Dielulula 12:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ nudimuke, kanukuatshibu kudi mateyi abo bua kubalonda, habajimishabo ku mesu kuenu; kanukonkanganyi bua nzambi yabo ne. Bisamba ebi bidi bitendelela nzambi yabo munyi? Tuetu nkayetu tudi basue kuenza nunku kabidi.

MUKANDA WA MYIDI MUKULU

³⁰ Pikala Maweja-Nangila mumane kubutula bantu abu, kanulondi bibidilu biabu to. Kanutendeledi mvidie yabu. Kanuidikiji mushindu uvuabu bayitendelela.

Dielulula 12:30 ပူးပေါင်းရင်းမြစ်များ

2 Bakalenga 16:10

Ahaza wakaya ku Damaseke bua kusangileye ne Tigelata-pilesê, mukelenge wa Ashû; wakatangilaku tshioshelu tshiakadi mu Damaseke. Ahaza wakatuma tshinfuanyi tshia tshioshelu ne luidi luatshi ne buakane buatshi buonso kudi Uliya muakuidi.

2 Bakalenga 17:15

Bakabenga mikenji yandi ne tshihungidi tshiakahungeye ne bankambua babo ne mei andi akabambileye; bakalonda malu a hatuhu, bakalua bahote, bakalonda bisamba biakadi ha buihi nʼabo biakabambila Yehowa diambedi ne, Kanuenji bu mudibo benza.

Ekesode 23:24

Kuinaminyi nzambi yabo, kuyitendeledi, kuenji mudibo benza, kadi ubiele hanshi, ushihe bibumba biabo.

Yirmeya 10:2

Yehowa udi wamba ne, Kanulondi nshila wa bisamba bia bantu, kanuikadi ne buowa bua bimanyinu bia mu diulu; bualu bua bisamba ebi bidi ne buowa bualu buabi,

Yezekiyele 11:12

nunku nenumanye ne, Ndi Yehowa, muena mei anudi kanuyi nulonda, muena mikenji mudi kanuyi nuenza, kadi nuakuenza bu mudibo benza kudi bisamba bidi binunyunguluka.

Yezekiyele 20:28

Bualu bua hanakalua nʼabo mu buloba bunakaditshiha bua kubaha, ne bobo bakatangisha mesu abo ku mukuna wonso mule anyi ku mutshi wonso wa mabeshi a bungi, bakafilahu milambu yabo, bakafilahu bintu biakankuatshisha tshiji; bakoshelaku bintu bia muhuya muimpe, bakahongololaku milambu ya bia kunua.

Yezekiyele 20:32

Meji au kabidi, anudi nuhangidisha kaena ajalama, bualu bua nudi nuamba ne, Netuikale bu bisamba bia bantu, bu meku a mu maloba makuabo, netukuatshile mutshi ne dibue mudimu.

Lewitiki 18:3

Kanuenji bilele bia mu buloba bua Ejipitu bunuakadi bashikame, kanuenji bilele bia mu buloba bua Kanâna bundualua kunuha, kanulondi mikenji yabo.

Lewitiki 18:30

Nunku nutumikile dî dianyi, kanuenji bilele ebi bibi biakenzabo ku mpala, kanudionyi mu malu au meme ndi Yehowa, Nzambi wenu.

Dibadika 33:52

nenuihate bena buloba ebu bonso ku mpala kuenu, nushihe mpingu yabo ya mabue, ne mpingu yakatulabo ne tshiamu, ne miaba yabo ya kutendelela,

Rome 12:2

Kanudifuanyikishi ku malu a mu tshikondo etshi, kadi miandamuke ku dikudimuna dia meshi enu to meshi mahia-mahia bua nuenu nujingulule mudi disua dia Nzambi didi dimpe, didi dimusankisha, ne didi diakane tshishiki.

Efeze 4:17

Nunku ndi nuambila dî edi, ndi numanyishadi kabidi mu Mukelenge ne, Kanuendi kabidi bu mudi bantu ba bisamba bia bende benda mu meshi abo a hatuhu;

Dielulula 11:16

Nudimuke bienu, bua kanudidingi mu mitshima yenu, kanusesuki bua kukuatshila nzambi mikuabo midimu ne kuyitendelela;

Dielulula 12:29

Hashiha Yehowa, Nzambi wenu, bisamba bidi ku mpala kuenu, hanuabihata, hanuahiana buloba buabo,

Dielulula 12:31

Kanuenzedi Yehowa, Nzambi wenu, nunku bualu bua bobo badi benzela nzambi yabo malu onso mabi adi atonda Yehowa; bualu bua bobo badi boshila nzambi yabo bana babo balume ne bana babo bakashi mene mene ha kahia.

Dielulula 18:9

Hanuabuela mu buloba budi Yehowa, Nzambi wenu, unuha, kanuyidi bua kulonda ku nyima kua malu a bundu a bisamba abi.

Dielulula 20:18

bua bobo kabanuyishi mua kulonda malu mabi abo, adibo benzela nzambi yabo; nunku nuenu nenuenzele Yehowa, Nzambi wenu, bibi.

Dielulula 7:16

Nujimishe bantu bonso badi Yehowa, Nzambi wenu, ufila mu bianza bienu; kanubafuidi luse, kanutendeledi nzambi yabo; bualu ebu nebuikale bu buteyi kunudi.