Didimanyisha 4:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Ne wakadi mushikamehu, mumueneke ku mesu bu dibue dia yasape ne dia sardoine, ne muanzankongolo wakadiku, munyunguluke nkuasa wa butumbi, mumueneke ku mesu bu émeraude.

MUKANDA WA MYIDI MUKULU

³ Uvua ukenka mpala bu mabue a mushinga mukole a yaspise ne sarduwane. Muanzankongolu uvua wenza tshijengu kulu kua nkuasa, wengelela bu dibue dia emerode.

Didimanyisha 4:3 ပူးပေါင်းရင်းမြစ်များ

Ekesode 24:10

Bakamona Nzambi wa Isalele, muinshi mua makasa andi muakadi mabue a saphir, akadi matoke tô bu mubidi wa diulu.

Ekesode 28:18

mulongo muibidi wa mabue a escarboucle ne saphir ne calcédoine,

Ekesode 39:11

mu mulongo muibidi mabue a rubis ne saphir ne calcédoine,

Yeshaya 6:1

Mu tshidimu tshiakafua mukelenge Uziya nakamona Mukelenge mushikame mu nkuasa wandi wa bukelenge, muikale kulu ne mubandishibue mulu, ne tshilulu tshia kumanda kua muzabi wandi tshia-kûsha ntempelo tente.

Yezekiyele 1:26

Ha mutu ha diulu diakadi ha mutu habi hakadi tshinfuanyi tshia nkuasa wa bukelenge, muikale ne mubidi wa dibue dia saphir; ne ha tshinfuanyi tshia nkuasa wa bukelenge hakadi tshinfuanyi tshia mundi mushikame mulu amu.

Yezekiyele 1:28

tshifuana muanzankongolo udi umueneka mu matutu mu dituku didi nvula uloka; ke muakadi tshinfuanyi tshia kukenka kukole kuakamunyunguluka. Etshi tshiakadi tshinfuanyi tshia butumbi bua Yehowa tshiakamueneka kundi. Hanakatshimona, nakatua mpala wanyi hanshi, nakunvua dî dia mukuabo wakadi wakula.

Yezekiyele 10:1

Hashishe nakatangila, ekumona! Mu diulu diakadi ha mutu ha bakeluba muakamueneka tshinfuanyi tshia nkuasa wa bukelenge, muikale ne mubidi wa dibue dia saphir.

Yezekiyele 28:13

Wakadi mu Edene, budimi bua Nzambi. Wakalengeshibua ne mabue a mushinga mukole a mishindu yonso, a rubis, a topaze, a mbonga, a chrysolithe, a onyx, a jaspe, a saphir, a escarboucle ne a émeraude; bakabiteka mu tukanu tua or. Bakakulongoluelabi mu dituku dî wakafidibua.

Didimanyisha 10:1

Nakatangila muanjelo mukuabo mukole uhueka mu diulu, muluatshisha ne ditutu; ne muanzankongolo wakadi ha mutu handi, ne mpala wandi wakadi bu diba, ne makasa andi akadi bu ndimi ya kahia;

Didimanyisha 21:11

muikale ne butumbi bua Nzambi; ne dinkenka diau diakafuana dibue dia mushinga mutambe bukole, bu dibue dia yasape, ditoke tô bu ntalatala.