Didimanyisha 5:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Ne umue wa bakulu udi ungambila ne, Kudidi nasha; tangila, Nyama wa Ntambue udi wa mu tshisamba tshia Yuda, Muji wa Davidi, wakatamba bukole bua kubululeye mukanda ne bimanyishilu biau muanda mutekete.

MUKANDA WA MYIDI MUKULU

⁵ Ke umue wa ku bakulu kungamba ne: — Lekela muadi. Tangila: ntambue wa mu tshisamba tshia Yuda, wa ku ndelanganyi ya mukalenga Davide, udi mutshimune. Nanku Yeye udi mua kulamuna bitampi muanda mutekete ne kubulula mukanda.

Didimanyisha 5:5 ပူးပေါင်းရင်းမြစ်များ

1 Bakalenga 10:20

Bifuanyikishi bia nyama ya ntambue dikumi ne bibidi biakadi biteka ku bidiatshilu bisambombo, bibidi ku tshidiatshilu ne tshidiatshilu, tshimue ku luseke tshimue ku luseke; kakuakadi mukuabo bu eu mu bukelenge bukuabo.

2 Kulondolola 9:18

Nkuasa wa bukelenge wakadi ne tshibandilu tshia bidiatshilu bisambombo, ne tshitekelu tshia makasa tshia or tshitue ne nkuasa; bitekelu bibidi bia maboko biakadi ku luseke ne luseke lua nkuasa; tshifuanyikishi tshia nyama wa ntambue tshiakadi tshilamata ku tshitekelu ne tshitekelu tshia maboko.

Yobe 41:15

Nyima wandi udi ne milongo ya mabamba adi bu ngabu yandi, mikuatakane hohamue bu mituangashe bikole.

Yeshaya 11:1

Lutonga nelutoloke ku tshikuku tshia Yishai, ne ditamba dia ku miji yandi nedikuame mamuma.

Yeshaya 11:10

Hashishe mu dituku adi Lutonga lua ku miji ya Yishai neluimane bialu bu dibendela dia kusangishaku bisamba bia bantu. Ba mu bisamba ebi nebaye kudiye bua kumulomba lungenyi, ne muaba udiye mushikame newikale wa butumbi.

Yirmeya 31:16

Yehowa udi wamba ne, Kanda dî diebe bua kadididi, kanda mesu ebe bua kâikadi ne binsonshi; bualu bua Yehowa udi wamba ne, Nebakufute bua mudimu webe; nebahingane kabidi kuabo, bafume ku buloba bua bena lukuna babo.

Danyele 7:16

Nakasemena ha buihi ne mukuabo wa bakadi bimane, nakamulomba ne, Unjinguluile malu au onso hatoke. Nunku yeye wakangambila, wakammanyisha dijingulula dia malu au.

Dibadika 24:9

Udi walamina bu nyama wa ntambue, udi ulala hanshi bu mukashi wa nyama wa ntambue, nganyi neamubishe? Wakasankisha ikale biandi ne disanka, ne wakuela mulau ikale biandi ne mulau.

Luke 23:28

Yesu wakatshinguluka, wakamba ne, Bana bakashi ba Yelushalema, kanunjingi, nudijinge, nujinge bana benu.

Luke 7:13

Hakamutangila Mukelenge, yeye wakamufua luse, wakamuambila ne, Kudidi.

Luke 8:52

Bonso bakadi badila, bakadi bamujinga; kadi yeye wakamba ne, Kanudidi; bualu bua yeye kena mufue, udi mulale tulu.

Yowanane 20:13

Bakamukonka ne, Mukashi, udi udidila tshinyi? Yeye wakabambila ne, Bua bakuya ne Mukelenge wanyi, tshiena mumanye kuakumuladikabo.

Rome 1:3

bualu bua Muana wandi Mulume, wakaledibua bu mudi buntu buandi kudi tunkanuniuna tua Davidi,

Rome 15:12

Yeshaya udi wamba kabidi ne, Muji wa Yishai newikaleku, Ne udi ubika bua kukokesha bisamba bia bende neikaleku, Bisamba bia bende nebimutekemene.

Ebrewu 7:14

Bualu budi bumanyishibua ne, Mukelenge wetu wakuledibua mu tshisamba tshia Yuda, tshisamba tshivua Mose kai muambile bua bakuidi.

Didimanyisha 1:1

Buakabuluibua bua Yesu Kilisto buakamuha Nzambi bua kulesheye bahika bandi, malu mene adi ne bua kulua tshituha tshihi. Wakabutuma ne wakabumanyishila muhika wandi Yone kudi muanjelo wandi;

Didimanyisha 22:16

Meme Yesu nakutuma muanjelo wanyi bua kunumanyisha malu â bua bualu bua ekelesia. Ndi muji ne kankanunuina bia Davidi, mutoto udi ukenka, wa nkesha.

Didimanyisha 3:21

Udi uhita bukole nemuhe bua kushikameye nʼanyi mu nkuasa wa butumbi, bu munakatamba bukole ne munakashikama ne Tatu wanyi mu nkuasa wandi wa butumbi.

Didimanyisha 4:10

bakulu makumi abidi ne banai nebahone ku mpala kua yeye udi ushikama ha nkuasa wa butumbi, nebatendelele yeye udi ne muoyo tshiendelele, nebele bifulu biabo bia butumbi ku mpala kua nkuasa wa butumbi, bamba ne

Didimanyisha 4:4

Nkuasa makumi abidi ne inai yakanyunguluka nkuasa wawa wa butumbi; ne ha nkuasa ya butumbi hakadi bakulu makumi abidi ne banai bashikamahu, baluatshishibue ne bivualu bitoke; ne ha mitu habo hakadi bifulu bia butumbi bia ngolo.

Didimanyisha 5:4

Ne nakatamba kudila bualu bua kabakasangana umue muikale ne buakane bua kubutuleye mukanda, nasha kutangilahu.

Didimanyisha 6:1

Nakamona bakalamuna Muana wa Mukoko tshimue tshia bimanyishilu muanda mutekete, ne nakunvua umue wa bifukibue binai bidi ne muoyo wamba dî dia bu mukungulu wa nvula ne, Lua.

Didimanyisha 7:13

Ne umue wa bakulu wakangandamuna dî ungambila ne, Aba badi baluatshisha ne mayeka matoke badi banganyi ne bakafuma kudi kunyi?