27:24

Bualu bua biuma kabienaku tshiendelele; tshifulu tshia bunfumu tshidi tshishala tô bikondo bionso, anyi?

Muambi 8:13

kadi muntu mubi kena uheta diakalengele, yeye kena uvudisha matuku andi, adi bu mindidimbi; bualu bua yeye kena utshina ku mesu kua Nzambi.

Yeshaya 2:12

Bualu bua Yehowa wa misumba udi ne dituku didiye ulumbuluisha bifukibua bionso bidi biditumbisha ne bidi bidisue, ne tshifukibua tshionso tshidi tshidibandisha; nebihuekeshibue,

Abakuke 2:4

Monai, mutshima wa udi udibandisha kawena muakane munda muandi; kadi muntu muakane neikale ne muoyo bua lulamatu luandi.

2 Korente 12:7

Bua meme tshitambi kuanyishibua bua bunene bua kubuluibua kua malu kundi, nakahebua tshintu bu dieba mu mubidi wanyi bu muanjelo wa Satana bua kunkengeshakengesha, bua meme tshitambi kuanyishibua.

Dielulula 12:25

Kanudi mashi; bua nukume dikasa dimpe ne bana benu badi banulonda ku nyima, hanuenza malu adi mimpe ku mesu kua Yehowa.

Dielulula 12:28

Nutumikile, nunvue mei onso anakanuambila: nunku nenukune dikasa dimpe ne bana benu badi banulonda ku nyima tshiendelele, hanuenza malu adi mimpe ne makane ku mesu kua Yehowa, Nzambi wenu.

Dielulula 12:32

Nuenu nutumikile, nuenze mei onso anakunuambila; kanutentekashi dî dikuabo ha mutu ha mei au, kanûmushi dî ku mei au.

Dielulula 17:11

nenuenze bu mudi mikenji idibo banuyisha, ne bu dilumbulula didibo banuambila; kanusesuki ku tshianza tshia balume anyi ku tshianza tshia bakashi mu dî didibo banuambila.

Dielulula 4:2

Kanusangishi mei ha mutu ha dî dinakanuambila, kanumushi mei ku dî adi; bua nuenu nutumikile mikenji ya Yehowa, Nzambi wenu, Nakanuambila.

Dielulula 5:32

Nuenu nutumikile mei onso adi Yehowa, Nzambi wenu, unuambila; kanusesuki ku tshianza tshia balume anyi ku tshianza tshia bakashi.

Dielulula 8:2

Nuvuluke malu onso akanuenzela Yehowa, Nzambi wenu, bidimu ebi makumi anai hakadiye munulombole mu tshihela, bualu bua kunuhuekesha, ne kunuteta bualu bua kumanya malu akadi mu mitshima yenu, ne nudi basue kutumikila mikenji yandi, anyi kuyihidia.

1 Petro 5:5

Muomumue, nuenu bansongalume, nukokele bakulumpe. E, buonso buenu nudiluatshishe ne buhuekele, bua kukuatshishangana; bualu bua Nzambi udi uhidia badi badisue, kadi udi uha badi badihuekesha ngasa.

1 Samuele 10:25

Samuele wakajinguluila bantu mushindu wa bukelenge, wakafunda mu mukanda, wakauteka ku mpala kua Yehowa. Samuele wakatuma bantu bonso muntu ku nsubu wandi muntu ku nsubu wandi.

1 Samuele 15:23

Kutomboka kudi bualu bubi bu butempi bua mbuku ne tshitshu tshidi bu kutendelela kua mpingu ne manga a hatuhu. Bualu bua wewe wakahidia dî dia Yehowa yeye kabidi wakakuhidia bua wewe kuikala mukelenge.