Dielulula 12:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Hadiundisha Yehowa, Nzambi wenu, matshika enu muakanulayeye, ne nuenu nenuambe ne, Netudie munyinyi, bualu bua mitshima yenu idi misue kudia munyinyi; nudi mua kudia munyinyi udi mitshima yenu misue.

MUKANDA WA MYIDI MUKULU

²⁰ Pikala Maweja-Nangila wenu mudiundishe ditunga dienu bu muvuaye mulaye, nenuikale nudia munyinyi munudi basue.

Dielulula 12:20 ပူးပေါင်းရင်းမြစ်များ

Genese 28:14

Tunkanunuina tuebe netuikale bu dinfuenkenya dia buloba netumuangalale ku wesete ne ku esete ne ku nôde ne ku sude bisamba bionso bia ha buloba nebisanke bualu buebe ne bua tunkanunuina tuebe.

Genese 31:30

Wewe wakusua kuhingana bualu bua mutshima webe wakadi ujinga ku nsubu wa tatu ebe, kadi wewe wakuiba mpingu yanyi bua tshinyi?

2 Samuele 13:39

Mutshima wa mukelenge Davidi wakasua kuya kudi Abashaloma: bualu bua yeye wakasambibua bualu bua Amenona, bua yeye wakafua.

2 Samuele 23:15

Mutshima wa Davidi wakamusamina bua mai a kunua; wakamba ne, Bampeku mai a kunua a dî mu dina dia mu Beteleheme, didi ha buihi ne tshibi!

1 Kulondolola 4:10

Yabesa wakatendelela Nzambi wa Isalele wamba ne, Nakadi kusua bua wewe kunsankisha ne kulehesha mikalu yanyi ne bua tshianza tshiebe tshikale nʼanyi, bua wewe kundama bua tshibuedi mu malu mabi ne bua meme tshikadi ne kanyinganyinga! Nzambi wakamuha malu akalombeye.

Misambu 107:9

Bualu bua yeye udi uha muntu tshidiye ujinga, ne udi ukutshisha muena nzala ne bintu bimpe.

Misambu 119:174

Ndi njinga luhandu luebe, Yehowa, ne mikenji yebe idi disanka dianyi.

Misambu 119:20

Muoyo wanyi udi muhandike bua dijinga dindi nʼadi ku kulumbulula kuebe kuakane misangu yonso.

Misambu 119:40

Mona, nakujinga malu awakunsunguila bua meme kuenza, usangashe muoyo wanyi mu buakane buebe.

Misambu 63:1

Nzambi, wewe udi Nzambi wanyi; ndi nkukeba bikole; muoyo wanyi udi ne nyota bualu buebe; mubidi wanyi udi uhanga mu dikujinga diau, mu buloba bume ne budi bukama, budi kabuyi mai.

Misambu 84:2

Mutshima wanyi udi ujinga, e, ndi muhange ne dijinga dia biendedi bia mu tshitendelelu tshia Yehowa. Mutshima wanyi ne mubidi wanyi bidi biela mbila bua Nzambi wa muoyo.

Ekesode 23:31

Nenteke mikalu yenu ku Dishiba Dikunze tô ne ku mai manene a Bena Peleshete, ne ku tshihela tô ne ku musulu wa Pelata, bualu bua meme nenfile bena buloba mu bianza bienu, nuenu nenubihate ku mpala kuenu.

Ekesode 34:24

Bualu bua meme nengihate bisamba bia bantu ku mesu kuenu, nendeheshe matshika enu: bantu bakuabo kabena bikale ne lukuka lua buloba buenu, hanuamueneka kudi Yehowa Nzambi wenu misangu isatu ku tshidimu ku tshidimu.

Dibadika 11:20

kadi ngondo mujima, tô ne hanuaulukila mu diulu, neunutonde, bualu bua nuenu nuakuhidia Yehowa udi munkatshi muenu, nuakudila ku mpala kuandi ne, Tuakaluhuka mu Ejipitu bualu kai?

Dibadika 11:34

Bakidika muaba au ne, Kibelota-hatawa, bualu bua bakajikamu bantu bakadi ne lukuka.

Dibadika 11:4

Bantu bakuabo ba munkatshi muabo bakadi ne lukuka be Bena Isalele bakadila kabidi, bakamba ne, Nganyi neatuhe munyinyi wa tuetu kudia?

2 Korente 9:14

bobo kabidi, ne disengelela bua bualu buenu, badi banujinga bikole bua ngasa mutambe bunene wa Nzambi udi munda muenu.

Dielulula 11:24

Miaba yonso mudi nudiata munda mua makasa enu neyikale yenu: ku tshihela ne mikuna ya Lebanona ne ku musulu munene wa Pelata tô ne ku mai manene adi ku nyima kuenu.

Dielulula 12:15

Kadi nudi mua kushiha nyama ne mua kudia munyinyi ku mbelu kuenu udi mitshima yenu misue, bu mudi disanka dia Yehowa, Nzambi wenu, diakanusankisheye nʼadi; bantu badi kabayi bakane ne badi bakane badi mua kudia munyinyi wa kabuluku ne mbashi.

Dielulula 12:21

Bikala muaba udi Yehowa, Nzambi wenu, Usungula bua kujadihamu dina diandi, udi kule, hashishe nenushale ngombe wa mu ngombe yenu ne mukoko wa mu mikoko biakanuha Yehowa, bu munakanuambila; nudi mua kudia ku mbelu kuenu bintu bionso bidi mitshima yenu misue.

Dielulula 19:8

Bikala Yehowa, Nzambi wenu, muleheshe matshika enu, bu muakudi tshiheye kudi bankambua benu, bianuheye buloba buonso buakalayeye bankambua benu;

Filipe 1:8

Nzambi udi mumanyi wanyi bu mundi nujinga ne dinanga didi munda mua Kilisto Yesu.

Filipe 2:26

Bualu bua yeye wakanujinga buonso buenu, ne wakabungama bikole bua nuenu nuakunsua lumu ne, Yeye udi usama.