Didimanyisha 6:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Ne kabalu kakuabo kakaluhuka, kabalu kakunze mene; ne bakamuha yeye wakadi ushikama ha nyima haku bukole bua kumusheye ditalala ha buloba, ne bua bantu bashihangane; ne bakamuhesha muele wa nvita munene.

MUKANDA WA MYIDI MUKULU

⁴ Ke kabalu kakuabu kupatuka, kakunze. Uvua mubandepu, bavua bamupesha muele mutue, kabidi ne bumfumu bua kutangalaja mvita pa buloba, bua bantu bashipangane.

Didimanyisha 6:4 ပူးပေါင်းရင်းမြစ်များ

Misambu 17:13

Yehowa, ujuke biebe, wimane ku mpala kuandi, umuele hanshi; usungile muoyo wanyi kudi muntu mubi ne muele webe wa nvita.

Danyele 5:19

Bua bunene buakamuhesheye, bantu ba bisamba bionso ne ba mu miaku yonso bakazakala ku mpala kuandi ne bakamutshina. Bakasueye kushiha, wakabashiha; bakasueye kushiya ne muoyo, wakabashiya ne muoyo; bakasueye kubandisha, wakababandisha; bakasueye kuhuekesha, wakabahuekesha.

Zekâya 1:8

Bufuku abu nakamona, ne tangilai, muntu wenda ha nyima ha kabalu kakunze; wakadi muimane munkatshi mua mitshi ya myrtres mu muaba wa dileshi, ne ku nyima kuandi kuakadi tubalu: tukunze, tukunzubile ne tutoke.

Zekâya 6:2

Ku dikalu dia kumudilu kuakadi tubalu tukunze; ku dikalu dibidi kuakadi tubalu tufike;

Matayi 10:34

Kanuedianganyi meshi ne, Meme nakuluila bua kutuma ditalala ha buloba, tshiakuluila bua kutuma ditalala, nakuluila bua kutuma muele wa nvita.

Matayi 24:6

Nenuamue bualu bua nvita ne ngumu ya nvita; dimukai, kanuhampakanyi: malu au nealue bulelela, kadi nshikidilu kena muanze kulua.

Yowanane 19:11

Yesu wakamuandamuna ne, Bu bukokeshi kabui bukuhebue kudi wa mu diulu, wewe kuakadi kuikala nʼabu bua kungenzela bualu; bua bualu ebu nunku wakunfila mu bianza biebe ngudi ne bualu butambe bubi.

Didimanyisha 12:3

Ne tshimanyinu tshikuabo tshiakamuenebua mu diulu; ne mona, dragon mukunze, muikale ne mitu muanda mutekete ne nsengu dikumi, ne bifulu bia butumbi muanda mutekete ha mitu handi.

Didimanyisha 13:10

Bikala muntu ubuesha bakuabo mu buhika, Uyaya mu buhika; bikala muntu ushiha bakuabo ne muele wa nvita, budiye nʼabu mbua kushihibua ne muele. Eku kudi ditantamana, ne ditabusha dia basanto.

Didimanyisha 17:3

Yeye wakantuala mu nyuma ku tshihela: nakatangila mukashi mushikame ha nyima ha nyama wa luonji mukunzekunzu, mûle tente ne mena a kuhenda nʼau Nzambi, muikale ne mitu muanda mutekete ne nsengu dikumi.

Didimanyisha 17:6

Ne nakatangila mukashi mukuatshike ne mashi a basanto, ne mashi a bamanyishi ba Yesu. Hanakamutangila, nakakema ne dikema dikole.