Dielulula 17:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ yeye neashale ne mukanda eu, neaubale matuku andi onso; nunku yeye neamanye mua kutshina Yehowa, Nzambi wandi, ne mua kutumikila mei onso ne mikenji yonso bidi bifundamu, bua kubienza;

MUKANDA WA MYIDI MUKULU

¹⁹ Nanku mukalenga alame mukanda awu pabuipi nende, bua ikale uubala matuku onsu atshidiye ne muoyi, bua anemeke Maweja-Nangila Mvidi Mukulu wende, akumbaje mikenji yonsu idibu bafunda mu mukanda awu.

Dielulula 17:19 ပူးပေါင်းရင်းမြစ်များ

2 Bakalenga 22:10

Shafana secrétaire wakambila mukelenge ne, Hilekiya, muakuidi munene, wakumpesha mukanda. Shafana wakaubala ku mpala kua mukelenge.

Misambu 1:2

Kadi disanka diandi didi mu mikenji ya Yehowa, ne mu mikenji yandi mudiye welangana meji munya ne butuku.

Yowanane 5:39

Nudi nukeba kujingulula malu adi mafunda mu Mukunda wa Nzambi, bua nudi nuelangana meshi ne, Mu malu â tudi ne muoyo wa tshiendelele; malu au kabidi adi angamba;

Dielulula 11:18

Nunku nubueshe mei â munda mua mitshima yenu ne muoyo wenu; nuasuika ku tshianza tshienu bu tshimanymu ne hankatshi ha makiki enu.

Dielulula 4:10

dituku dinuakimana ku mpala kua Yehowa, Nzambi wenu, mu Holeba, hakangambila Yehowa ne, Unsangishile bantu, mbunvuishe mei anyi, bua bobo bamanye mua kuntshina matuku abo onso a ha buloba, ne bua bobo bayishe bana babo.

Dielulula 4:9

Nuanji kudimuka, nulame mioyo yenu bilengele, bua kanuhu muoyo bua malu anuakatangila ne mesu enu, ne bua mei au kaluhuki mu mitshima yenu matuku onso a muoyo wenu; kadi nuamanyisha bana benu ne bana ba bana benu;

Dielulula 5:1

Mose wakabikila Bena Isalele bonso, wakabambila ne, Unvuai, Isalele, mei ne mikenji bindi nnuambila mu matshu enu lelu, bua nuenu nubimanye ne nubienze.

Yoshua 1:8

Mukanda eu wa mikenji yanyi kaumuki mukana muebe; kadi welangane meji a mukanda eu munya ne butuku, udimuke mua kuenza malu onso adi mafundamu; hashishe neutute dikasa dimpe, newikale ne diakalengele.