Dielulula 13:2 - Mukanda wa Nzambi Dihungila Dikulukulu ne Dihungila Dihia-dihia 2003

² ne hashikisheye tshimanyinu anyi bualu bua kukema bua kunubikila ne, Tuye, tulonde nzambi mikuabo mudi kanuyi bamanye, tuyenzele mudimu;

MUKANDA WA MYIDI MUKULU

² Dituku dikuabu, pikala muambi nansha muntu udi Mvidi Mukulu uleja malu munumuenekela, nnumanyisha tshishima,

Dielulula 13:2 ပူးပေါင်းရင်းမြစ်များ

1 Bakalenga 13:3

Yeye wakamuha tshimanyinu dituku adi, wamba ne, Etshi ntshimanyinu tshiakuamba Yehowa; mona, tshioshelu etshi netshihandike hankatshi, ne butue budi ha mutu hatshi nebumate hanshi.

Ekesode 22:19

Muntu yonso udi ulala ne nyama nebanshihe bulelela.

Ekesode 7:22

Bena bilengulengu ba mu Ejipitu bakenza muomumue ne manga abo, mutshima wa Palô wakakoleshibua, yeye kakabunvuila, bu muakamba Yehowa.

Yirmeya 23:32

Yehowa udi wamba ne, Tangilai, ndi mbenga baprofete badi bamba mei a mashimi bua bilota biabo, badi babiawila bantu bakuabo, badi benzesha bantu banyi bua kuenzabo malu mabi ne ku mashimi abo ku kufuna kuabo; kadi tshiakabatuma, tshiakabelela mukenji bua kuyabo; Yehowa udi wamba ne, Kabena bakuatshisha bantu aba, nansha kakese.

Yirmeya 27:9

Kadi nuenu, kanunvu mei a baprofete benu, anyi a bena lubuku benu, anyi a badi banuambila bilota biabo, anyi a bena muhongo benu anyi a bena lubuku lua muzangu badi banuambila ne, Kanuena nukuatshila mukelenge wa Babulona mudimu.

Yirmeya 28:9

Hamba muprofete dî bua ditalala, halua dî dia muprofete dilelela, nunku nebamanye bua muprofete eu ne, Yehowa udi mumutume bulelela.

Zekâya 10:2

Bualu bua mpingu ya telafima idi yamba mei a hatuhu, batempi ba mbuku badi batempa ne mashimi; badi balota bilota badi bawilangana bilota bia mashimi, badi basambangana ne busambi hua tshianana. Bua malu â bantu badi batatakana bu mikoko, badi bakenga kabayi ne mulami.

Matayi 24:24

Bualu bua ba-Kilisto ba mashimi nebalue, ne baprofete ba mashimi, nebaleshe bantu bimanyinu binene ne malu a kukema bualu bua kuhambuisha badi basungula kadi Nzambi mene mene; biamanyabo mua kuenza nunku.

Dielulula 13:13

Bantu bakuabo ba tshikamakama, bakumuka munkatshi muenu, bakasesuisha bena musoko wabo ne, Tuye tuenzele nzambi mikuabo mudimu, inudi kanuyi bamanye;

Dielulula 13:6

Bikala muanʼenu mulume, muana mulume wa mamu webe mene, anyi muanʼebe mulume anyi muanʼebe mukashi, anyi mukashi webe ûdi unanga, anyi mulunda webe wa ha mutshima webe, mukusesuishe mu musokoko ne, Tuye bietu, tuenzele nzambi mikuabo mudimu, inudi kanuyi bamanye, nansha wewe nansha batatu benu;

Dielulula 18:20

Muprofete udi udiambila mei mu dina dianyi ne dikamakama andi tshiyi mumuambile anyi udi wamba mei mu dina dia nzambi mukuabo, muprofete au neafue biandi.

Dielulula 18:22

Hamba Muprofete malu mu dina dia Yehowa ne malu au kaena menjibue, au mmalu adi Yehowa kayi mumuambile; muprofete au wakatuambila, kanumutshinyi.